Վիքիպեդիա

$Trump

$Trump (ոճավորվում է մեծատառերով), մեմ քոյն՝ կապված Ամերիկայի Միացյալ Նահանգների նախագահ Դոնալդ Թրամփի հետ, որը տեղակայված է Solana բլոկչեյն հարթակում[3]։ Ստեղծվել է մեկ միլիարդ մետաղադրամ, որոնցից 800 միլիոնը շարունակում է մնալ Թրամփին պատկանող երկու ընկերությունների սեփականությունը այն բանից հետո, երբ 200 միլիոնը հանրայնորեն թողարկվեց 2025 թվականի հունվարի 17-ին կայացած մետաղադրամների նախնական տեղաբաշխման (ICO) ժամանակ։ Մեկ օրից էլ պակաս ժամանակահատվածում բոլոր մետաղադրամների ընդհանուր շուկայական արժեքը գերազանցեց 27 միլիարդ դոլարը՝ Թրամփի մասնաբաժինը գնահատելով ավելի քան 20 միլիարդ դոլար։ 2025 թվականի մարտին Financial Times-ի կատարած վերլուծությունը ցույց տվեց, որ կրիպտո նախագիծը թոքենների վաճառքից և վճարներից զուտ առնվազն 350 միլիոն դոլար է հավաքել[4]։

$TRUMP
պատկերանիշ Խմբագրել Wikidata
կրիպտոարժույթ, Մեմքոյն Խմբագրել Wikidata
Ստեղծում17 հունվարի 2025 Խմբագրել Wikidata
Այլ անվանում$TRUMP Խմբագրել Wikidata
Նշանակալի անձԴոնալդ Թրամփ Խմբագրել Wikidata
Կոչվել է ի պատիվԴոնալդ Թրամփ, համացանցային մեմ Խմբագրել Wikidata
ՄշակողCIC Digital LLC, Fight Fight Fight LLC Խմբագրել Wikidata
Պաշտոնական կայքgettrumpmemes.com Խմբագրել Wikidata
Նախնական կարճատև աճից հետո $Trump մեմ քոյնի գինը նվազեց[1][2]։

Այս ձեռնարկումը էթիկայի փորձագետների կողմից արժանացել է համատարած քննադատության՝ նախագծի և նախագահական պարտականությունների հետ կապված Դոնալդ Թրամփի ունեցած շահերի բախման պատճառով։ Իր երկրորդ նախագահության ընթացքում Թրամփը գովազդել է $Trump-ը և ձեռնարկել քայլեր, որոնք բարձրացրել են մեմ քոյնի արժեքը՝ նպաստելով իր զուտ կարողության զգալի աճին[5]։

Պատմություն

խմբագրել

Թրամփի մեմ քոյն-ը թողարկվել է 2025 թվականի հունվարի 17-ին՝ երեք օր առաջ այն բանից, երբ Թրամփը կստանձներ Ամերիկայի Միացյալ Նահանգների նախագահի պաշտոնը։ Հանրային հայտարարության բացակայությունն սկզբում մտահոգություններ առաջացրեց, որ կրիպտոարժույթ-ը խարդախություն է և կարող է որևէ կապ չունենալ ընտրված նախագահի հետ[6]։ Մի քանի ժամ անց Թրամփը հայտարարեց $Trump-ի մասին իր X և Truth Social սոցիալական հարթակների էջերում[7]։ Մեմ քոյնի վեբկայքն այն նկարագրում էր որպես «Թրամփի միակ պաշտոնական մեմ»[8][9]։ Դրա լոգոն Թրամփի թվային ոճավորված պատկերն է, որտեղ նա բարձրացնում է բռունցքը 2024 թվականի հուլիսին իր դեմ կատարված մահափորձից փրկվելուց հետո[10]։ Հրաժարագրում նշվում էր, որ մետաղադրամը «նախատեսված չէ որպես» ներդրումային հնարավորություն կամ արժեթուղղթ, «քաղաքական չէ և որևէ կապ չունի» որևէ քաղաքական արշավի, քաղաքական պաշտոնի կամ կառավարական գործակալության հետ[9]։ Տեղաբաշխման պայմաններն արգելում են մետաղադրամ գնողներին միանալ նախագծի դեմ ուղղված որևէ կոլեկտիվ հայցի և երաշխավորում են պաշտպանություն ցանկացած պահանջներից[11]։ Թրամփը գովազդել է մետաղադրամը դրա ICO-ի գիշերը, երբ ընթանում էր «Կրիպտո պարահանդեսը»[12]։

