Ikolo

Ikolo kuyinto ephathelene nommoya, kukulapho abantu bakholelwa khona into ebakholelwa kiyo le kufuze kube yinto ebayibona bonyana inamandla ngokommoya begodu ikhethekile. isibonelo sezinto abantu abangakholelwa kizo kungaba nguZimu, isithombe sento ethileko, nofana abezimu. ikolo kuyinto eyenza abantu bona bakhone ukuzwsisa iphasi ebaphila kilo. kuyinto eyeza bona abantu baphile ngokwesiko , neminyanya ethileko njengendlela yokuveza ikolo yabo. Imihlobo yeenkolo esezikhona esewula Afrika ngilezi: Sifumana ikolo yobukhrestu, ikolo ye Islam, ikolo yama Hindu, ikolo yama Juda, ikolo yama Bhuda kanye nekolo yabaphasi.^[1]

IMIHLOBO YEKOLO

Ikolo yobukhrestu

Lekolo ngeyabantu abakholelwa kuZimu begodu abakholwa bonyana uJesu yindodana kaZimu ezelwe iyodwa eyasuka ezulwini yeza ephasini ukuzofela izono zabantu begodu yahlongakala yavuka ngemva kwamalanga amathathu. Abantu abokholelwa kile kolo bathanda ukusebenzisa isiphambano njengethswayo lekolo yabo. le ngenye yeenkolo elandewa babantu abanengi khulu ephasini^[2]. Ikolo yamakhrestu kuyikolo ekholelwa embhabhadisweni wabantu njengethswayo lokobana umuntu uzelwe kabutjha sele aphila ipilo yakhe anoZimu.

ikolo ye-Islam

Le yikolo yabantu ababizwa bona ma Muslim, bakholelwa ku zimabo obizwa bona ngu "Allah" begodu nakumphrofidi obizwa bona "nguMuhammad". Bafunda iincwadi i Quran, Amarhubo, ne Torah lezi bakholwa bona ziincwadi ezathunyelwa kibo ngu zimu wabo u Allah. ^[3]

Ikolo yamaHindu

Amahindu akholelwa ku zimu wabo obizwa bona nguBrahman. Bakholelwa bona yoke into umuntu ayenzako inemphumela yakhona efanele bona umuntu aqalane nayo epilweni nanyana lokha sele adlulile ephasini. AmaHindu anabozimu abathathu uBrama(ngumdali) Vishnu (mgcini wabo) Shiva (mbhubhisi)

ikolo yamaJuda

AmaJuda akholelwa ekutheni kunoZimu oyedwa ephasini begodu nguye odale izulu nomhlaba. AmaJuda afunda itorah njenge ncwadi yabo ebafundisa ngozimu, iTorah le ineencwadi ezihlanu zokuthoma ezatlowa ngu Mose ebhayibhilini.

ikolo yabaphasi

Le yikolo yabantu abanzima abakholelwa ebezimini. abezimu kubabantu abebaphila ephasini kodwana bahlongakala nje imimoya yabo sele isebenza ukubapha inhlanhla nokubavikela.

Iinkomba

↑ Riesebrodt, M., 2010. The promise of salvation: A theory of religion. University of Chicago Press. Vancouver
↑ Schmidt, A.J., 2009. How Christianity changed the world. Zondervan.
↑ Donner, F.M., 2010. Muhammad and the believers: At the origins of Islam. Harvard University Press. Vancouver

[1] Riesebrodt, M., 2010. The promise of salvation: A theory of religion. University of Chicago Press. Vancouver

[2] Schmidt, A.J., 2009. How Christianity changed the world. Zondervan.

[3] Donner, F.M., 2010. Muhammad and the believers: At the origins of Islam. Harvard University Press. Vancouver

[1]