Qingyang

Qingyang (kinesisk skrift 庆阳市, pinyin Qìngyáng Shì) er eit byprefektur aust i provinsen Gansu i den vestlege delen av Folkerepublikken Kina. Byprefekturet har eit areal på 27 119 km² og hadde 2 211 191 ibuarar i 2010.

Qingyang
byprefektur
Land	Folkerepublikken Kina
Areal	27 117,27 km²
Folketal	2 211 191 (2010)
Qingyang 35.727777777778°N 107.64°E / 35.727777777778; 107.64
Plasseringa av Qingyang (gul) i Gansu Plasseringa av Qingyang (gul) i Gansu
Wikimedia Commons: Qingyang

Byprefekturet Qingyang omfattar eitt distrikt (区 qū) og sju fylke (县 xiàn).

Historie

Qingyang var del av det området der dei eldste kulturane langs Huang He utvikla seg, og høyrde inn under det opphavlege kjerneområdet for staten Qin, ei statsdanning som etterkvart skulle samle Kina under Qin-dynastiet.

Prefekturet var også viktig under den kommunistiske revolusjon i 1930- og 1940-åra.

Næringsliv

Olje og naturgass er grunnleggjande for økonomien i Qingyang. Esel, sau, storfe og mjølk er dei viktigaste dyra og produkta i husdyrhaldet; det vert dyrka aprikos, ulike grønsaker og bær.

Samferdsle

Riksveg 211 i Kina går gjennom området. Han fører frå Yinchuan i den autonome regionen Ningxia Hui, til Xi'an i provinsen Shaanxi.

Kjelder

• Denne artikkelen bygger på «Qingyang» frå Wikipedia på engelsk, den 19. august 2012.

Bakgrunnsstoff

Commons har multimedium som gjeld: Qingyang

• Offisiell nettstad