Թողարկումից հետո դրա գինը մեկ գիշերվա ընթացքում աճեց ավելի քան 300%-ով[13]։ Երկու օրվա ընթացքում այն դարձավ աշխարհում 19-րդ ամենաարժեքավոր կրիպտոարժույթը՝ գրեթե 13 միլիարդ դոլար ընդհանուր շրջանառվող արժեքով և 29 միլիարդ դոլար ընդհանուր առևտրային ծավալով՝ հիմնված հունվարի 19-ի կեսօրին թողարկված 200 միլիոն թոքեններից յուրաքանչյուրի 64 դոլար արժեքի վրա։ The New York Times-ը հայտնում էր, որ Թրամփի գործընկերները վերահսկում էին լրացուցիչ 800 միլիոն թոքեններ, որոնք տեսականորեն կարող էին արժենալ ավելի քան 56 միլիարդ դոլար՝ Թրամփին հնարավոր դարձնելով դառնալ աշխարհի ամենահարուստ մարդկանցից մեկը՝ մոտավորապես 63,8 միլիարդ դոլար զուտ կարողությամբ[14]։

2025 թվականի մարտին Financial Times-ի կատարած վերլուծությունը ցույց տվեց, որ կրիպտո նախագիծը հավաքել է առնվազն 350 միլիոն դոլար (314 միլիոն դոլար՝ թոքենների վաճառքից և 36 միլիոն դոլար՝ վճարներից)[4]։ Այնուամենայնիվ, մինչև 2025 թվականի հուլիս, New York ամսագիրը հայտնեց, որ նախագահի ունեցած մետաղադրամների մասնաբաժինը արժեր ընդամենը մոտ 93 միլիոն դոլար[15]։ Սրան հակասում էր 2025 թվականի օգոստոսին The New Yorker-ի հրապարակած զեկույցը, որը ենթադրում էր, որ գործընկերության միջոցով Թրամփի պահած միջոցները «պոտենցիալ կերպով արժեն մի քանի միլիարդ դոլար», և որ մեմ քոյնից ստացված իրական շահույթը կազմել է 385 միլիոն դոլար[16]։

2025 թվականի մասնավոր ընթրիք

խմբագրել

2025 թվականի ապրիլին մետաղադրամի խոշորագույն 220 թոքենակիրներին առաջարկվեց ընթրիք նախագահի հետ, իսկ ամենախոշոր 25 սեփականատերերը կստանային հատուկ VIP տուր Սպիտակ տանը։ Հայտարարությունից հետո մետաղադրամի գինը թռավ ավելի քան 50%-ով[17][18]։ Վերլուծությունը ցույց տվեց, որ գովազդային արշավի մասին արտահոսած տեղեկատվությունը որոշ թրեյդերների թույլ է տվել խաղագույքեր կատարել մետաղադրամի վրա նախքան դրա պաշտոնական հայտարարումը։ Ըստ The New York Times-ի՝ որոշ գնորդներ հարցազրույցներում և հայտարարություններում նշել են, որ իրենք «գնել են մետաղադրամները կամ մասնակցել ընթրիքի մրցույթին՝ նպատակ ունենալով ապահովել պարոն Թրամփի կողմից այնպիսի գործողություն, որը կազդի Միացյալ Նահանգների քաղաքականության վրա»[19]։ Մայիսի 13-ին The New York Times-ը հայտնեց, որ GD Culture Group-ը՝ Չինաստանի հետ կապեր ունեցող, 2024 թվականին որևէ եկամուտ չունեցած և TikTok-ի հետ փոխկապակցված մի փոքր ընկերություն, հայտարարել է, որ 300 միլիոն դոլար է ծախսելու Բիթքոյն և $Trump գնելու համար՝ օգտագործելով «Բրիտանական Վիրջինյան կղզիներում գտնվող անանուն կազմակերպությանը բաժնետոմսերի վաճառքից» ստացված հասույթը[20]։ Այս գնումը Չինաստանի հետ կապված ընկերության կողմից Թրամփի կրիպտոարժույթը գնելու առաջին հայտնի դեպքն էր։ TikTok-ը կանգնած է ԱՄՆ-ում արգելափակման վտանգի առաջ, թեև Թրամփը մի քանի անգամ հետաձգել է այդ որոշումը[21]։

