A̱byintyok A̱ga̱ra

Maba̱ta̱do

Ca̱crak

Fantswam

Gworog

Sholyia̱

Ta̱kad

Tuku

Á̱ lyuut ati̱kut wuni di̱n Tyap Maba̱ta̱do ja (Maba̱ta̱do)

A̱byintyok A̱ga̱ra ka (Ga̱ra: Anẹ Igáláà), mi̱ á̱ bu ngyei A̱byin A̱ga̱ra a̱ni, yet a̱byintyok a̱taada ka̱ ka̱n shyia̱ di̱ fam Jenshyung Afi̱rika hwa neet mi̱ gbangbang, ka̱ shyia̱ di̱ fam a̱tyin a̱mun A̱ghyui Naija ma̱ng A̱ghyui Benuwe ka mi̱ Fam A̱ka̱wa̱tyia̱ Naijeriya hu. A̱ga̱ra bibya ku kpaat a̱byintyok ka, a̱wot Àtá (A̱tyia̱) wu wa si̱ yet a̱lyoot a̱gba̱ndang a̱gwam A̱ga̱ra ka, a̱tyia̱ a̱byin wu, ma̱ng a̱la̱n-a̱wum wu, a̱wot a̱cyian A̱byintyok A̱ga̱ra ka si̱ shyia̱ ma̱ a̱keang Ida kya. A̱byintyok A̱ga̱ra ka ku fuut a̱wok nka meang ka̱ si̱ shyia̱ fuut á̱ghyang nnwap nang Idoma ba ma̱ng A̱jukum ma̱ng A̱do ba, a̱wot ka̱ta̱i á̱ka̱mbwon nnwap nani nia ku swan ma̱ng á̱tsak byin-a̱byin A̱ga̱ra ba ba̱ sii du kyiai ma̱ng a̱mba.

A̱byintyok A̱ga̱ra

a̱byintyok taada mi̱ Naijeriya

 

 Neet mi̱ Wukideita

Bwoi-a̱lyoot

A̱lyoot "A̱ga̱ra" ka neet ma̱ a̱tsak a̱lyoot wu wa, Igala, a̱wot a̱lyoot a̱kya a̱pyia̱ nka ku neet mi̱ swánga̱lyiat sweang ja: Iga ji̱ fa "gak" a̱ni ma̱ng Ala ji̱ fa "zonseap" mi̱ Ga̱ra ji. Da̱ a̱ka̱nyiung, Iga-ala si̱ bwuak tyia̱ Igala, a̱wot A̱tyap ba si̱ kin mbwuak á̱ yei "A̱ga̱ra" kiki. Jat ji nang á̱ ku tyia̱ mba tangka̱i a̱lyoot huni, jija yet kyang hu nang á̱nietbyia̱lyen ni̱ cat tat a̱fwun. Da̱ a̱kwonu a̱kya, a̱di̱dam a̱ghyang si̱ nyia̱ ka̱ doot mman-a̱byintyok ni̱nia á̱ kyiak nang zonseap ji a̱ni, a̱wot a̱byintyok ka si̱ bwuak yet nna gak hu ku a̱vaak wu a̱ cok nna a̱ni.

Da̱ a̱lyem Ga̱ra ka, á̱ ngyei A̱ga̱ra ba àbó igáláà, a̱wot taada ji ja á̱ si̱ ngyei ìchòlò ku ùchòlò, ma̱nang a̱lyem Ga̱ra ka si̱ yet íchí Igáláà.