फिफा विश्वकप ट्राफी
फिफा विश्वकप ट्राफी ठोस सोनासे बनल ट्राफी हे जे कि फुटबाल प्रतियोगिता फिफा विश्वकपके विजेताके प्रदान करल जा हे । १९३० मे विश्वकप आयोजित होवेके बादसे दु ट्राफीके प्रयोग करल गेल हे । १९३० से १९७० तक जूल्स रिमेट ट्राफी आउ १९७४ से आज तक फिफा विश्व कप ट्राफी । ई खेल इतिहासके सबसे महङ्गा ट्राफीमे से एक हे जेकर दाम १४४ करोड़ रूपए आँकल गेल हे ।[१][२]
| पुरस्कार विवरण | |
|---|---|
| लागि | फिफा विश्वकप जीतेला |
| इतिहास | |
| पहिल पुरस्कार | १९३० (जूल्स रिमेट ट्राफी) १९७४ (फिफा विश्वकप ट्राफी) |
| पहिल विजेता | |
| सबसे अधिक जीत |  ब्राजिल
(५ बेर) |
| सबसे तरोताजा |  अर्जेण्टिना |
| जालस्थल | Fifa.com |
पहिला ट्राफीके मूल रूपसे विक्ट्री नाम देल गेल हल । किन्तु बादमे फिफा अध्यक्ष जूल्स रिमेटके सम्मानमे एकर नाम बदल देल गेल ।[३] ई चान्दी आउ लाजवर्दसे बनल हल जेकरा पर सोना चढ़ावल हल । एकरामे विजयके यूनानी देवी नीकेके दर्शावल गेल हल । ब्राजिल १९७० मे ई ट्राफी जीत लेलक हल । मूल जूल्स रिमेट ट्राफी १९८३ मे चोरी हो गेल आउ कहियो वापिस नै भेटल ।
एकरा बाद १९७४ मे एगो ट्राफी पेश करल गेल जेकरा "फिफा विश्वकप ट्राफी" कहल जा हे ।[४] एकर १३ सेण्टीमीटरके सतह पर मैलासाइट लगल हे आउ ई १८ कैरेट सोनासे बनल हे । ई ३६.५ सेण्टीमीटर ऊँचा हे आउ एकर भार ६.१७५ किलोग्राम (१३.६१ पाउण्ड) हे ।[४] एकरामे पृथिवीके थमले दु मानव आकृतिके दर्शावल गेल हे । २०२२ विश्वकपके विजेता अर्जेण्टीना ट्राफीके वर्तमान धारक हे ।
२००५ के बादसे कहियो विजेता दलके असली ट्राफी नै देल जा हे । उनका हमेशा एगो नकली ट्राफी देल जा हे जे कि कांस्यसे बनल होवहे । ओकरा पर सोनाके परत चढ़ल होवहे । असली ट्राफी खाली जश्न मनावे घड़ी दलके प्रदान करल जा हे । बाकी समय ऊ ज्यूरिख स्थित फिफाके मुख्यालयमे रखल होवहे ।[५]
सन्दर्भ
सम्पादित करथिन- ↑ "Argentina विश्व विजेता: फीफा वर्ल्ड कप की ट्रॉफी सोने की बनी है? कितनी कीमत होगी? आंखें बड़ी और मुंह खुला रह जाएगा". ज़ी बिज़नेस (in Hindi). Retrieved 24 जून 2023.
- ↑ "FIFA World Cup: इतनी महंगी है फीफा वर्ल्ड कप की चमचमाती ट्रॉफी, कीमत जानकर नहीं होगा यकीन!". जि न्यूज (in हिन्दी). Retrieved 24 जून 2023.
{{cite news}}: CS1 maint: unrecognized language (link) - ↑ "FIFA World Cup 2022 फीफा वर्ल्ड कप ट्राफी की इतनी है कीमत कि जानकर हैरान रह जाएंगे आप". जागरण (in हिन्दी). Retrieved 24 जून 2023.
{{cite news}}: CS1 maint: unrecognized language (link) - 1 2 "FIFA: 6 किलो से ज्यादा वजन, बनाने में 18 कैरेट गोल्ड का इस्तेमाल, जानें वर्ल्ड कप ट्रॉफी की खासियत". नवभारत टाइम्स (in हिन्दी). Retrieved 24 जून 2023.
{{cite news}}: CS1 maint: unrecognized language (link) - ↑ "FIFA World Cup Trophy: कोई भी बने विजेता, नहीं मिलेगी असली ट्रॉफी... जानें क्या है पूरा मामला". आज तक (in हिन्दी). 18 दिसम्बर 2022. Retrieved 24 जून 2023.
{{cite news}}: CS1 maint: unrecognized language (link)