Ըստ The New York Times-ի՝ առնվազն քսան ներդրող վաճառել կամ փոխանցել է իր $Trump-ի պաշարները մայիսի 12-ին։ Գնառաջարկների գործընթացը որոշ ներդրողների թույլ տվեց շահույթ ստանալ. մի դեպքում մի ներդրող, որը հայտնի է միայն «Նոյ» անունով, մրցույթից առաջ գնել էր 2,2 միլիոն դոլարի $Trump և վաճառել այն մրցույթի վերջում՝ ստանալով ավելի քան 950,000 դոլարի շահույթ։ Վաճառքի ալիքը կանգնեցնելու ակնհայտ փորձով՝ $Trump-ի հետ կապված սոցիալական մեդիայի հաշիվը խոստացավ այն ներդրողներին, ովքեր կպահեն իրենց մետաղադրամները, տրամադրել «Trump Diamond Hand» անունով հայտնի ոչ փոխարկելի թոքեն (NFT) և պարգևատրման միավորներ[22]։ Մի քանի ներդրողներ կարողացան ներկա գտնվել ընթրիքին ընդամենը առևտրային միջնորդավճարների գնով՝ բացելով կարճ դիրքեր (shorting) $Trump-ի վրա[23]։ Ըստ NBC News-ի՝ մրցույթի հաղթողները հավաքականորեն ծախսել են 394 միլիոն դոլար[24]։ Սպիտակ տանը շրջայց կատարելու մասին հղումները հետագայում հեռացվեցին ընթրիքի վեբկայքից. Թրամփի վարչակազմի բարձրաստիճան պաշտոնյան հայտարարեց, որ կառավարությունը ներդրողների համար շրջայց չի իրականացնում[20]։

«Սմոքինգով կամ ցանկության դեպքում»[25] ընթրիքը տեղի ունեցավ Վիրջինիա նահանգի Սթերլինգ քաղաքում գտնվող Թրամփի ազգային գոլֆի ակումբում (Trump National Golf Club Washington, D.C.)[20]։ Ընթրիքից առաջ ցուցարարները հավաքվել էին դատապարտելու այդ հավաքը՝ վանկարկելով. «Ամո՛թ»[26]։ Մենյուում ներառված էր ֆիլե միլյոն, տապակած պալտուս և «Թրամփի օրգանիկ դաշտային կանաչիներով աղցան»[20]։ Մի մասնակից, ով խոսել է The Verge-ի հետ, անվտանգությունը նկարագրել է որպես «բավականին թույլ»,[27] նշել է Թրամփի սահմանափակ ներկայությունը և նրա ելույթը, որը նա արտասանել է նախագահական կնիքով ամրացված ամբիոնի հետևից[28], ինչպես նաև հայտնել Memecore-ի կողմից կազմակերպված մասնավոր հետընթրիքային հավաքի (afterparty) մասին Washington Marriott Capitol Hill-ում[27]։ Թրամփի ելույթը տևել է մոտավորապես տասնհինգից[25] քսան րոպե[29]։ Ամենաբարձր վճարած ներդրողներից չորսին, այդ թվում՝ Ջասթին Սանին, տրվեցին 100,000 դոլար արժողությամբ Tourbillon ժամացույցներ[27]։ Այս ընթրիքը Սանի առաջին այցն էր Միացյալ Նահանգներ այն բանից հետո, երբ նա 2021 թվականին հայտնվել էր Նյու Յորքի հարավային շրջանի դատախազի հետաքննության տակ[30]։

Ըստ Times-ի և Nansen-ի վերլուծության՝ մի քանի ներդրողներ Ավստրալիայից և Սինգապուրից էին։ MemeCore կրիպտոարժույթային ընկերությունը ներդրել էր 19,3 միլիոն դոլար՝ դառնալով երկրորդ խոշորագույն թոքենակիրը. ընկերության գլխավոր բիզնես տնօրեն Չերի Սյուն հայտարարեց, որ շահագրգռված է իրենց «տեսլականն ու առաքելությունը» կիսել Թրամփի և մյուս մասնակիցների հետ։ Ամենախոշոր թոքենակիրը HTX բորսային պատկանող մի հաշիվ էր, որը, ինչպես ենթադրվում էր, կապված էր Ջասթին Սանի հետ։ Fr8Tech-ի գլխավոր գործադիր տնօրեն Խավիեր Սելգասը Արժեթղթերի և բորսաների հանձնաժողովին հայտնել էր, որ մտադիր է գնել 20 միլիոն դոլարի $Trump՝ փորձելով համոզել Թրամփին նվազեցնել Մեքսիկայի նկատմամբ կիրառվող մաքսատուրքերը[19]։ Հյուրերի ցուցակի և սոցիալական մեդիայի միջոցով Times-ը հետագայում բացահայտեց բազմաթիվ մասնակիցների ինքնությունը, այդ թվում՝ Սանին և նախկին բասկետբոլիստ Լամար Օդոմին[31]։

