Halogenia

Halogenia sunt elementa chemica quae ad gregem 17 in systemate periodico pertinent quibus elementis unus electro tantummodo deest quominus configurationem electronicam proximi gasis nobilis accipiant: itaque anionta formare solent et cum metallis coniuncta sales gignunt (unde nomen e verbis Graecis ἂλς, ἁλός 'sal' et γεννᾶν 'gignere', tamquam substantiae quae salem generant). Illa autem corpora pura, cum maneant, moleculas biatomicas formant; F₂, Cl₂... Haec sunt:

• Fluorum: format cum metallo fluorida, exempli gratia lithii fluoridum (LiF) , natrii fluoridum (NaF), kalii fluoridum (KF).
• Chlorum: format cum metallo chlorida, exempli gratia natrii chloridum (NaCl), quod salis maris maxima pars est.
• Bromium: format cum metallo bromida, exempli gratia natrii bromidum (NaBr)
• Iodum: format cum metallo iodida, exempli gratia kalii iodidum (KI).
• Astatium, radioactivum: format cum metallo astatida, exempli gratia kalii astatidum (KAt)

Halogenia cum hydrogenio acida faciunt (HF, HCl, HBr, HI, HAt), cum in aqua solvuntur.

Ex chloro etiam acidum chloricum (HClO₃) et acidum perchloricum (HClO₄) nascuntur. Sales chlorates vel perchlorates nominantur, exempli gratia kalii chloras (KClO₃) vel kalii perchloras (KClO₄).

In chemia organica halogenia vincula cum atomo carbonio radicalium alcanorum iungunt, quae composita halogenoalcana dicuntur. Compositum chemicum halogeniorum saepe exitium strato ozontis parit, ut chlorofluorocarbonida (CFC). Exempli gratia 1,2-dichlorofluoroethanum CHClFCH₂Cl. In pesticidis quoque halogenoalcana frequenter inveniuntur.

Plura legere si cupis

• Francis A. Carey, "organohalogen compound" in Britannica.
• J. Rabiant, "Les halogènes : des découvertes de pharmaciens", Annales Pharmaceutiques Françaises, 2008: 45-49

Nexus externi

• Vicimedia communia plura habent quae ad halogenia pertinent

stipula

Haec stipula ad chemiam spectat. Amplifica, si potes!