Badminton

 E articulo aki ta uza ortografia di Papiamento. Lo aprecia si por mantene e articulo aki na estilo di Papiamento.

Badminton ta un deporte di raket cu ta wordo hunga riba un cancha rectangular, caminda dos of cuater persona ta trata di dal un proyectil yama shuttlecock (tambe volant). E meta ta pa manda e shuttlecock pasa riba e net y laga esaki cay na otro banda di e cancha, sin cu e oponente por bolbe pega esaki. E ta wordo hunga tanto paden como den aire liber (por ehempel den cura of riba beach).

badminton

tipo di deporte, Olympic sport, hobby

Supkategoria di	racket sport, Olympic sport
Nòmber duná di	Badminton House
Authority	Badminton World Federation
Praktiká pa	badminton player, badminton coach, badminton umpire, badminton executive and administrator
Ta utilisá	badminton racket, shuttlecock, net, badminton court, stringing machine
Simbolo Unicode	🏸

 

 From Wikidata

Historia

Badminton tin su origen den weganan antiguo manera battledore and shuttlecock (tambe conoci como jeu de volant) cu tabata wordo hunga na Gresia, China y India. E deporte moderno a desaroya na Inglatera rond di 1873, specificamente na e propiedad di e di 9° Duke di Beaufort den Gloucestershire, yama "Badminton House", cu a duna e deporte su nomber.

Na 1934, e International Badminton Federation (IBF) a wordo funda, cu despues a bira Badminton World Federation (BWF) na 2006.

Badminton a bira un deporte di demostracion den e Weganan Olimpico 1972 na München, y oficialmente a wordo inclui den e programa na 1992.

Regla di wega

Badminton por wordo hunga den dos forma principal:

• Single – 1 contra 1
• Dobel – 2 contra 2 (incluso dobel mixto)

E wega ta wordo hunga riba un cancha di 13.4 meter largo y 5.18 meter hancho pa single, of 6.1 meter pa dobel. E net ta colga na un haltura di 1.55 meter. Ta hunga un wega te 21 punto, y e ganador mester di un diferencia di dos punto.

Ekipo

Pa hunga badminton ta rekeri:

• un raket lihe (tipicamente di carbon of aluminio)
• un shuttlecock (di pluma of nylon)
• un net
• un cancha cu dimensionnan standard

Beneficio pa salud

Badminton ta un deporte cu ta yuda mehora e salud di un persona. Practica regular di e deporte por:

• mehora condicion cardiovascular
• aumenta densidad di wesonan
• mehora coordinacion man-wowo y tiempo di reaccion
• disminui riesgo di malesa cronico
• alivia stress y ansiedad

Torneo mayo

E torneonan internacional mas importante den badminton ta lo siguiente:

• All England Open Badminton Championships – un di e torneonan mas bieu y prestigioso (for di 1899)
• BWF World Championships – torneo mundial organisa pa BWF
• Thomas Cup – campeonato mundial pa timnan di homber
• Uber Cup – campeonato mundial pa teamnan di muhe
• Sudirman Cup – torneo mundial di teamnan mixto
• Badminton na Weganan Olimpico – participacion for di 1992

Hungado di fama

• Lin Dan – dos biaha campeon olimpico y cinco biaha campeon mundial
• Lee Chong Wei – number uno mundial pa hopi aña, tres biaha medaya di plata olimpico
• Taufik Hidayat – campeon olimpico 2004
• Carolina Marín – campeon mundial y campeon olimpico 2016
• PV Sindhu – medaya di plata olimpico y campeon mundial
• Viktor Axelsen – campeon mundial y campeon olimpico 2020

Badminton den Caribe Hulandes

 Aruba
Na Aruba, e deporte ta wordo regula pa e Federacion di Badminton di Aruba, cu a wordo funda den e prome mita di añanan 1970. E seleccion nacional Arubano a haci su debut internacional na 1974 den e campeonato di Caribbean Regional Badminton Confederation (CAREBACO) na Guyana.
 Kòrsou
E Badminton Bond Curaçao tambe a wordo funda den comienso di añanan 1970. E federacion ta representa Corsou den e organisacionnan regional y internacional di badminton.

Link externo

• Website oficial di Badminton World Federation (BWF)
• Federacion di Badminton di Aruba
• Facebook di Federacion di Badminton di Aruba

Fuente, nota i/òf referensia