Ընթրիքը առաջացրեց էթիկական մտահոգություններ և արտաքին ազդեցության հնարավորություններ[32][19]։ Վայոմինգի սենատոր Սինթիա Լամիսը և Սենատի մեծամասնության առաջնորդ Թոմ Թիլիսը մտահոգություն հայտնեցին ընթրիքի կապակցությամբ[25]։ «Քաղաքացիները հանուն Վաշինգտոնում պատասխանատվության և էթիկայի» (CREW) կազմակերպությունից Դոնալդ Շերմանը այն անվանեց «նախագահական հասանելիության վաճառքի ամենաբացահայտ և սարսափելի դեպքերից մեկը»[33]։ Մասաչուսեթսի սենատոր Էլիզաբեթ Ուորենը ընթրիքը նկարագրեց որպես «կոռուպցիայի օրգիա», մինչդեռ Օրեգոնի սենատոր Ջեֆ Մերկլին այն անվանեց «ամերիկյան կոռուպցիայի Էվերեստ»[34][35]։

Մերկլին և Սենատի փոքրամասնության առաջնորդ Չակ Շումերը[25] օրինագիծ ներկայացրեցին, որն արգելում է գործադիր իշխանության բարձրաստիճան պաշտոնյաներին, ներառյալ Թրամփին, և նրանց ընտանիքներին շահույթ ստանալ կրիպտոարժույթից։ Մերկլին լրացուցիչ խնդրեց Կառավարական էթիկայի գրասենյակին հետաքննել ընթրիքը[22]։ Սենատի ներքին անվտանգության մշտական ենթահանձնաժողովի հետաքննությունը Թրամփի մասնակցությամբ կրիպտոարժույթային բիզնեսների վերաբերյալ ընդլայնվեց՝ ներառելով նաև այս ընթրիքը[36]։ Մերիլենդի ներկայացուցիչ Ջեյմի Ռասկինը՝ Ներկայացուցիչների պալատի դատական հանձնաժողովի ավագ անդամը, հետագայում ընթրիքի վերաբերյալ հարցում նախաձեռնեց[37]։ Ուշ գիշերային հեռուստատեսային հաղորդավարներ Ջիմի Ֆելոնը և Ջիմի Քիմելը ծաղրեցին ընթրիքը՝ համապատասխանաբար դրա մասնակիցների և դրանում առկա ակնհայտ կոռուպցիայի պատճառով[38]։

2026 թվականի մասնավոր միջոցառում

խմբագրել

2026 թվականի ապրիլին $Trump մետաղադրամի խոշորագույն գնորդները մասնակցեցին Մար-ա-Լագոյում կայացած շքեղ միջոցառմանը, որտեղ նրանք Թրամփի հետ անմիջական շփման հնարավորություն ստացան[39]։ «Քաղաքացիները հանուն Վաշինգտոնում պատասխանատվության և էթիկայի» (CREW) կազմակերպությունը դատապարտեց այս միջոցառումը և $Trump մետաղադրամը՝ այն անվանելով հակաէթիկական[39]։

Թոքենների բաշխում

խմբագրել

Մեմ քոյնի վեբկայքի համաձայն՝ թոքենների սեփականությունը հիմնականում կենտրոնացված է Թրամփին պատկանող երկու կազմակերպություններում՝ CIC Digital LLC-ում և Fight Fight Fight LLC-ում, որոնք միասին տնօրինում են ICO-ից հետո մնացած մետաղադրամների 80 տոկոսը[4][40]։ Այս սեփականատիրական կառուցվածքի շրջանակներում Թրամփի անձնական շահույթի չափը հստակ չէ[4]։ Նախատեսվում է, որ այդ պաշարները շուկա կթողարկվեն աստիճանաբար՝ երեք տարվա ընթացքում[41]։

