Koningin Emmabrug

 E artíkulo aki ta skirbí na ortografia di papiamentu. Lo ta apresiá si por mantené e artíkulo aki na estilo di papiamentu.

Koningin Emmabrug (tambe konosí komo Swinging Old Lady òf Pontjesbrug i na papiamentu komo Brùg di Ponton, Brùg di Punda òf simplemente Brùg) ta un brùg di ponton úniko ku desde 8 di mei 1888 ta konektá dos zona di Willemstad, Punda i Otrobanda, ku otro. E brùg ta drif riba 16 ponton.

Koningin Emmabrug
Informashon básiko
Alokashon	Kòrsou
Koordinato	12°6′22.0″N 68°56′7.1″W
Ta Span	Bahia di Santa Ana
Start	8 di mei 1888
Largura	168 m
Funshon
Aktual	brùg pa peaton
Arkitektura
Tipo	brùg di ponton
Arkitekto	Leonard Burlington Smith
Material	palu
Mapa detayá di Koningin Emmabrug
Imágen riba Wikimedia Commons
[Editá Wikidata] · [Manual]

E brùg ta habri pa tráfiko marítimo na momentu ku un boto òf bapor mester drenta òf sali haf. Pa dia 15.000 peaton ta hasi uso di e brug akí. E brùg ta nombrá na Reina Emma. For di 1975, pa tráfiko terestre, brùg ta habri solamente pa peaton. Despues di e dia ei outo mester a hasi uso di Koningin Julianabrug òf kore rònt di Schottegat pa move di Punda bai Otrobanda i vise versa.

Historia

A traha Emmabrug na aña 1888 i e tabata e promé brùg flotante den bahia di Santa Ana. Inisialmente e brùg, ku konsul merikano Leonard Burlington Smith a laga konstruí, tabata un empresa privá. Na 1930 gobièrnu ta tuma esaki over i desde 1934 ta abolí e derechi di kobra. A renov'é kompletamente na 1939. Entre 2005 i 2006 a bolbe renová e brùg. E pontonnan ta úniko kos ku a keda original na e brùg nobo. E brùg a haña un apariensia nobo. Entre otro a kita e aseranan pa peatonnan por kana mas fásil riba e brùg.

Brùg entre 1920 i 1950.

Bista aereo (1949).

Bista aereo (2019).

Bista anochi.

Mira tambe

• Lista di brùg na Willemstad

Mira tambe e kategoria Koningin Emmabrug di Wikimedia Commons pa mas dato mediatiko tokante di e tema aki.

Fuente, nota i/òf referensia