इन्द्र

इन्द्र हिन्दुधर्ममे सब देवताके राजाके सबसे उच्च पद हलै जिनकर एक अलगे चुनाव-पद्धति हलै । ई चुनाव पद्धतिके विषयमे स्पष्ट वर्णन उपलब्ध न है । वैदिक साहित्यमे इन्द्रके सर्वोच्च महत्ता प्राप्त है किन्तु पौराणिक साहित्यमे इनकर महत्ता निरन्तर क्षीण होवित गेलै आउ त्रिदेवके श्रेष्ठता स्थापित हो गेलै ।

देवराज इन्द्र
शक्ति, बल, मेघ, बर्षा आउ सम्भोगके देवता
ऐरावत पर सवार भगवान इन्द्र
निवासस्थान	स्वर्ग
ग्रह	स्वर्ग
मन्त्र	ॐ इन्द्राय नमः
अस्त्र	वज्र
जीवनसङ्गी	उर्वशी, इन्द्राणी, मेनका, रम्भा, आदि
माता-पिता	महर्षि कश्यप (पिता) देवी अदिति (माता)
भाई-बहिन	सूर्यदेव , वरुणदेव , त्वष्टा , पूषा , अर्यमा , भग , मित्र , अंशुमान , धाता , पर्जन्य आउ वामन (सब छोट भाई)
सन्तान	जयन्त
सवारी	ऐरावत हाथी

ऋग्वेदमे इन्द्र

ऋग्वेदके लगभग एक-चौथाई सूक्त इन्द्रसे सम्बन्धित है । २५० सूक्तके अतिरिक्त ५० से अधिक मन्त्रमे उनकर स्तवन प्राप्त होवऽ है । ऊ ऋग्वेदके सर्वाधिक लोकप्रिय आउ महत्त्वपूर्ण देवता हथिन । उनका आर्यके राष्ट्रीय देवतो कह सकऽ हथिन । मुख्य रूपसे ऊ वर्षाके देवता हथिन जे कि अनावृष्टि अथवा अन्धकार रूपी दैत्यसे युद्ध करऽ हथिन आउ अवरुद्ध जलके अथवा प्रकाशके विनिर्मुक्त बना दे हथिन । ऊ गौण रूपसे आर्यके युद्ध-देवतो हथिन जे आदिवासी सबके साथ युद्धमे ऊ सब आर्यके सहयोग करऽ हथिन । इन्द्रके मानवाकृतिरूपेण चित्रण दर्शनीय है । उनकर विशाल शरीर, शीर्ष भुजा आउ बड़ उदरके बहुधा उल्लेख प्राप्त होवऽ है । उनकर अधर आउ जबड़ोके वर्णन भेटऽ है । उनकर वर्ण हरित् है । उनकर केश आउ दढ़िओ हरित्वर्णा है । ऊ स्वेच्छासे विविध रूप धारण कर सकऽ हथिन । ऋग्वेद इन्द्रके जन्मो पर प्रकाश डालऽ है । पूरा दु सूक्त इन्द्रके जन्मेसे सम्बन्धित है । ‘निष्टिग्री’ अथवा ‘शवसी’ नामक गायके उनकर माय बतावल गेलै हे । उनकर पिता ‘द्यौः’ या ‘त्वष्टा’ हथिन । एक स्थल पर उनका ‘सोम’ से उत्पन्न कहल गेलै हे । उनकर जनमके समय द्यावा-पृथ्वी काँप उठलै हल । इन्द्रके जनमके विद्युत् के मेघ-विच्युत होवेके प्रतीक मानल जा सकऽ है ।

इन्द्रके सगा-सम्बन्धीके संक्षिप्त विवरण ई प्रकार है । अग्नि आउ पूषन् उनकर भाई हथिन । इन्द्राणी उनकर पत्नी हथिन । सम्भवतः 'इन्द्राणी' नाम परम्परित रूपसे पुरुष (पति) के नामके स्त्रीवाची बनावहीँसे है मूलनाम कुछ आउ ('शची') हो सकऽ है । मरुद्गण उनकर मित्र आउ सहायक हथिन । उनका वरुण, वायु, सोम, बृहस्पति, पूषन् आउ विष्णुके साथ युग्मरूपोमे कल्पित कैल गेलै हे । तीन चार सूक्तमे ऊ सूर्यके प्रतिरूप हथिन ।

इन्द्र एगो वृहदाकार देवता हथिन । उनकर शरीर पृथ्वीके विस्तारसे कमसे कम दस गुना है । ऊ सर्वाधिक शक्तिमान् हथिन । एहीसे ऊ सम्पूर्ण जगत् के एकमात्र शासक आउ नियन्ता हथिन । उनकर विविध विरुद शचीपति (=शक्तिके स्वामी), शतक्रतु (=सौ शक्ति वाला) आउ शक्र (=शक्तिशाली), आदि उनकर विपुला शक्तिएके प्रकाशक हथिन ।