Արձագանքներ

խմբագրել

Կրիպտոարժույթների ոլորտի որոշ ղեկավարներ և ներդրողներ նշել են, որ Թրամփը վնասել է այն արդյունաբերության վստահելիությանը, որի ստեղծման համար իրենք քրտնաջան աշխատել են՝ վաճառելով մետաղադրամներ, որոնք հայտնի են իրենց սպեկուլյատիվ բնույթով և ծայրահեղ անկայունությամբ։ Նրանք նաև ընդգծել են Թրամփի բացահայտ շահերի բախումը, քանի որ նա սահմանում է կրիպտոշուկայի քաղաքականությունը՝ միաժամանակ ուղղակիորեն օգուտ ստանալով այդ շուկային մասնակցելուց։ Որոշ վերլուծաբաններ նմանություններ են տեսել «rug pull» (գորգը քաշելու) սխեմայի հետ, երբ մետաղադրամը թողարկվում է և արագորեն լքվում հիմնադիրների կողմից՝ վաղ ներդրողներին թողնելով մեծ կորուստների առջև։ The Wall Street Journal-ը հայտնում էր, որ «նույնիսկ Թրամփի ամենաջերմ կողմնակիցների համբերության բաժակը լցվեց, երբ $Trump-ից ընդամենը 48 ժամ անց թողարկվեց $MELANIA թոքենը»․ նրանցից մեկը նույնիսկ հորդորել էր Թրամփին աշխատանքից ազատել այն խորհրդատուին, ով առաջարկել էր դա։ Բիթքոյնի հայտնի ներդրող Էրիկ Վորհիսը քննադատել է մետաղադրամը՝ այն անվանելով «հիմար և ամոթալի»[11][42][43]։

Մյուսները քննարկում էին այն փաստը, որ մետաղադրամը չունի որևէ գործնական օգտակարություն՝ բացի Թրամփին հարստացնելուց։

$TRUMP-ը չի հավակնում արժեք պահպանել այնպես, ինչպես բիթքոյնը կամ սթեյբլքոյններն են անում։ $TRUMP-ը գնորդին իրավունք չի տալիս նաև քվեարկել ընկերության ապագա ուղղության օգտին, ինչպես դա անում է World Liberty-ի առաջնային թոքենը։ Այն նույնիսկ չի փոխանցում Թրամփի թվային մուլտֆիլմին տիրապետելու իրավունք։ Այն մեմ քոյն է, նորույթ, մի փոքր զվարճանք, իսկ նրանց համար, ովքեր հաճույք են ստանում դրանից՝ Դոնալդ Թրամփին վճարելու զվարճանք։

Էթիկայի փորձագետները քննադատել են կրիպտո ձեռնարկությունը և կառավարական վերահսկողներին[44]։ Այս նախագիծը և օտարերկրյա կառավարությունների կողմից մետաղադրամը գնելու ու Թրամփին հարստացնելու հավանականությունը դիտարկվել են որպես Սահմանադրության օտարերկրյա պարգևների մասին դրույթի հնարավոր խախտում[45]։ Քննադատների խոսքերով՝ սա կարող է թույլ տալ հատուկ շահեր հետապնդող խմբերին և օտարերկրյա կառավարություններին փորձել ազդեցություն գնել նախագահի մոտ[46]։

$Trump-ի թողարկումը դատապարտվել է էթիկայի իրավաբանների կողմից, այդ թվում՝ «Campaign Legal Center»-ի տնօրեն Ադավ Նոտիի[47] և «Քաղաքացիները հանուն Վաշինգտոնում պատասխանատվության և էթիկայի» կազմակերպության հանրային կապերի գծով փոխնախագահ Ջորդան Լիբովիցի կողմից[48]։ Coinbase-ի նախկին ղեկավար Նիկ Տոմայնոն Թրամփի սեփականության իրավունքը և կրիպտոարժույթի թողարկման ժամանակը որակել է որպես «կողոպտիչ»[47]։ Էնթոնի Սկարամուչին՝ Թրամփի առաջին վարչակազմի Սպիտակ տան հանրային կապերի նախկին տնօրենը և ներկայիս կրիպտոներդրողը, մետաղադրամն անվանել է «Իդի Ամինի մակարդակի կոռուպցիա» և նշել, որ դրա թողարկումը վատ է անդրադարձել կրիպտոարժույթների արդյունաբերության վրա։ Նա հավելել է․ «Հիմա աշխարհում ցանկացած ոք կարող է մի քանի կտտոցով գումար փոխանցել ԱՄՆ նախագահի բանկային հաշվին»[46][49]։ Հետաքննող լրատվամիջոց հանդիսացող Documented-ի փոխտնօրեն Բրենդան Ֆիշերն ասել է․ «Այս թողարկման ժամանակը չի կարող պատահականություն լինել։ Այն տեղի ունեցավ Թրամփի նախընտրական արշավի ավարտից անմիջապես հետո և նախքան նրա պաշտոնական ստանձնումը, երբ նրա վրա լիովին կսկսեն տարածվել դաշնային էթիկայի կանոնները»[50]։ 2025 թվականի փետրվարի սկզբի դրությամբ մետաղադրամի արժեքի կտրուկ անկումից հետո դրա շուրջ ստեղծված իրավիճակը արժանացավ էթիկայի փորձագետների համատարած դատապարտմանը, առաջացրեց մտահոգություններ շահերի բախման վերաբերյալ, ինչպես նաև հանգեցրեց Կոնգրեսի անդամների մեղադրանքներին, ովքեր պահանջեցին հետաքննություն սկսել[51][52][53]։

