ताप
ताप या तापीय ऊर्जा ऊर्जाके एक रूप हे जे तापके चलते होवहे । ऊर्जाके अन्य रूप नियन तापोके प्रवाह होवहे । कौनो पदार्थके गरम अथवा कनकन होवेके चलते ओकरामे जे ऊर्जा होवहे ओखरा ओकर ऊष्मीय ऊर्जा कहल जाहे । अन्य ऊर्जा नियन एकर मात्रको जूल होवहे पर एकरा कैलोरियोमे व्यक्त कैल जाहे ।
ताप एक वस्तुसे दोसर वस्तुमे कुछ प्रकारके तापीय अन्तर्क्रियाके द्वारा स्थानान्तरित होवहे । उदाहरणला अधिक ताप वाला कौनो लोहाके छड़ पानीमे डालल जाये त छड़से पानीमे तापीय ऊर्जाके स्थानान्तरण होत । पूरा ब्रह्माण्डमे तापके महती भूमिका हे । तापके प्रकृतिके अध्ययन आउ पदार्थ पर एकर प्रभाव जेत्ता मानव हितसे सम्बन्धित हे ओत्ता कदाचित् आउ कौनो वैज्ञानिक विषय न । ऊष्मासे प्राणिमात्रके भोजन बनहे । वसन्त ऋतुके आगमन पर तापके प्रभावेसे कली खिलके फूल हो जाहे आउ वनस्पति क्षेत्रमे एक नया जीवनके सञ्चार होवहे । एकरे प्रभावसे अण्डासे बच्चा बनलहे । ईसभ कारणसे ई कौनो आश्चर्यके बात न हे कि पुरातनकालमे ई बलवान्, प्रभावशील आउ उपयोगी अभिकर्तासे मानव प्रभावित होल आउ ओकर पूजा-अर्चना करे लगल । कदाचित् एही कारण मानव सूर्यके पूजा कैलक । पृथिवी पर ऊष्माके लगभग सम्पूर्ण महत्वपूर्ण प्रभावके स्रोत सूर्य हे । कोइला आउ पेट्रोलियम, जेकरासे हमनीके ताप प्राप्त होवहे, प्राचीन जुगसे सञ्चित रौदाके प्रतिनिधित्व करहे ।
ताप भौतिकशास्त्रके एक महत्वपूर्ण उपशाखा हे जेकरामे ऊष्मा, ताप आउ उनखर प्रभावके वर्णन कैल जाहे । प्रायः सभ द्रव्यके आयतन तापवृद्धिसे बढ़ जाहे । एही गुणके प्रयोग करैत तापमापी बनावल जाहे ।