Abu Jazid Bustomi

Abu Jazid Bustomi
Carèta oḍi'
Sèdhâ	19 Mèi 1987 ; Daerah Khusus Jakarta

Abu Jazid Bustomi (EYD: Abu Yazid Bustomi; 7 Oktober 1910 - 19 Mèi 1987) panèka sèttong perwira tèngghi angkatan dhârâ' bân birokrat Indonèsia. Salèrana ajabat mènangka angghuta Dewan Perwakilan Rakyat dâri taon 1960 sampè' 1963, ajabat Gubernur Kalimantan Lao' dâri Mèi kantos Sèptèmber 1963, bân ajabat Gubernur Somattra Lao' dâri 1964 kantos 1967.

Kaodi'ân

Kaodi'ân awwal bân karir militer

Abu Jazid èlahèraghi è tangghâl 7 April 1910. Salèrana ajhâlâni pandhidhighân militer è Renseitai, sèttong akademi sè èpaddek è masa penjhâjâhan Jeppang è Indonèsia kaangghuy arèkrut angghuta Pembela Tanah Air. Saellana lulus, Abu Jazid ètempat'aghi mènangka Chudancho (komandan kompi) Pembela Tanah Air è Pekalongan.^[1]

Karier politik bân birokrat

Saamponna negghuk panbârâmpan jabatan dâlem kemiliteran, Abu Jazid ètunju' mènangka angghuta Dewan Perwakilan Rakyat dâri fraksi Angkatan Bersenjata Republik Indonèsia, bân èlantik mènangka anggota DPR è tangghâl 15 Sèptèmber 1960.^[2] Asabâb Dewan Perwakilan Rakyat panèka bâgiân dâri Majelis Permusyawaratan Rakyat (MPR), makah Abu Jazid jhughân ajabat mènangka angghuta MPR. È DPR, Abu Jazid masok ka dalèm Komisi C, sè abidangè pemerintahan, pertahanan, bân keamanan samentara è MPR Abu Jazid masok ka dalèm Komisi H sè abidangi Pemerènta'an bân Otonomi Daerah. Sataon samarèna, salèrana ètunju' mènangka angghuta Bâdân Pekerja MPR sè atugas kaangghuy nolongè pimpinan MPRS dâlem alaksana'aghi tugassâ rè-sa'arèna.^[3]

Asabâb katerlibatânna dâlem pamarènta'an bân otonomi daerah è MPRS, maka è taon 1963 Abu Jazid ètunju' sareng Menteri Dalam Negeri bân Otonomi Daèrah Ipik Gandamana kaaghuy abhântoh dâlem pangawasan bân pambinaan. Akaitan kalabân hal kasebbhut, Abu Jazid ngundurin abâ'na dâri Dewan Perwakilan Rakyat bân Majelis Permusyawaratan Rakyat è tangghâl 27 Juni 1963.^[2]

Ajabat Gubernur Kalimantan Lao'

È bulân Mei 1963, Gubernur Kalimantan Lao' Haji Maksid èpa'ambu dâri jabatânna. Mènangka ghântèna, Abu Jazid ètunju' sareng Ipik Gandamana kaangghuy dhâddhi penjabat gubernur pan-bârâmpan bulân kalabân tugas otama alaksanaaghi pamèlèyan kepala daerah definitif.^[4]

Sombher

↑ Bachtiar, Harsya W. (1988). Siapa dia?: perwira tinggi Tentara Nasional Indonesia Angkatan Darat (TNI-AD) (in Indonesia). Djambatan. ISBN 978-979-428-100-0.
1 2 Rakyat, Indonesia Dewan Perwakilan (1970). Seperempat abad Dewan Perwakilan Rakjat Republik Indonesia (in Indonesia). Dewan Perwakilan Rakjat.
↑ Triningsih, Anna; Mardiya, Nuzul Qur’aini (2018-02-09). "Interpretasi Lembaga Negara dan Sengketa Lembaga Negara dalam Penyelesaian Sengketa Kewenangan Lembaga Negara". Jurnal Konstitusi. 14 (4): 778. doi:10.31078/jk1444. ISSN 2548-1657.
↑ "Wayback Machine". sipuu.setkab.go.id. Archived from the original on 2021-07-09. Retrieved 2026-01-06.

[1] Bachtiar, Harsya W. (1988). Siapa dia?: perwira tinggi Tentara Nasional Indonesia Angkatan Darat (TNI-AD) (in Indonesia). Djambatan. ISBN 978-979-428-100-0.

[:0-2] 1 2 Rakyat, Indonesia Dewan Perwakilan (1970). Seperempat abad Dewan Perwakilan Rakjat Republik Indonesia (in Indonesia). Dewan Perwakilan Rakjat.

[3] Triningsih, Anna; Mardiya, Nuzul Qur’aini (2018-02-09). "Interpretasi Lembaga Negara dan Sengketa Lembaga Negara dalam Penyelesaian Sengketa Kewenangan Lembaga Negara". Jurnal Konstitusi. 14 (4): 778. doi:10.31078/jk1444. ISSN 2548-1657.

[4] "Wayback Machine". sipuu.setkab.go.id. Archived from the original on 2021-07-09. Retrieved 2026-01-06.

[1]