Որոշ վերլուծաբաններ այն նկարագրել են որպես «pump and dump» (փչելու և գցելու) սխեմա[54] և «աղետ»[55]։ The New York Times-ի պատվերով իրականացված դատաբժշկական-ֆինանսական վերլուծությունը ցույց տվեց, որ 813,294 էլեկտրոնային դրամապանակ կորցրել է ընդհանուր 2 միլիարդ դոլար՝ առևտուր անելով այս մետաղադրամով, մինչդեռ նախագահի ընկերությունն ու գործընկերները հավաքել են մոտ 100 միլիոն դոլարի շահույթ միայն առևտրային միջնորդավճարներից[56][57]։ Ըստ Fortune ամսագրի՝ «թողարկումից երեք շաբաթ էլ չանցած, նախագահ Դոնալդ Թրամփի մեմ քոյնը ավելի շատ տուժածներ առաջացրեց, քան հաղթողներ։ Թրամփի կրիպտոարժույթի ստեղծողների հավաքած յուրաքանչյուր մեկ դոլար միջնորդավճարի դիմաց ներդրողները կորցրել են 20 դոլար»[56]։

Կոնգրեսական Սեմ Լիկարդոն՝ դեմոկրատ, ով ներկայացնում է Սիլիկոնային հովիտը, ներկայացրեց «Միջոցների արդիականացման և չարաշահումների կանխարգելման մասին օրենքը» (MEME Act), որն արգելում է նախագահին, Սպիտակ տան բարձրաստիճան պաշտոնյաներին, Կոնգրեսի անդամներին, ինչպես նաև նրանց ամուսիններին կամ երեխաներին թողարկել կամ գովազդել որևէ ֆինանսական ակտիվ։ Ի տարբերություն «Հեթչի օրենքի» (Hatch Act), այս նոր օրինագիծը ներդնում է մասնավոր հայց ներկայացնելու իրավունք յուրաքանչյուրի համար, ով վնաս է կրել նման ակտիվներ գնելու հետևանքով[58]։

$Melania

խմբագրել
$Melania մեմ քոյնը իր առաջին օրերին ունեցավ ծայրահեղ անկայունություն, որից հետո դրա գինը նվազեց[2]։

$Trump մեմ քոյնի թողարկումից հետո Թրամփի կինը՝ Մելանյա Թրամփը, 2025 թվականի հունվարի 19-ին թողարկեց իր սեփական մեմ քոյնը՝ $Melania-ն[44]։

$Melania թոքենի թողարկմամբ մասնակիորեն զբաղվել է Հեյդեն Դևիսը, ով հետագայում առանցքային դեր խաղաց $Libra կրիպտոարժույթային սկանդալի կազմակերպման գործում[59]։ Դևիսը խոստովանել է իր մասնակցությունը $Melania և $Libra թոքենների «սնայփինգին» (sniping), որը իրավական տեսանկյունից կասկածելի գործելակերպ է և նման է առաջանցիկ գործարքների իրականացմանը (front running)[60]։

2025 թվականի ապրիլին բլոկչեյն տվյալների մատակարար Bubblemaps-ը հայտնեց, որ $Melania թոքենը հիմնականում զանգվածաբար վաճառվել է․ Դևիսի կողմից $Melania-ի իրացվելիության պուլերից իրականացվել է 2 միլիոն դոլարի դուրսբերում՝ միակողմանի իրացվելիության միջոցով 1 միլիոն դոլար ուղարկելով բորսաներ[61]։

2025 թվականի հոկտեմբերին Դևիսը և Meteora ապակենտրոնացված կրիպտոբորսայի համահիմնադիր Բեն Չոուն ներգրավվեցին կոլեկտիվ հայցի մեջ, որտեղ պնդվում էր, որ Մելանյա Թրամփի մեմ քոյնը (տասնհինգ այլ թոքենների թվում) եղել է մի սխեմայի մաս, որն օգտագործել է «զինված հայտնիությունը՝ զգոնությունը թուլացնելու համար»[62]։

2024 թվականին նախագահ Թրամփի երդմնակալության օրվանից մինչև 2025 թվականի նոյեմբերի վերջ $Melania թոքենի գինը նվազել է 99%-ով, մինչդեռ $Trump թոքենի գինը նվազել է 86%-ով[63]։

