Fundashon Wikimedia
E artíkulo aki ta skirbí na ortografia di papiamentu. Lo ta apresiá si por mantené e artíkulo aki na estilo di papiamentu.Fundashon Wikimedia (Ingles: Wikimedia Foundation Inc) ta un organisashon no-komersial di Merka ku tin komo meta pa plama konosementu liber pa tur hende na mundu. E organisashon ta realisá esaki pa medio di diferente proyekto digital, di kua e ensiklopedia riba internet "Wikipedia" ta esun mas konosi.
| Fundashon Wikimedia | ||
|---|---|---|
| WMF | ||
 | ||
Lema: Imagine a world in which every single human being can freely share in the sum of all knowledge. | ||
| Historia | ||
| Fundá | 20 yüni 2003 | |
| Sede | San Francisco | |
| Pais |  Merka | |
| Personal | 700 | |
Imágen riba  Wikimedia Commons | ||
| Wèpsait ofisial | ||
| [Editá Wikidata] · [Manual] | ||
E sede prinsipal di Fundashon Wikimedia ta na San Francisco, California.
Fundashon Wikimedia ta proveé e infrastruktura tékniko i organisatorio ku ta permití miembronan di públiko desaroyá kontenido basá riba wiki den idiomanan rònt mundu.[1] E fundashon no ta skirbi òf supervisá ningun di e kontenido riba e proyektonan mes.[2] En bes di esei, esaki ta wòrdu hasí dor di redaktornan boluntario, manera e Wikipedianonan. Sinembargo, e ta kolaborá ku un ret di boluntario individual i organisashonnan afiliá, manera kapítulo (chapter) di Wikimedia, organisashon temátiko, grupo di usuario i otro partnernan.
E kompiuternan (server) ku ta manehá e proyektonan di Fundashon Wikimedia ta stashoná na Merka (den estadonan Virginia, Texas i California), Singapur i Hulanda.[3]
Proyektonan
editá
Fundashon Wikimedia ta funshoná komo un organisashon “paraplu” pa un seri di proyekto di konosementu liber, entre otro:
- Wikipedia – ensiklopedia liber na internet
- Wiktionary (Wikshonario) – dikshonario multilingual
- Wikiquote (Wikisita) – kolekshon di sita
- Wikibooks (Wikibuki) – buki i material edukativo liber
- Wikisource (Wikifuente) – tekstonan original i dokumentonan históriko
- Wikimedia Commons – base di dato di imagen, audio i video liber
- Wikinews (Wikinotisia) – platafòrma di notisia liber
- Wikispecies (Wikiespesie) – direktorio di espesie biologiko
- Wikiversity (Wikiversidat) – plataforma di siensia i edukashon
- Wikidata – base di konosementu
- Wikifunctions – un katalogo di funshonnan di kòmpiuter
- Wikivoyage – guia di biahe
Algun di e proyektonan aki ainda no tin un vershon na papiamentu.
Historia
editáE Fundashon Wikimedia a wòrdu fundá ofisialmente dia 20 di yüni 2003 dor di Jimmy Wales, ko-fundadó di Wikipedia i eks-direktor di Bomis.[4]
E nòmber “Wikimedia” a wòrdu proponé dor Sheldon Rampton den un lista di diskushon (mailing list) na mart 2003. Despues, e nòmber di dominio wikimedia.org i wikimediafoundation.org a wòrdu registrá pa Daniel Mayer.
Fuente, nota i/òf referensia
|