Peter Schnittger

Peter Schnittger
Ankapobeny
Anarana	Peter Schnittger
Teraka	22 Mey 1941
Toerana	-
Fiaviana sy ny andraikitra
Firenena	Alemaina
Asa :	mpanazatra
Fiainana manokana

Peter Schnittger (teraka ny 22 mey 1941 tao Münden) dia Alemana mpanazatra lalao football (baolina kitra).

Lalam-piainana

Nanomboka tamin'ny taona 1968 i Schnittger no niasa tao amin'ny Sampan-draharaha Alemà misahana ny Fiaraha-miasa Teknika (GTZ). Nampiroborobo ny fampivelarana ny fanatanjahantena tany amin'ireo firenena an-dalam-pandrosoana izy. Ankoatra ny fanazarana ireo ekipam-pirenena, dia nandray anjara koa izy tamin'ireo tetikasa fotodrafitrasa sy ny fampiofanana ny tanora.

Tamin'ny maha-mpanazatra azy voalohany no nitarihany ny ekipam-pirenena ivoariana ho amin'ny lalao manasa-dalana tamin'ny fiadiana ny Amboaran'ny Ekipam-pirenena Afrikana. Ny taona nanaraka izany no nahazoan'ny klioba Kameroney Canon de Yaoundé ny Amboara Afrikana. Ny toerana hany naha-mpanazatra an'i Schnittger ivelan'i Afrika dia ny maha-mpanazatra nasionalin'i Thailandy azy nanomboka tamin'ny taona 1976 ka hatramin'ny taona 1978, rehefa tsy maintsy nofaranany noho ny ady an-trano ny asa maha-mpanazatra nasionaly tao amin'ny Federasionan'ny Football Etiopiana.

Dingan'Asa

Mampiavaka azy manokana moa ny tsy nanazarany afa-tsy ekipam-pirenena :

• 1968–1970 : Mpanazatra Nasionalin'i Côte d'Ivoire
• 1970–1973 : Mpanazatra Nasionaly sy Tale Teknika ao Kamerona

• 1974–1976 : Mpanazatra Nasionalin'i Ethiopia
• 1976–1978 : Mpanazatra Nasionalin'i Thailandy
• 1978–1985 : Mpanazatra Nasionaly sady Tale Teknika teto Madagasikara (Barea)
• 1986–1990: Tale Teknikan'ny Fampiofanana Mpanazatra tao amin'ny Federasionan'ny Football Maraokana
• 1990–1994 : Mpanazatra Nasionalin'i Bénin
• 1995–2000 : Tale Teknika aloha fa nanombola taona 1999 koa vao sady Mpanazatra Nasionalin'ny Federasionan'ny Football Senegaley
• 2001–2002: Talen'ny Fampiofanana Mpanazatra ao amin'ny Federasionan'ny Football Maraokana
• 2006-2008: Tsy nanaiky ho Mpanazatra fa ny ho Tale Teknikan'ny Federasionan'ny Football Alzeriana

Mari-boninahitra

• 1970: Officier du Mérite Sportif de la Côte d’Ivoire
• 1974: Ordre du Mérite Sportif du Cameroun
• 1984: Officier de l’Ordre National du Mérite de Madagascar
• 1994: Chevalier de l’Ordre National du Mérite du Bénin
• 1998: Ordre du Mérite de la CONFEDERATION AFRICAINE DE FOOTBALL (CAF)
• 2000: Officier de l’Ordre National du Mérite du Sénégal
• 2015: DFB Verdienstspange