Ներկայացուցիչների պալատի դատական հանձնաժողովի զեկույցը

խմբագրել

2025 թվականի նոյեմբերի 25-ին ԱՄՆ ներկայացուցիչ Ջեյմի Ռասկինը հրապարակեց զեկույց, որում նշվում էր, որ ԱՄՆ Ներկայացուցիչների պալատի դատական հանձնաժողովի դեմոկրատների կողմից անցկացված հետաքննության արդյունքում պարզվել է, որ Թրամփի կրիպտոարժույթային քաղաքականությունն իրականում օգտագործվել է հենց իր և իր ընտանիքի օգտին։ Ըստ զեկույցի՝ Թրամփն իր զուտ կարողությանը միլիարդավոր դոլարներ է հավելել կրիպտոարժույթային սխեմաների միջոցով, որոնք փոխկապակցված են եղել օտարերկրյա կառավարությունների, կորպորատիվ դաշնակիցների և հանցավոր դերակատարների հետ։ Զեկույցը, որը վերնագրված էր «Թրամփը, կրիպտոն և կոռուպցիայի նոր դարաշրջանը» (Trump, Crypto, and a New Age of Corruption), նաև պարզել է, որ Թրամփը վերացրել է հակակոռուպցիոն և ֆինանսական բարեխղճության պաշտպանական մեխանիզմները, ինչպես նաև ներում է շնորհել այնպիսի անձանց, ովքեր համարվում էին «կորպորատիվ հովանավորյալներ»՝ իր կրիպտոարժույթային կայսրությունը կառուցելու նպատակով[64][65][66]։

