टाइटेनिकके मलबा

टाइटेनिकके मलबा न्यूफाउण्डलैण्डके तटसे लगभग ३७० समुद्री मील (६९० किलोमीटर) दूर दक्षिण-दक्षिणपूर्वमे लगभग १२,५०० फीट (३,८०० मीटर) के गहराई पर स्थित हे । ई दु मुख्य टुकड़ामे स्थित हे । ऊ दुनो टुकड़ामे लगभग २,००० फीट (६०० मीटर) के दूरी हे । समुद्रतलसे टकराएके चलते भेल क्षति बावजूदो जहाजके सामनेके भाग अझो चिन्हल जा सकहे । एकर बिपरीत पीछेके भाग पूरा प्रकारसे बर्बाद हो गेल हे ।

टाइटेनिकके मलबा
टाइटेनिकके सामनेके भाग, २००४
कारण	हिमखण्डसे टकराएल
तिथि	15 अप्रैल 1912 (1912-०४-15)
स्थान	न्यूफाउण्डलैण्डसे 370 समुद्री मील (690 किमी) दक्षिण-दक्षिणपूर्वमे, उत्तरी अटलाण्टिक महासागर
निर्देशाङ्क	41°43′32″N 49°56′49″W
खोजल गेल	1 सितम्बर 1985 (1985-०९-01)

१९१२ मे अपन पहिल जतरा खनि एगो हिमखण्डसे टकराएके चलते टाइटेनिक डूब गेल हल । मलबाके चारो दने कूड़ाके ढेरमे जहाजके साथे डूबेके चलते सैकड़ो-हजारोसभ चीज बिखरल हे । यात्रीसभ आउ चालक दलके शवो एही कूड़ामे होएल होत किन्तु तखनिसे उनकर समुद्री जीव द्वारा उपभोग कर लेल गेल हे । एकर डूबेके बाद मलबाके खोजेके आशामे ढेर अभियान चलावल गेल हल । समुद्रतलके मानचित्रण करेला सोनारके प्रयोगो करल गेल हल । किन्तु ई सभ असफल प्रयास रहल । १९८५ मे जीन-लुई मिशेल आउ राबर्ट बेलार्डके नेतृत्वमे एगो संयुक्त फ्रान्सिसी-अमेरिकी अभियान द्वारा अन्ततः मलबाके पता लगा लेल गेल ।

ई मलबा गहन रुचिके केन्द्र रहल हे आउ ढेर पर्यटक आउ वैज्ञानिक अभियान एकर दौरा करलक हे । जून २०२३ मे टाइटन नामक पनडुब्बीसे एकरा भिरु गेल पाँच यात्री विनाशकारी विस्फोटके बाद मर गेलन हल । टाइटेनिकके मलबाके ऊपर उठावेला ढेर योजना प्रस्तावित करल गेल हे । हालाँकि मलबा एत्ता कमजोड़ हे कि एकरा उठावल नै जा सके आउ ई यूनेस्को सम्मेलन द्वारा संरक्षित हे । साथे ई मलबा समुद्रमे तेजीसे गलैत हे । एकरामे प्रतिदिन १८० किलो मलबा समुद्री जीवाणु खाइत हे । ऐसहीँ होवैत रहे पर ई मलबा २०-३० बरिसमे समुद्रमे पूरा घोरा जैतै ।

इहो देखथिन

• टाइटेनिकके डूबल