इङ्ग्लैण्ड
इङ्ग्लैण्ड (अङ्ग्रेजी: England) बृहद् ब्रिटेन नामक द्वीपके दक्षिणी भागे स्थित एक देश हे । एकर क्षेत्रफल १,३२,९३२ वर्ग किलोमीटर हे । ई संयुक्ताधिराज्यके सबसे बड़ा निर्वाचक देश हे । इङ्ग्लैण्डके इलावा स्कॉट्लैण्ड, वेल्स आउ उत्तर आयरलैण्डो संयुक्ताधिराज्ये सम्मिलित हे । ई यूरोपके उत्तरपश्चिम दने अवस्थित हे जे मुख्यभूमिसे अङ्ग्रेजी चैनल द्वारा पृथकीकृत द्वीपके अङ्ग हे । एकर राजभाषा अङ्ग्रेजी हे आउ ई विश्वके सबसे सम्पन्न आउ शक्तिशाली देशमे से एक हे ।
इङ्ग्लैण्ड England | |
|---|---|
 झण्डा | |
राष्ट्रगान: आधिकारिक रूपे कौनो नै; संयुक्ताधिराज्यके राष्ट्रगान God Save the King (गॉड सेव द क्वीन) हे । | |
 इङ्ग्लैण्ड (हरियर) के अवस्थिति संयुक्ताधिराज्य (हल्का हरियर) मे | |
| राजधानी आउ सबसे बड़का नगर | लन्दन |
| मान्यताप्राप्त राष्ट्रियभाषा | अङ्ग्रेजी |
| मान्यताप्राप्त क्षेत्रीयभाषा | कोर्निश |
| निवासीनाम | अङ्ग्रेज |
| सरकार | संयुक्ताधिराज्यके सरकार |
| एकीकरण | |
| 12 जुलाई 927 | |
| 1 मई 1707 | |
| क्षेत्रफल | |
• कुल | Lua error in Module:Convert at line 1866: attempt to index local 'en_value' (a nil value). |
| जनसङ्ख्या | |
• 2022 आकलन | 5,71,06,398 |
• 2021 जनगणना | 5,64,90,048 |
| जिडिपि (साङ्केतिक) | 2022 प्राक्कलन |
• कुल | £21.62 खरब |
• प्रतिव्यक्ति | £37,852 |
| मुद्रा | पाउण्ड स्टर्लिङ्ग (GBP) |
| समय मण्डल | युटिसि+0 (ग्रीमास) |
| वाहन चलहे | बामा |
| दूरभाष सङ्केत | +44 |
| आइएसओ ३१६६ सङ्केत | GB-ENG |
| इण्टरनेट टिएलडि | .uk3 |
| |
इङ्ग्लैण्डके इतिहासमे सबसे स्वर्णिमकाल ओकर औपनिवेशिक युग हे । अठारहमा शताब्दीसे लेके बीसमा शताब्दीके मध्य तक ब्रिटिश साम्राज्य विश्वके सबसे बड़ आउ शकितशाली साम्राज्य होवकरहलै जे ढेर महाद्वीपमे फैलल हलै आउ कहल जा हलै कि ब्रिटिश साम्राज्यमे सूर्य कहियो अस्त नै होवै । ओही समय पूरा विश्वमे अङ्ग्रेजीभाषा अपन छाप छोड़कै जौन कारण ई आझो विश्वके सबसे अधिक लोग द्वारा बोलल आउ बुझल जाएवाला भाषा हे ।
भूविज्ञान
सम्पादित करथिनइङ्ग्लैण्डके धरातलके संरचनाके इतिहास बड़ी उलझनके हे । एहाँ मध्यनूतन (मायोसीन) युगके छोड़के प्रत्येक युगके चट्टान भेटहे जेकरासे स्पष्ट हे कि ई भाग बड़ भूवैज्ञानिक उथल पुथल लौकलै हे । आयरलैण्डके बृहद् ब्रिटेनसे अलगे भेल अपेक्षाकृत नवीन घटना हे । इङ्ग्लैण्डके डोवर जलडमरूमध्य द्वारा महाद्वीपेसे अलग भेल आउओ नया बात हे, जे मानव-जीवनकाले घटित कहल जा हे ।
धरातलके विभिन्नताके विचारसे इङ्ग्लैण्डके दु मुख्य भागे विभाजित कैल जा सकहे - ऊँच पठारी भाग आउ मैदानी भाग । ऊँच पठारी भाग इङ्ग्लैण्डके उत्तर पश्चिमी भागे भेटहे जे प्राचीन चट्टान द्वारा निर्मित हे । हिमयुगमे हिमसे झकाएल रहेके चलते एहाँके पठार घिसाके चिकना हो गेलै हे । दोसर दने मैदानी भाग नरम चट्टान, बलुआ पत्थर, चूना पत्थर आउ चिकना मट्टीके बनल हे । चूना पत्थरके नीचे गोलाकार पहाड़ी निर्मित हो गेलै हे, खड़िया (चाक) के पर्वतीय ढाल। नीचेके मैदानी भाग प्रायः दोमट मट्टीके बनल हे ।