चन्द्रघण्टा

माँ दुर्गाजीके तीसरष शक्तिके नाम चन्द्रघण्टा है । नवरात्रि उपासनामे तीसरा दिनके पूजाके अत्यधिक महत्व है आउ ई दिन इनके विग्रहके पूजन-आराधन कैल जा है । ई दिन साधकके मन 'मणिपूर' चक्रमे प्रविष्ट होवऽ है । लोकवेदके अनुसार माँ चन्द्रघण्टाके कृपासे अलौकिक वस्तुके दर्शन होवऽ है, दिव्य सुगन्धीके अनुभव होवऽ है आउ विविध प्रकारके दिव्य ध्वनी सुनाई दे है । ई क्षण साधकला अत्यन्त सावधान रहेके होवऽ है ।

चन्द्रघण्टा
सिद्धि
चन्द्रघण्टा - नवदुर्गामे तृतीय
देवनागरी	चन्द्रघण्टा
सम्बन्ध	हिन्दु देवी
अस्त्र	कमल
जीवनसङ्गी	शिव
सवारी	सिंह

स्वरूप

माँके ई स्वरूप परम शान्तिदायक आउ कल्याणकारी है । इनकर मस्तकमे घण्टाके आकारके अर्धचन्द्र है, एकरे चलते इनका चन्द्रघण्टा देवी कहल जा है । इनकर शरीरके रङ्ग स्वर्ण नियन चमकीला है । इनकर दस हाथ है । इनकर दसो हाथमे खड्ग आदि शस्त्र आउ बाण आदि अस्त्र विभूषित है । इनकर वाहन सिंह है । इनकर मुद्रा युद्धला उद्यत रहे के होवऽ है ।