Abangani

Abangani babantu ophila nabo ngamalanga begodu obathembako bonyana ungabelana nabo indaba zakho ongazitjeli abanye abantu. Kungilabo bantu abakunikela isekelo olidingako epilweni, bakwenze uzizwe wamukelekile begodu uthandwa. Abangani kungilabo bantu abaphila boke begodu abathanda izinto ezifanako begodu abakghona ukucoca babonisane ngepilo. Kubabantu abazanako bonyana omunye uthanda ini begodu akathandi ini, kungilabo bantu abakghona ukukujamela nalokha wena ungekho.^[1]

Ubuhle bokubamngani

Abangani kubabantu abangasikhuthaza bonyana silinge nofana senze izinto ezitja epilweni ezizosenza bona sikhule nanyana siphumelele. Abangani bangakukhuthaza bona ulandele izinto ongaba nekareko kizo. Abangani basihlanganisa nabanye abangani babo nofana basise kwezinye iindawo lapho sizokwazana khona nabanye abantu abangasilekelela ukuthuthuka nofana ukufezekisa amabhudango wethu.^[2] Abangani bangakulekelela ngezinye izinto zemakhaya ezifana nokuthutha, ukugada abantwana nangemali. Ngesinye isikhathi lokha nawusemrarweni nofana nawudanileko abangani basinikela ihlombe esizokulilela kilo sethule imiraro yethu bese umngani akuphe iseluleko nofana akududuze.

Izinto ongaziqala ukubona umngani omuhle

Umngani omuhle ujama nawe ngeenkhathi zoke akusekele. Akakhulumi ngokuhluleka kwakho kwabanye abantu abangakuthandiko nofana aveze indaba zakho omthembe ngazo. Kumumuntu okutjela amaqiniso nanyana angakuzwisa ubuhlungu kangangani begodu ukghona ukuthembela kuye lokha nawufuna isekelo.^[3] Kumumuntu okhuluma naye khulu nanyana angekho eduze niyathintana ngomaliledinini. Kumumuntu okghona ukukulalela lokha nawukhulumako angakupheleli ihliziyo. Nalokha nasele uqedile ukukhuluma ukuphendula ngependulo ezokwakha.^[4] Umngani omuhle lokha nawehlelwe bujamo nofana iintjhijio ezinzima ukhombisa ukuzwelana nawe. Uzifaka eenyathelweni zakho azwisise amazizwakho nombonwakho ngesikhathi leso. ^[5] Ubungani kuyinto ehle eletha ithabo, ukududuzeka eempilweni zabantu, umuntu lokha nakathole umngani omuhle kufuze bona akhe ubudlelwane bakhe nomngani loyo bukhule buhlale iminyaka.

Iinkomba

↑ Hartup, W.W., 2022. Friendships and their developmental significance. In Childhood social development (pp. 175-205). Psychology Press.
↑ McCabe, J.M., 2019. Connecting in college: How friendship networks matter for academic and social success. University of Chicago Press.
↑ Sinaga, J., Woran, R. and Sinambela, J.L., 2022. The Role Of Friendship In Character Development: Lessons From The Biblical Story Of David And Jonathan. Berumpun: International Journal of Social, Politics, and Humanities, 5(1), pp.1-8.
↑ Rawlins, W., 2017. Friendship matters: Communication, dialectics and the life course. Routledge.
↑ Gokalp, A. and Inel, Y., 2021. The Mediating Role of Responsibility and Friendship between Empathy Skill and Benevolence. Journal of Education and Learning (EduLearn), 15(2), pp.202-212.

[1] Hartup, W.W., 2022. Friendships and their developmental significance. In Childhood social development (pp. 175-205). Psychology Press.

[2] McCabe, J.M., 2019. Connecting in college: How friendship networks matter for academic and social success. University of Chicago Press.

[3] Sinaga, J., Woran, R. and Sinambela, J.L., 2022. The Role Of Friendship In Character Development: Lessons From The Biblical Story Of David And Jonathan. Berumpun: International Journal of Social, Politics, and Humanities, 5(1), pp.1-8.

[4] Rawlins, W., 2017. Friendship matters: Communication, dialectics and the life course. Routledge.

[5] Gokalp, A. and Inel, Y., 2021. The Mediating Role of Responsibility and Friendship between Empathy Skill and Benevolence. Journal of Education and Learning (EduLearn), 15(2), pp.202-212.

[1]