ईन्धन
ईन्धन (Fuel) ऐसन पदार्थ हे, जे आक्सीजनके साथेे संयोग कर बड्डी ऊष्मा उत्पन्न करहे । 'ईन्धन' संस्कृतके इन्ध् धातुसे निकलल हे जेकर अर्थ हे - 'जरावल' । ठोस ईन्धनमे काष्ठ (लकड़ी), पीट, लिग्नाइट एवं कोइला प्रमुख हे । पेट्रोलियम, मट्टीके तेल आउ गैसोलीन द्रव ईन्धन हे । कोलगैस, भाप-अङ्गार-गैस, द्रवीकृत पेट्रोलियम गैस आउ प्राकृतिक गैस आदि गैसीय ईन्धनमे प्रमुख हे ।
आजकल परमाणु ऊर्जो शक्तिके स्रोतके रूपमे उपयोग कैल जा हे, एहीसे विखण्डनीय पदार्थोके (fissile materials) अखनि ईन्धन मानल जा हे ।
वैज्ञानिक आउ सैनिक कार्यला प्रयोगमे लावल जायेवाला राकेटमे, एल्कोहाल, अमोनिया एवं हाइड्रोजन नियन अनेक रासायनिक यौगिको ईन्धनके रूपमे प्रयुक्त होवहे । ईसब पदार्थसे ऊर्जाके प्राप्ति तीव्र गतिसे होवहे । विद्युत ऊर्जाके प्रयोगो ऊष्माके प्राप्तिला कैल जा हे एहीसे एकरो कखनियो-कखनियो ईन्धनमे सम्मिलित कर लेल जा हे ।
इतिहास
सम्पादित करथिनईन्धनके पहिल ज्ञात प्रयोग लगभग बीस लाख वर्ष पहिले होमो इरेक्टस द्वारा जलाऊ लकड़ीके दहन हल । अधिकांश मानव इतिहासमे मनुष्य द्वारा खाली गाछी वा पशु वसासे प्राप्त ईन्धनके प्रयोग कैल गेल हल । लकड़ीसे बनल कोइला, जेकर प्रयोग धातुके पिघलावेला कमसे कम ६,००० ईसा पूर्वसे कैल जाइत रहल हे । एकर जगह खाली कोइलासे प्राप्त कोक ले लेलक, काहेकि १८मा शताब्दीके आसपास यूरोपीय जङ्गल खतम होवे लगल हल । चारकोल ब्रिकेट अखनि आमतौर पर बारबेक्यू पकावेला ईन्धनके रूपमे प्रयोग कैल जा हे ।
प्रकार
सम्पादित करथिन- रासायनिक ईन्धन :
- ठोस ईन्धन - लकड़ी, कोइला, गोबर, कोक, चारकोल आदि
- द्रव ईन्धन - पेट्रोलियम (डीजल, पेट्रोल, घासलेट, कोलतार, नैप्था, एथेनोल आदि
- गैस इन्धन - प्राकृतिक गैस (हाइड्रोजन, प्रोपेन, कोइला गैस, जल गैस, वात्या भट्ठी गैस, कोक भट्ठी गैस, दाबित प्राकृतिक गैस)
- परमाणवीय या नाभिकीय ईन्धन :
- स्रोतके आधार पर
ईन्धन मुख्यतः तीन प्रकारके होवहे -
- रसायन - हाइड्रोजन, मिथेन
- जीवाश्म ईन्धन - कोइला आउ पेट्रोलियम
- जैव ईन्धन - लकड़ी, काष्ठ कोइला, बायो डीजल
ईन्धनके वैशिष्ट्य
सम्पादित करथिनईकाई ईन्धनसे जेत्ता ऊर्जा प्राप्त होवहे ओकरा ऊ ईन्धनके 'कैलोरी मान' कहल जा हे । प्रमुख ईन्धनके कैलोरी मान नीचे देल हे ।
| ईन्धन | MJ/kg | kcal/kg |
|---|---|---|
| प्राकृतिक गैस | 53,6 | 12 800 |
| एसिटिलीन | 48,55 | 11 600 |
| प्रोपेन पेट्रोल ब्यूटेन | 46,0 | 11 000 |
| डीजल | 42,7 | 10 200 |
| ईन्धन तेल | 40,2 | 9 600 |
| एन्थ्रेसाइट | 34,7 | 8 300 |
| कोक | 32,6 | 7 800 |
| कोयला गैस | 29,3 | 7 000 |
| अल्कोहल 95º पर | 28,2 | 6 740 |
| लिग्नाइट | 20,0 | 4 800 |
| पीट | 19,7 | 4 700 |
| बिटुमिन कोइला | 16,7 | 4 000 |