कोणीय संवेग

भौतिक विज्ञानमे कोणीय संवेग (Angular momentum) संवेग आघूर्ण (moment of momentum) या घूर्णी संवेग (rotational momentum) कौनो वस्तुके द्रव्यमान, आकृति आउ वेगके ध्यानमे रखैत एकर घूर्णनके मानके मापन हे । ई एक सदिश राशि हे जे कौनो विशेष अक्षके सापेक्ष जड़त्वाघूर्ण आउ कोणीय वेगके गुणनफलके बराबर होवहे । कणके कौनो निकाय (उदाहरणार्थ: दृढ़ पिण्ड) के कोणीय संवेग ऊ निकायमे उपस्थित सब कणके कोणीय संवेगके योगके तुल्य होवहे । एकरा L से प्रदर्शित कैल जा हे ।

चिरसम्मत यान्त्रिकीमे कोणीय संवेग

परिभाषा

केहु बिन्दुके सापेक्ष कौनो 'कण' के कोणीय संवेगके सदिश गुणनफलके रूपमे ई प्रकार अभिव्यक्त कैल जा सकहे -

$\mathbf {L} =\mathbf {r} \times \mathbf {p} =\mathbf {r} \times m\mathbf {v}$

जन्ने $\mathbf {r}$ ऊ बिन्दुके सापेक्ष ऊ कणके स्थिति सदिश हे ।

केहु अक्षके सापेक्ष कौनो कणके कोणीय संवेग ऊ अक्षसे कण तकके लम्बवत सदिश आउ ऊ कणके रैखिक संवेगके सदिश गुणनफलके बराबर होवहे । ध्यान रहे कि कोणीय संवेगके मान, अक्षके चुनाव पर निर्भर करहे (अलगे-अलगे अक्षके सापेक्ष कोणीय संवेगो अलगे-अलगे होत), जखनिकि रेखीय संवेगके मानके अक्षके चुनावसे कौनो सम्बन्ध नै हे ।

केहु पिण्डके कोणीय संवेग

केहु बिन्दुके सापेक्ष केहु पिण्डके कोणीय संवेग ऊ बिन्दुके सापेक्ष ऊ पिण्डके सब कणके कोणीय संवेगके सदिश योगके बराबर होवहे ।

केहु बिन्दुके सापेक्ष केहु पिण्डके कोणीय संवेग = ऊ बिन्दुके सापेक्ष ऊ पिण्डके द्रव्यमान केन्द्रके कोणीय संवेग + द्रव्यमान केन्द्रसे जायेवाला अक्षके सापेक्ष जड़त्वाघूर्ण x ई अक्षके सापेक्ष कोणीय वेग

केहु अक्षके सापेक्ष केहु गतिशील पिण्डके कोणीय संवेग, ऊ अक्षके सापेक्ष ऊ पिण्डके जड़त्वाघूर्ण एवं ओकर कोणीय वेगके गुणनफलके बराबर होवहे ।

$L=I\omega .$

कोणीय संवेग संरक्षणके नियम

नर्तकीके कोणीय संवेग अपरिवर्ती होवेके कारण जखनि ऊ अपन हाथ-गोड़के बाहिरे फैला ले हे त ओकर कोणीय वेग कम हो जा हे । जखनि ऊ अपन हाथ-गोड़के सिकोड़ ले हे त ओकर जड़त्वाघूर्ण कम होवहे आउ कोणीय संवेग संरक्षणके कारण ओकर कोणीय वेग बढ़ जा हे ।

यदि केहु निकाय पर कौनो बाहरी बलाघूर्ण नै लगावल जाये त ऊ निकायके कोणीय संवेग अपरिवर्तित रहहे ।

इहो देखी

• रेखीय संवेग
• जड़त्वाघूर्ण