लक्ष्मण

भगवान् लक्ष्मण रामायणके एगो आदर्श पात्र हथ । इनखा शेषनागके अवतार मानल जाहे । रामायणके अनुसार, राजा दशरथके तेसर पुत्र हलन, उनखर माता सुमित्रा हलन । ऊ भगवान रामके छोट भाई हलन । इनखर पत्नी उर्मिला हलन जे कि सीताके छोट बहिन हलन । ई दूनो भाई राम-लक्ष्मणमे अपार प्रेम हल । ऊ राम-सीता सङ्गे १४ बरिसके वनवास भोगलन हल | कौशल्या आउ कैकेयी इनखर सौतेला माय हलन | ई सभ चारो भाईके एगो बड़ बहिन जे कौशल्यानन्दिनी देवी शान्ता हलन । उनखर अन्य भाई भरत आउ शत्रुघ्न हलन । भगवान् लक्ष्मण हर कलामे निपुण हलन, चाहे ऊ मल्लयुद्ध होवे या धनुर्विद्या । यद्यपि भारतमे भगवान् लक्ष्मण जी के अलग मन्दिर विरल या बड्डी कम हे काहेकि मन्दिरमे श्रीराम आउ सीताजी सङ्गे सदैव लक्ष्मणो जी के पूजा होवहे ।

लक्ष्मण
लक्ष्मण (दहिना) राम आउ सीता सङ्गे
अन्यनाम	लखन , रामानुज , दशरथसुत , सुमित्रानन्दन
देवनागरी	लक्ष्मण
संस्कृत लिप्यन्तरण	लक्ष्मण
सम्बन्ध	शेषनागके अवतार, वैष्णव सम्प्रदाय
जीवनसङ्गी	उर्मिला
माता-पिता	दशरथ (पिता) सुमित्रा (माता)
भाई-बहिन	राम, शत्रुघ्न, भरत आउ शान्ता
सन्तान	अङ्गद चन्द्रकेतु

जन्म

लक्ष्मणके जनम घड़ी सुरज भोरे कर्क राशिमे प्रवेश कैलकै आउ चन्द्रमा रातके अश्लेष नक्षत्रमे ।

नामकरण

लक्ष्मणके नामकरण सन्त वशिष्ठ जनमके १२मा दिन कैलन हल ।