Pančevo
Pančevo (kyrillisk Панчево) er ein by og kommune i Serbia, 15 km nordaust for Beograd. I 2022 hadde byen 73 401 innbyggjarar, medan kommunen hadde 115 454 innbyggjarar. Han er det administrative senteret i distriktet Sør-Banat i Serbia. Pančevo er òg den viktigaste hamna langs elva Tamiš, som renn forbi byen.
| Pančevo Панчево • Pancsova • Pantschowa | ||
|---|---|---|
 | ||
| ||
| Region Distrikt |
Vojvodina Sør-Banat | |
| Flatevidd | 148,8 km² | |
| Flatevidd • By |
759 km² | |
| Innbyggjarar[1] • By (2022) • Byområde |
115454 73401 | |
| Høgd | 80 m | |
| Tidssone | UTC+01:00 (UTC) | |
| Postnummer | 26000 | |
| Bilnummer | PA | |
| Nettstad: www.pancevo.rs | ||
 | ||
Namn
endreHistorie
endreByen vart første gong nemnd på 1100-talet. Han var ein del av Kongedømet Ungarn fram til 1500-talet, då han vart ein del av Det osmanske riket. Under det osmanske styret var han ein del av den osmanske provinsen Temeşvar og var ein stor busetnad hovudsakleg busett av etniske serbarar.
Etter 1716 høyrte byen til Habsburgmonarkiet og var ein del av militærprovinsen kalla Banat Temeswar. I 1751 kom dei nordlege områda i provinsen under sivil administrasjon, medan dei sørlege delane (inkludert Pančevo) vart ein del av Militærgrensa (Banat Krajina). I denne tida var byen delt i to kommunar, ein serbisk og ein tysk. I 1767 var det 424 familiar i den serbiske kommunen og 132 familiar i den tyske. Byen var okkupert av osmanarane i 1787-1788. I 1794 vart den serbiske og tyske kommunen slått saman.
I 1848-1849 var Pančevo ein del av Serbisk voivodskap, ein serbisk autonom region i Det austerrikske keisardømet, men i 1849 vart han igjen underlagt Militærgrensa. I 1873 vart Militærgrensa nedlagt og byen vart ein del av Torontál fylke.
I 1918 vart Pančevo innlemma i Kongedømet av serbarar, kroatar og slovenarar (seinare kalla Jugoslavia). I 1921 hadde byen 19 362 innbyggjarar. Mellom 1918 og 1922 høyrte byen til Banat fylke, mellom 1922 og 1929 til Beograd oblast og mellom 1929 og 1941 til sjølve Beograd.
Mellom 1941 og 1944 var Pančevo okkupert av aksemaktene og var ein del av det sjølvstyrte Banat i den tyskokkuperte delen av Serbia. Sidan 1944 høyrte byen til det sosialistiske Jugoslavia og sidan 1945 var han ein del av den autonome provinsen Vojvodina. Mellom 1992 og 2003 høyrte Pančevo til Den føderale republikken Jugoslavia og mellom 2003 og 2006 til statsunionen Serbia og Montenegro. Sidan 2006 har byen høyrt til det sjølvstendige Serbia.
Under 1999 vart byen kraftig bombardert av NATO. Mål i byen var eit oljeraffineri, flyfabrikken Lola-Utva og kjemiske fabrikkar.
Befolkningsutvikling
endre| År | Folketal[2] |
|---|---|
| 1948 | 70 943 |
| 1953 | 76 283 |
| 1961 | 93 744 |
| 1971 | 110 780 |
| 1981 | 123 791 |
| 1991 | 125 261 |
| 2002 | 127 162 |
| 2011 | 123 414 |
| 2022 | 115 454 |
Busetnader
endreDei største busetnadane i kommunen er:[2]
| Folketal 2002 | Folketal 2011 | Folketal 2022 | |
|---|---|---|---|
| Pančevo | 77 087 | 76 203 | 73 401 |
| Starčevo | 7 615 | 7 473 | 6 661 |
| Kačarevo | 7 624 | 7 100 | 6 346 |
| Banatsko Novo Selo | 7 345 | 6 686 | 5 806 |
| Jabuka | 6 312 | 6 181 | 5 650 |
| Omoljica | 6 518 | 6 309 | 5 605 |
| Dolovo | 6 835 | 6 146 | 5 569 |
| Banatski Brestovac | 3 517 | 3 251 | 2 785 |
| Glogonj | 3 178 | 3 012 | 2 657 |
| Ivanovo | 1 131 | 1 053 | 974 |
Kjelder
endre- Denne artikkelen bygger på «Pančevo» frå Wikipedia på engelsk, den 23. mars 2009.
Referansar
endre- ↑ «Укупан број становника, по насељеним местима / Total population, by settlements» (xlsx). Републички завод за статистику (Statistikkontoret for Republikken Serbia). Henta 30. september 2024.
- 1 2 «"Упоредни преглед броја становника 1948, 1953, 1961, 1971, 1981, 1991, 2002, 2011. и 2022. године Comparative overview of the number of population in 1948, 1953, 1961, 1971, 1981, 1991, 2002, 2011. and 2022."». stat.gov.rs. Statistical Office of the Republic of Serbia. Henta 30. september 2024.