Subya
Subya otabâ Sobia (Arab: سُوبْيا, alih aksara: Sūbyā) iya' arèya ènuman cellep sè mashur è Messèr bân Arab Saudi, è ghâbây ḍâri camporan nyèyor, bherrâs, bân susu, biasana è campor kalabân ès.[1] Subya vèrsi asli panèka ènuman sè nganḍung alkohol sè è ghâbây ḍâri renḍeman bherrâs sè è fermentasi, ta' ngangghuy nyèyor bân ra-kèra ampon lebbi ḍâri 1.000 taon.[1] Vèrsi subya Messèr modern panèka ènuman sè ta' nganḍung alkohol bân ta' è fermentasi kalabân bahan-bahan akadhi nyèyor (bobo' otabâ patè), susu, bân kadâng vanila sè ta' tamasok ḍâlem resep tradisional.[1][2] Subya dhaḍdhi sala sèttong ènuman populer è Mesir bân Arab Saudi, otamana bilâ è ènum ḍâlem bulân soccè Romadon.[2][3][4]
Atosan taon sè lajhu, orèng sè asiyara ḍâ' Messèr nyambi ènuman nèka ḍâ' wilayah Hijaz, Arab Saudi.[5] è ḍissa subya akembâng ḍâlem ropa sè laèn ḍâri sè biasana è ghâbây ḍâri barli bân haver.[6]
È Arab Saudi
beccè'È Arab Saudi bâḍâ ènuman sè jhughân è sebhut subya otabâ sobia bân populer jhughân è bulân Romadon, senajjhân laèn kalabân vèrsi modernna è Messèr. Subya è Arab Saudi panèka ènuman fermentasi sè è bhâḍhi ḍâri camporan teppong gânḍum, malt, ghulâ, bân palappa. Bahan-bahan nèka è larutaghin ḍâlem aèng, bân è fermentasi kalabân alami è suhu ruang, ngasèlaghi ènuman seggher kalabân kadâr alkohol sè cè' panḍâpâ. Kanḍungan nutrisina cè' è arghâi è bâkto Romadon.[7]
Bâḍân pangabâsân Obhât bân kakanan Arab Saudi nyata'aghi jhâ' bâḍâ persentase kèni' etanol (alkohol) ḍâlem subya sè èhasèlaghi ḍâri proses fermentasi sè aropa reaksi kimia alami polana katambâ'an ghulâ.[8][9]
Subya dhâddhi lebbi bânnya' fermentasina bilâ è sèmpen lebbhi ḍâri duwâ' arè. Penelitian ampon è lakoni ghâbây nentoaghi kadâr alkohol etil sè anḍi' sèpat mabu' ḍâ' sampel subya. Hasèla nuddhuaghi konsentrasi alkohol bâḍâ 2,3% saamponna 24 ejjhâm, ongghâ dhâddhi 4,2% saamponna 48 ejjhâm, bân dhâddhi 6,8% saamponna 72 ejjhâm.[10]
Sombher
beccè'- 1 2 3 Mansour, Nermine (2024-05-29). "Sobia (Egyptian Coconut-Rice Cold Drink): سوبيا" (in American English). Archived from the original on 2025-03-06. Retrieved 2026-02-21.
- 1 2 "Sobia, Minuman Legendaris Selama Ramadhan dari Mesir | Republika Online". Republika Online. Retrieved 2026-02-21.
- ↑ "McCormick Beverages and Cocktails". McCormick (in Inggris). Retrieved 2026-02-21.
- ↑ lia (2024-03-13). "Pernak Pernik Ramadhan : Mengenal Minuman Khas Ramadan Di Mesir". Star Jogja FM (in Indonesia). Retrieved 2026-02-21.
- ↑ "Sobia, Minuman Primadona Arab Saudi Saat Bulan Puasa | Republika Online". Republika Online. Retrieved 2026-02-21.
- ↑ "Sobia: A traditional thirst-quenching Hijaz drink in Ramadan". Arab News (in Inggris). 2021-05-04. Retrieved 2026-02-21.
- ↑ Liagre, Laurie (2020-03-06). "Sobia". 196 flavors (in American English). Retrieved 2026-02-21.
- ↑ العصيمي, هادي. "هل مشروب السوبيا يحتوي على الكحول؟ الغذاء والدواء تجيب وتوضح". صحيفة سبق الالكترونية (in Arab). Archived from the original on 2025-04-11. Retrieved 2026-02-21.
- ↑ "x.com". X (formerly Twitter). Archived from the original on 2024-12-03. Retrieved 2026-02-21.
- ↑ "حتى لاتكون «السوبيا» مسكرة". عكاظ (in Arab). 2007-11-05. Retrieved 2026-02-21.