گت صفحه
هفتگی بنویشته
منوچهر خان کلبادی سِره اتا عمارت هسته که قاجارون گادر شِنه و ساری ِنو انبار مَله دله قرار دارنه. این اثر تاریخ ۹/۸/۱۳۷۷ شماره ثبت ۲۱۴۸ جه ایران ِملی آثار ِلیست دله قرار بَییته.
حدود صد و سی سال قبل سردار جلیل که مازرون ِارتش دله ریاست داشته، این کاخ ره شه وچه، امیر نصرت شکوه نظام، وسّه بساته و ونه نوم ره بییشت بینه امیریه.امیر نصرت جوونمرگ بیّه و سردار این عمارت ره هدائه ونه وچه منوچهر ره. اتا سره دیگه هم نادر ِخیابون دله دره که هنتا همون سردار جلیل نوم هسته. منوچهرخان کلبادی ساری ِنماینده بییه و مِیلس دله دیّه. وه سال ۱۳۶۲ بمرده.
این بنا ره کلبادیِ زکزا وقف هاکردنه و سال ۱۳۷۰ برسییه سازمان میراث فرهنگی دَسبن. این اواخر عمارت ره موزه هاکردنه و بعضی حتی وه ره «ساری ِموزه» نوم جه اشناسنّه.
این ساختمونِ معماریِ سبک قاجاری تکیهئون ره موندنه. دِتا بخش بریمی و دریمی (= بیرونی و درونی) دارنه. دریمی قسمت شه دِ طبقه و ات زیرزمین هسته و هر طبقه اتا شاهنشین و اتاقهای دِ وَری دارنه. دومی طبقهیِ شاهنشین قشنگته هسته و تزئینکاری دارنه. مصالح ونه چو و آجر بینه و ونه بوم شیروانی و سفالپوش هسته. اتا حموم این عمارت پَلی هم دیّه که وه ره وزیری حموم نوم جه اشناسنّه و عمارت ِدور-و-بر خله تاریخی جائون دیگه هم درنه.
امروز واری روز
امروز پنجشمبه، ۱۰ سپتامبر ۲۰۲۶ میلادی هسته که ۱۹ کِرچه ما ۱۵۳۸ تبری جه برابری کنده.
امروز: جبل طارق دله ملی روز هسته.
- ۲۱۰ پیش از میلاد – چین شی هوان چین ِاولین امپراتور، بمرده.
- ۹۵۴ - لویی چاروم، فرانسهی شاه، بمرده.
- ۱۹۸۰ - شاهین نجفی (عکس دله) فارسی و گِلِکی خونشکر، دِنیا بموئه.
- ۲۰۰۶ - آگوستو پینوشه ، شیلی رییسجمهور، بمرده. ونه حکومت گادِِر حقوق بشر شیلی دله رعایت نیّه.
روز بعد: ۱۱ سپتامبر – روز قبل ۹ سپتامبر
خـَوِرون
.png)
- فوتوالِ جهونی جام دله إسپانیا قهرمون بیّه. (عکس ونه شٮنه)
- ایران و آمریکا میون صلح بیه و پاکستان میونجیکری جه قرار هاکردنه که گپ پشتی شه مشکل ره حل هاکنن.
- ایران و آمریکا جنگ دله اولین روز علی خامنهای ره بکوشتنه و ونه دمبالسر خلیج فارس راه ره ایران دَوسته و إسا دِ طرف لسی هدانه و درنه آتشبس دله گپ زنه.
- خوندکت دی ماه دله ایران معترضون و حکومت درگیری میونه هزارون ایرانی بکوشته بینه.
- آمریکا نیرو برسنییه که ونزوئلا دله نیکولاس مادورو حکومت ره دگاردنه.
