Chilankhulo cha Chichewa
Chichewa, (Chicheŵa mu chilankhulo cha ku Malaŵi, chomwe chimatchulidwanso kuti Chinyanja) ndi chilankhulo cha anthu a chi Bantu ndipo chimalankhulidwa kwambiri kummwela kwa dziko la Malawi, ndi kumvuma kwa dziko la Zambia. Mau oyamba okuti Chi- amene amalembedwanso kuti Ci- amatanthauza “mokhala ngati”, motero liu loti Chichewa limatanthauza “mokhala ngati Achewa”, choncho chilankhulochi chimadziwikanso ndi maina okuti Chewa kapena Nyanja. Chingoni (Ngoni) ndi Chikunda (Kunda) ndi kalankhulidwe kena ka chilankhulochi. Ena mwa ma Liu a mchichewa afanananso ndi Shona, isizulu ndebele komanso Isixhosa.
| Subclass of | • Bantu • East Bantu • Nyasa | |
|---|---|---|
| Native label | Chilankhulo cha Chichewa | |
| Country | Malaŵi, Mozambique, Zambia | |
| Indigenous to | Central Region, Niassa Province, Zambezia Province, Tete Province, Central Province, Eastern Province | |
| Coordinate location | 13°0′0″S 34°0′0″E | |
| Linguistic typology | subject–verb–object, agglutinative language, syllabic language | |
| Writing system | Latin script | |
| Number of speakers, writers, or signers | 12,000,000 | |
| UNESCO language status | 1 safe | |
| Ethnologue language status | 3 Wider Communication | |
| Wikimedia language code | ny | |
Kufala kwa Chilankhulochi
SinthaniChichewa ndi chimodzi mwa zilankhulo ziwiri zovomelezeka za dziko la Malawi (chilankhulo chinacho ndi Chingerezi), ndipo Chinyanja ndi chimodzi cha zilankhulo zisanu ndi ziwiri za dziko la Zambia, kumene chimalankhulidwa kwambiri kumvuma kwa dzikoli. Chichewa chimalankhulidwanso ku Mozambique, Maka maka mdera la Tete ndi Niassa ndiponso ku Zimbabwe kumene, malinga ndi kafukufuku, ndi chilankhulo chachitatu pa zilankhulo zonse za dzikolo, pambuyo pa Chishona ndi Chindebele. Maiko a Malawi, Zambia ndi Mozambique ndi kumene chilankhulochi chimayankhulidwa kwambiri. Baibulo ndi Khorani anatanthauziridwa mu Chichewa.
Zitsanzo zazitsanzo
Sinthani| Chingerezi | Chewa (Malawi)[1] | Town Nyanja (Lusaka)[2] |
|---|---|---|
| How are you? | Muli bwanji? | Muli bwanji? |
| I'm fine | Ndili bwino | Nili bwino / Niliche mushe |
| Thank you | Zikomo | Zikomo |
| Yes | Inde | Ee |
| No | Iyayi/Ayi | Iyayi |
| What's your name? | Dzina lanu ndani?[3] | Zina yanu ndimwe bandani? |
| My name is... | Dzina langa ndine... | Zina yanga ndine... |
| How many children do you have? | Muli ndi ana angati? | Muli na bana bangati? |
| I have two children | Ndili ndi ana awiri | Nili na bana babili |
| I want... | Ndikufuna... | Nifuna... |
| Food | Chakudya | Vakudya |
| Water | Madzi | Manzi |
| How much is it? | Ndi zingati? | Ni zingati? |
| See you tomorrow | Tionana mawa | Tizaonana mailo |
| I love you | Ndimakukonda | Nikukonda |
Mbiri
SinthaniChichewa chinayambira ku ufumu wa Amaravi, umene unali wotchuka pa zaka za pakati pa 1500 ndi 1800. Ufumuwu unali ku Malawi, Zambia ndi Mozambique. Chilankhulochi chinakhalabe chotchuka ngakhale Angoni anagwetsa ufumu wa chi Maraviwo ndipo chinabvomerezedwa ndi ofalitsa uthenga wa Chikhristu pachiyambi pa chitsamunda. Ku Zambia, chilankhulochi chimatchuka ndi dzina lakuti Chinyanja, lomwe limatanthauza “chilankhulo cha Anyanja”, ndipo chimalankhulidwa ndi anthu a Chingoni ndi Chikunda. Mbali la Baibulo linatanthauziridwa mu chilankhulochi mu zaka za m’ma 1900.