Hvíthvalaætt

Hvíthvalaætt; Tímabil steingervinga: Síðmíósen-Nútíma
	; Mjaldur
Vísindaleg flokkun
Ríki:	Dýr (Animalia);
Fylking:	Seildýr (Chordata);
Flokkur:	Spendýr (Mammalia);
Innflokkur:	Legkökudýr (Placentalia);
Ættbálkur:	Klaufdýr (Artiodactyla);
Innættbálkur:	Hvalir (Cetacea);
Yfirætt:	Delphinoidea;
Ætt:	Monodontidae;
Type genus
	Monodon; C. Linnaeus, 1758
	; Dreifing hvíthvala:; Monodon: rauður, Delphinapterus: blár. Sameiginlegt: fjólublár.
Ættkvíslir
	Monodon; Delphinapterus

Hvíthvalaætt (fræðiheiti: Monodontidae) er ætt tannhvala sem telur aðeins tvær tegundir: mjaldur og náhval. Auk þeirra eru minnst fjórar aðrar tegundir þekktar sem steingervingar.^[1] Báðar tegundir lifa kringum Norður-Íshafið. Þetta eru tiltölulega litlir hvalir, 3-5 metrar að lengd, með hnúð á enni (líkt og aðrir tannhvalir), og engar framtennur. Þeir eru ekki með eiginlegan bakugga, heldur langan hrygg eftir bakinu sem er meira áberandi hjá náhvölum. Líkt og aðrir hvalir nota þeir bergmálsmiðun til að synda eftir.^[2] Mjaldrar finnast nyrst í Atlantshafi og Kyrrahafi, en náhvalir eru aðeins í Norður-Íshafi og nyrst í Atlantshafi.

Hvíthvalir eru rándýr og nærast á ýmsum fiskum, skeldýrum, og litlum krabbadýrum. Þeir eru með litlar tennur. Mjaldurinn er með margar einfaldar tennur, en náhvalurinn aðeins með tvær og önnur þeirra myndar stóra skögultönn hjá karldýrum. Meðganga hjá báðum tegundum tekur 14-15 mánuði, og þeir fæða nær alltaf aðeins einn kálf. Kálfarnir eru á brjósti í tvö ár og ná kynþroska 5 til 8 ára gamlir. Fjölskyldur ferðast saman í hópum sem geta talið nokkur hundruð dýr.^[2]

Tilvísanir

↑ Jorge Vélez-Juarbe & Nicholas D. Pyenson (2012). „Bohaskaia monodontoides, a new monodontid (Cetacea, Odontoceti, Delphinoidea) from the Pliocene of the western North Atlantic Ocean“. Journal of Vertebrate Paleontology. 32 (2): 476–484. Bibcode:2012JVPal..32..476V. doi:10.1080/02724634.2012.641705. S2CID 55606151.
1 2 Brodie, Paul (1984). Macdonald, D. (ritstjóri). The Encyclopedia of Mammals. New York: Facts on File. bls. 200–203. ISBN 978-0-87196-871-5.

[Bohaskaia-1] Jorge Vélez-Juarbe & Nicholas D. Pyenson (2012). „Bohaskaia monodontoides, a new monodontid (Cetacea, Odontoceti, Delphinoidea) from the Pliocene of the western North Atlantic Ocean“. Journal of Vertebrate Paleontology. 32 (2): 476–484. Bibcode:2012JVPal..32..476V. doi:10.1080/02724634.2012.641705. S2CID 55606151.

[EoM-2] 1 2 Brodie, Paul (1984). Macdonald, D. (ritstjóri). The Encyclopedia of Mammals. New York: Facts on File. bls. 200–203. ISBN 978-0-87196-871-5.

[1]