वृत्र-वध पर कुछ मन्तव्य

इन्द्रके चरितावलीमे वृत्रवधके बड़ महत्त्व है ।

• इन्द्र आउ वृत्रके युद्धके आरम्भेसे साङ्केतिक मानल गेलै हे । यास्ककृत निरुक्तमे कहल गेलै हे कि 'वृत्र' निरुक्तकारके अनुसार 'मेघ' है । ऐतिहासिकके अनुसार त्वष्टाके पुत्र असुर है (एही मतके विकसित रूप महाभारत आउ भागवत महापुराण मे वर्णित वृत्र-वध आख्यान है ।) आउ ब्राह्मण ग्रन्थके अनुसार ऊ 'अहि' (सर्प) समान है जे अपन शरीर-विस्तारसे जल-प्रवाहके रोक लेलकै हल आउ इन्द्रके द्वारा विदीर्ण कैल जाए पर अवरुद्ध जल प्रवाहित होलै ।
• निरुक्तकारके मतानुसार वृत्र अन्धकारपूर्ण, आवरण करे वाला है । जल आउ प्रकाश (विद्युत) के मिश्रण होवेसे वर्षा होवऽ है ; ऐसन होएल रूपकके रूपमे युद्धके वर्णन है ।
• लोकमान्य तिलकके अनुसार इन्द्र सूर्यके प्रतीक है आउ वृत्र हिमके । ई उत्तरी ध्रुवमे शीतकालमे हिम जमे आउ बसन्तकालीन सूर्य द्वारा पिघले पर नदी सबके प्रवाहित होवेके प्रतीक है ।
• हिलेब्राण्टके मतोसे वृत्र हिमानीके प्रतीक है । किन्तु अधिकांश पश्चिमी विद्वानो निरुक्तके पूर्वोक्त मतसे सहमत हथिन आउ ई लोग मानऽ हथिन कि इन्द्र वृष्टि लावे वाला तूफानके देवता हथिन ।

देव-युग्म : इन्द्र आउ वरुण

ऋग्वेदमे इन्द्रके नाम सात देव-युग्मोमे आवऽ है । ऐसन युग्ममे ११ सूक्त इन्द्र-अग्निला है, ९ सूक्त इन्द्र-वरुणला, ७ इन्द्र-वायुला, २ इन्द्र-सोम, २ इन्द्र-बृहस्पति, १ इन्द्र-विष्णु आउ १ सूक्त इन्द्र-पूषणला है । ई सबमे से सब साथे इन्द्रके समानता होवेके साथे भिन्नतो है । उदाहरणला इन्द्र आउ वरुणके युग्मके लेल जा सकऽ है । यद्यपि वरुणके वर्णन बड़ी कम सूक्तमे है, किन्तु ऊ इन्द्रके बाद सर्वाधिक महनीय मानल गेलन हे । ९ सूक्तमे इन्द्र आउ वरुणके संयुक्त वर्णन है । दुनोमे अनेक समानता है । कहल गेलै हे कि जगत् के अधिपति इन्द्रावरुण सरिता सबके पथ खोदलन आउ सूर्यके द्युलोकमे गतिमान बनौलन । ऊ वृत्रके पछाड़ऽ हथिन । युद्धमे सहायक हथिन । उपासक सबके विजय प्रदान करऽ हथिन । क्रूरकर्मा पामर सब पर अपन अमोघ वज्र फेकऽ हथिन ।

ई सब समानताके बावजूदो दुनोमे ढेर वैषम्यो है -

1. एक (इन्द्र) युद्धमे शत्रु सबके मारऽ हथिन । दोसर (वरुण) सर्वदा व्रत सबके रक्षण करऽ हथिन ।
2. वरुण मनुष्यके विवेक प्रदान करके पोषण करऽ हथिन आउ इन्द्र शत्रुके ई प्रकार मारऽ हथिन कि ऊ पुनः उठ न सके । एहीसे इन्द्रके युद्ध प्रिय मानल गेलै हे आउ वरुणके शान्तिप्रिय, बुद्धिदाता ।
3. वरुणके अपन अस्त्र पाश कहल गेलै हे ।
4. वरुण व्रतके उल्लङ्घन करे वालाके दण्ड दे हथिन पर पाशके ढीलो कर दे हथिन ।
5. वरुण सम्पूर्ण भुवनके राजा हथिन ।
6. वरुणके वेश-भूषा जल है ।
7. सप्तसिन्धु वरुणके मुखमे प्रवाहित है; आउ ऊ समुद्रमे चले वाला नावो (जहाज) के जानऽ हथिन । वरुणके गहरा सम्बन्ध समुद्रोसे है ।
8. वरुण औषधियोके स्वामी हथिन । उनका भिरु १०० या १००० औषधि है जेकरासे ऊ मृत्युके जीत ले हथिन आउ भक्त सबके पाप-भञ्जन करऽ हथिन ।
9. वरुण अत्यधिक क्षमाशील हथिन आउ जीवनके अन्तो कर सकऽ हथिन त आयु बढ़ा देवे वालाके रूपोमे उनकर स्मरण कैल गेलै हे । अपवाद रूपमे इन्द्रो शुनःशेपके आयु बचौलन हल पर वरुणके सामान्य रूपसे ऐसन उल्लेख कैल गेलै हे । दुनोमे आउओ कतिपय विभिन्नता है । जौन प्रकार इन्द्र भौतिक स्तर पर सबसे बड़ देवता हलन ओही प्रकार वरुण नैतिक स्तर पर महनीय देवता हलन ।

अन्य सभ्यतामे इन्द्र

कम्बोज (कम्बोडिया) मे इन्द्र

बोगाजकोई शिलालेखके अनुसार मितन्नी जातिके देवता सबमे वरुण, मित्र एवं नासत्य (अश्विन्) के साथे इन्द्रोके उल्लेख भेटऽ है (१४०० ई पू) । ईरानी धर्ममे इन्द्रके स्थान है, किन्तु देवतारूपमे न, दानवरूप मे । वेरेथ्रघ्न हुमा विजयके देवता हथिन, जे वस्तुतः 'वृत्रघ्न' (वृत्रके मारे वाला) एकरे रूपान्तर है । एही चलते डाॅ कीथ इन्द्रके भारत-पारसीक एकताके युगसे सम्बद्ध मानऽ हथिन ।