Gentianales

Ny Gentianales dia filaharan-javamaniry mamony roa ravin-tsimoka. Amin' ny toetran' ny Gentianales, ny voalohany dia ny fisian' ny farobolan-dahimbony tokana, izay miditra ao amin' ny vondrom-pelambony, ka izany rehetra izany dia miteraka faribolana efatra ao amin' ny voniny iray manontolo. Ny vavimbony dia eo ambony fa kely ka lasa singam-bavimbony roa. Ny tahom-bavimbony dia tokana foana, fa ny fihary atodinaina, izay matetika mitambatra, dia malalaka ao amin' ny fianakaviana Asclepiadaceae sy Apocynaceae.

Gentianella aspera

Fanasokajiana anatiny

Fanasokajiana klasika

Ao amin' ny fanasokajiana klasikan' i Cronquist (1981), dia misy fianakaviana enina ny filaharana Gentianales:

• Apocynaceae
• Asclepiadaceae
• Gentianaceae
• Loganiaceae
• Retziaceae
• Saccifoliaceae

Fanasokajiana APG

Ny Fanasokajiana filôjenetika APG (1998) sy ny Fanasokajiana filôjenetika APG II (2003) ary Fanasokajiana filôjenetika APG III (2009) dia nanova ny firafetan' ilay filaharana izay ahitana ireto fianakaviana 5 manaraka ireto

• Apocynaceae Juss. (1789) (tafiditra ao ny Asclepiadaceae)

  Gelsemiaceae Struwe & V.A.Albert (1995)

  Gentianaceae Juss. (1789) (tafiditra ao ny Saccifoliaceae)

• Loganiaceae R.Br. ex Mart. (1827)
• Rubiaceae Juss. (1789) (fianakavian' ny kafe)

Raha ny marina dia ny Rubiaceae ihany no mpikambana vaovao.