گت صفحه
هفتگی بنویشته
واسیلی (واسو) ایوانویچ آبایف، که وره آبایتی هم ونگ دانه. (روسی زوون: Василий Иванович Абаев) آسی زوون‌شناسِن بی‌یه که ایرونی زوون‌ئون و ونه جیرچله آسی زوون ره تخصص داشته.
آبایف، کوبی (Kobi) روستا، گورجستونِ تفلیس اوستان، روسیه امپراتوری دله دنیا بموئه. وه تفلیس گیمنازیوم دله ۱۹۱۰−۱۹۱۸ جه درس بخونسّه و ۱۹۲۵ سال لنین دونشگا جه فارغ التحصیل بَیّه. وه فردمن دستِ بن شاگردی هاکرده و ایرانی زوون واجه شناسِنّی‌یِن ره ونه رانمایی جا بخونسّه، وه دیگر جونِ زوون شناسن‌ئون واری نیکولاس مار جه تاثیر بیّته، و ۱۹۲۸ مارِ موسسه جا مولحق بیّه. نیکولاس مارِ بمردن په وه میدانی کار و ایرونی موضوعات وسه بورده اوستیا و تا دِیِمین جهونی الجه‌‌یِ تموم بیّن گدر همونجه دیّه. ۱۹۴۵ سال وه پئی هاکرده بورده لنینگراد و شه بنویشته‌ئون ره که نارتِ سوت (حماسه) خوری بی‌یه و اتّا واجه‌نومه و زوونِ دستور ره آسی زوون وسّه تنک هاکرده. ژوزف استالین گدر، نیکولاس مارِ زوون‌شناسی تئوری‌ئون محکوم بَیّه و همینسه مارِ موسسه‌یِ آدم‌ئون ره تصفیه هاکردنه ولی آبایف ره کاری ناشتنه.
۱۹۵۰ شِروء بَیّنِ گدر، آبایف، جهونی شناسا بیّه و وره سکا و سرمت زوون‌ئون شناسنیّن خوری دونا دونستنه. شه رَفِخ جرجس دومزل کومکِ جا، آبایف، سکایی زوون‌ئون و جدید آسی زوون ارتباط ره سراق هدائه. وه هم‌چنین سِراق هدا کا آسی و سلتی میتولوجوی اتی دئیر جا موندِنّه.
ونه بت ترین و پِر اهمیت ترین اثر، آسی زوون ریشه شناختی فرهنگ هسّه، که وره بر اساس ۱۹۰ زوون‌ئون و گویش‌ئون محتویات و اطلاعات جه بنویشته، که ونه ۴ جلد، ۱۹۵۹ تا ۱۹۸۹ گدر تنک بیّه و شوروی دله و شوریِ بریم هم شناسا بیّه. واسیلی آبایف صد سالگی گدر سنت پترزبورگ دله بمرده. چند سال یور تِر، تسخینوالی دله اتا یاد‌بود بنا وِنسّه بسات بیّه.
هفتگی عکس
اتا مینیاتور که مهدعلیا (خیرالنساء بیگم) قتل ره سىراق دنه. مهدعلیا اتا مازرونی شازده بی‌یه که سلطان محمد خدابنده زنا بیه. ولی محمد خدابنده ره ونه پی‌یر کور هاکرد بی‌یه ولی أی همین وه، صفویون شاهونشاه بیه. همینسه مهدعلیا شه کورِ مردی جا، حکومت ره دست‌بن بهیته تا اونجه که قزلباشون ونجه جری بئینه و وه ره بکوشتنه.
امروز واری روز
امروز پنج‌شمبه، ۴ سپتامبر ۲۰۲۵ میلادی هسته که ۱۳ کِرچه ما ۱۵۳۷ تبری جه برابری کنده.
امروز:
- ۱۰۶۳ - طغرل بیک سلجوقی شائون جه ری دله بمرده.
- ۱۷۶۸ - رنه د شاتوبریان (عکس دله)، فرانسوی نویسنده، شاعر و سیاست‌مدار و اتا رمانتیسیسم جنبش پایه‌گذار، دنیا بموئه.
- ۱۷۸۱ - با استقرار ۴۴ مهاجر ایسپانیایی مجاورت ات روستای سرخ‌پوستی، لوس آنجلس که بعدها دومین شهر پرجمعیت متحده ایالات بیّه ره، عملاً بساتنه.
- ۱۸۷۰ - ناپلئون سوم، که اول به عنوان رئیس جومور (۵۲-۱۸۵۰) و سپس امپراتور (۷۰-۱۸۵۲)، کشور فرانسه حکمرانی کارده، سلطنت جه کنار بورده و جوموری سوم فرانسه برقرار بیّه.
- ۱۹۸۹ - ژرژ سیمنون نویسنده بلژیکی پلیسی داستانون لوزان سوئیس دله بمرده.
روز بعد: ۵ سپتامبر – روز قبل ۳ سپتامبر
خـَوِرون
- امامعلی حبیبی(عکس ونه شٮنه) و رضا سوخته سرایی، دِتا مازرونی کشتی‌گیر و قهرمون، بمردنه.
- جاسم دلاوری، مازرونی بوکسور، ۳۹ سالگی گدر بمرده.
- محمود فرشچیان، ایرانی نقاش، ۹۵ سالگی بمرده.
- ارمنستون و آذربایجون قرار هاکردنه که آمریکایِ میونجی‌کری جه سابق اختلاف ره کنار دینگنن.
- اسراییل اتا ناغافلی حمله جه، ایران و اسرائیل جنگ ره شروع هاکرده.
- پاریس سن ژرمن تیم، یوفا چمپیونز لیگ ۲۰۲۴–۲۵ فصل ره قهرمان بیه.
- کوردستون کارگرون حزب (پ‌ک‌ک) منحل بیّه.
