Webmaster

Ti webmaster (manipud ti web ken master), matawtawagan pay ti arkitekto ti web, agparparang-ay iti web, mannurat ti sitio,wennoadministrador ti website, ket isu ti tao nga akinrebbeng para iti panagtaripato ti maysa weeno dagiti adu a website. Dagiti rebbeng ti webmaster ket mabalin a mairaman ti panangisegurado a nasayaat nga agan-andar dagiti server ti web, hardware ken sopwer, mangidaremdem iti website, agpataud ken mangbaliw kadagiti panid ti web, A/B a panagsubok, mangsungbat kadagiti komentarios, ken mangsukisok ti trapiko babaen ti sitio. Kas sapasap nga alagaden , dagiti propesional a webmaster ken "naskenda a nalaing kadagiti sopwer ti negosio ti Web, sopwer ti panagproseso ti bayad, ken sopwer ti seguridad. Dagiti webmaster ket mabalinda a heneralista iti kalaing iti HTML a mangimaton kadagiti amin wenno amin nga aspeto ti panagpaandar ti web. Depende iti kasasaad dagiti imatonanda a website, dagiti webmaster ket kadawyan nga ammoda dagiti lengguahe ti eskritu a kas ti JavaScript, ColdFusion, .Net, PHP ken Perl. Mabalinda pay nga mmo koma a mangpataray kadagiti server ti web a kas ti Apache HTTP Server (Apache) wenno ti Internet Information Services (IIS) ken isuda ket mabalinda nga administrador ti server.