आइ हैव ए ड्रीम

मार्टिन लूथर किङ्ग १९६३ मे भाषण देइत ।

आइ हैव ए ड्रीम (अङ्ग्रेजी: I Have a Dreamcode: en is deprecated , अर्थ: "हमरा एगो सपना हे") एगो सार्वजनिक भाषण हे जे अमेरिकी नागरिक अधिकार कार्यकर्ता आउ बैप्टिस्ट मन्त्री मार्टिन लूथर किङ्ग द्वारा २८ अगस्त १९६३ के देल गेल हल । भाषणमे किङ्ग नागरिक आउ आर्थिक अधिकारके वकालत करलन आउ संयुक्तराज्य अमेरिकामे नस्लवादके अन्तके आवाहन करलन । वाशिङ्गटन डिसिमे लिङ्कन मेमोरियलके सीढ़ीसे २,५०,००० से अधिक नागरिक अधिकार समर्थकके देल गेल भाषण अफ्रिकी-अमेरिकी अधिकार आन्दोलनके सबसे प्रसिद्ध क्षणमे से एक हल आउ अमेरिकी इतिहासमे सबसे प्रतिष्ठित भाषणमे से एक हे ।

बाहरी आडियो
I Have a Dream, २८ अगस्त १९६३, एजुकेशनल रेडियो नेटवर्क

१८६३ मे अब्राहम लिङ्कन द्वारा अमरिकी गृहयुद्धके बीचमे गुलामके स्वतन्त्र करेके आदेशसे शुरुआत करैत किङ्ग कहलन "एक सौ बरिस बादो नीग्रो अखनियो स्वतन्त्र नै हे" । भाषणके अन्तमे किङ्ग अपन पहिलेसे तैयार भाषणसे इतर चल जा हथ आउ एगो वक्तव्य बोलल शुरू करहथ । एकरे विषय होवहे "हमरा एगो सपना हे" । भाषणके एही भाग श्रोतागणके सबसे अधिक उत्साहित करलक आउ अखन ई सबसे प्रसिद्ध हो गेल हे । एकरामे किङ्ग दासता आउ घृणाके भूमिसे उत्पन्न स्वाधिनता आउ समानताके अपन सपनाके वर्णन करलन ।

जान मेचम लिखहथ कि "एगो वाक्यांशके साथे किङ्ग अपनाके जेफरसन आउ लिङ्कनके साथे आधुनिक अमेरिकाके आकार देवेवाला पुरुषके श्रेणीमे सम्मिलित कर लेलन ।" १९९९ मे सार्वजनिक उद्बोधनके विद्वानके एगो सर्वेक्षणमे ई भाषणके २०मा शताब्दीके शीर्ष अमेरिकी भाषणके दर्जा देल गेल हल ।