Ծանոթագրություններ

խմբագրել
  1. ↑ Sigalos, MacKenzie (2025-05-06). «58 crypto wallets have made millions on Trump's meme coin. 764,000 have lost money, data shows». CNBC (անգլերեն). Վերցված է 2025-05-13-ին.
  2. 1 2 Picchi, Aimee (2025 թ․ ապրիլի 24). «Trump's meme coin, which had fizzled in value, surges after offer of dinner with the president». CBS News. Արխիվացված օրիգինալից 2026 թ․ փետրվարի 16-ին.
  3. ↑ Macheel, Tanaya (2025 թ․ հունվարի 18). «Solana surges 12% on launch of Trump-themed meme coin, ether falls». CNBC. Վերցված է 2025 թ․ հունվարի 19-ին.
  4. 1 2 3 4 Asgari, Nikou; Hawkins, Oliver; Hemingway, Eade (2025 թ․ մարտի 7). «Donald Trump's crypto project netted $350mn from presidential memecoin». Financial Times. Վերցված է 2025 թ․ մարտի 7-ին.
  5. ↑ «Trump family's net worth has increased by $2.9 billion thanks to crypto investments, new report says». CBS News (ամերիկյան անգլերեն). 2025 թ․ մայիսի 2.
  6. ↑ «Trump launches his own meme coin, and its value soars to billions overnight». South China Morning Post. Agence France-Presse. 2025 թ․ հունվարի 19. Արխիվացված օրիգինալից 2025 թ․ հունվարի 18-ին. Վերցված է 2025 թ․ հունվարի 18-ին.
  7. ↑ Snider, Mike (2025 թ․ հունվարի 18). «Trump mints $31 billion with new official $TRUMP crypto meme coin». USA Today. Արխիվացված օրիգինալից 2025 թ․ հունվարի 18-ին. Վերցված է 2025 թ․ հունվարի 18-ին.
  8. ↑ Ishmael, Stacy-Marie (2025 թ․ հունվարի 19). «Crypto Fans Bid Up Trump-Branded Token Days Before Inauguration». Bloomberg.
  9. 1 2 Faguy, Ana (2025 թ․ հունվարի 18). «Trump launches cryptocurrency with price rocketting». BBC News. Արխիվացված օրիգինալից 2025 թ․ հունվարի 19-ին. Վերցված է 2025 թ․ հունվարի 18-ին.
  10. ↑ Lipton, Eric (2025 թ․ հունվարի 18). «Trump Begins Selling New Crypto Token, Raising Ethical Concerns». The New York Times. Արխիվացված օրիգինալից 2025 թ․ հունվարի 18-ին. Վերցված է 2025 թ․ հունվարի 18-ին.
  11. 1 2 Ge Huang, Vicky; Ostroff, Caitlin (2025 թ․ հունվարի 21). «Crypto Thought Trump Would Bring It Legitimacy. Then He Launched a Meme Coin». The Wall Street Journal.
  12. ↑ Goodman, Jasper (2025 թ․ հունվարի 18). «Trump launches crypto meme coin, ballooning net worth ahead of inauguration». Politico.
  13. ↑ Roush, Ty (2025 թ․ հունվարի 19). «Donald Trump Launches $TRUMP Meme Coin—Token Hits $9 Billion Market Cap». Forbes. Արխիվացված օրիգինալից 2025 թ․ հունվարի 20-ին. Վերցված է 2025 թ․ հունվարի 20-ին.
  14. ↑ Salmon, Felix (2025 թ․ հունվարի 19). «Donald Trump is the newest crypto billionaire». Axios (անգլերեն). Արխիվացված օրիգինալից 2025 թ․ հունվարի 19-ին. Վերցված է 2025 թ․ հունվարի 20-ին.
  15. ↑ Stieb, Matt (2025 թ․ հուլիսի 17). «Trump Just Got Almost $100 Million Richer Thanks to His Meme Coin». Intelligencer (անգլերեն). Վերցված է 2025 թ․ հուլիսի 20-ին.
  16. ↑ Kirkpatrick, David D. (2025 թ․ օգոստոսի 11). «How Much Is Trump Profiting Off the Presidency?». The New Yorker (ամերիկյան անգլերեն). ISSN 0028-792X. Վերցված է 2025 թ․ օգոստոսի 11-ին.
  17. ↑ Sigalos, MacKenzie (2025 թ․ ապրիլի 23). «Trump meme coin surges 50% after top holders offered dinner with the president». CNBC (անգլերեն).
  18. ↑ Khalili, Joel. «Trump's Quest for Crypto Riches Is a Constitutional Scandal Waiting to Happen». Wired.com (ամերիկյան անգլերեն). ISSN 1059-1028. Արխիվացված է օրիգինալից 2025 թ․ մայիսի 2-ին.
  19. 1 2 3 Lipton, Eric; Yaffe-Bellany, David (2025 թ․ մայիսի 12). «Auction to Dine With Trump Creates Foreign Influence Opportunity». The New York Times. ISSN 0362-4331. Վերցված է 2025 թ․ մայիսի 18-ին.
  20. 1 2 3 4 Yaffe-Bellany, Lipton
  21. ↑ Yaffe-Bellany, David; Lipton, Eric (2025 թ․ մայիսի 13). «Tiny Company With China Ties Announces Big Purchase of Trump Cryptocurrency». The New York Times (ամերիկյան անգլերեն). ISSN 0362-4331. Վերցված է 2025 թ․ մայիսի 14-ին.
  22. 1 2 Lipton, Freedman
  23. ↑ Kharif, 2025a
  24. ↑ Collier, 2025
  25. 1 2 3 4 Ingram, Egwuonwu
  26. ↑ Kharif, Faux
  27. 1 2 3 Nguyen, 2025
  28. ↑ Jansen, 2025
  29. ↑ Treene, 2025
  30. ↑ Berwick, Kowsmann
  31. ↑ Fahrenthold, Lipton
  32. ↑ Neuman, 2025
  33. ↑ Anderson, Garrison
  34. ↑ Shapero, 2025
  35. ↑ Harty, 2025
  36. ↑ Kharif, 2025b
  37. ↑ Zakrzewski, 2025
  38. ↑ Vineyard, 2025
  39. 1 2 Zakrzewski, Cat (2026-04-25). «Top buyers of Trump meme coin join Mike Tyson, others at lavish Mar-a-Lago event». The Washington Post (ամերիկյան անգլերեն). ISSN 0190-8286.
  40. ↑ Massa, Annie (2025 թ․ հունվարի 19). «Trump's Memecoin Creates Billions From Thin Air Before DC Return». Bloomberg.
  41. ↑ Faguy, Ana (2025 թ․ հունվարի 18). «Trump launches meme coin, $TRump days before return to White House». BBC News (բրիտանական անգլերեն). Վերցված է 2025 թ․ հունվարի 19-ին.
  42. ↑ Lipton, Eric; Yaffe-Bellany, David (2025 թ․ հունվարի 19). «Trump's Cryptocurrency Surges to Become One of the World's Most Valuable». The New York Times (ամերիկյան անգլերեն). ISSN 0362-4331. Վերցված է 2025 թ․ հունվարի 21-ին.
  43. ↑ Mohamed, Theron (2025 թ․ հունվարի 20). «Crypto leaders worry Trump's meme coin is undermining their credibility». Business Insider. via AOL.com.
  44. 1 2 Lipton, Eric; Yaffe-Bellany, David (2025 թ․ հունվարի 19). «Trump's Cryptocurrency Surges to Become One of the World's Most Valuable». The New York Times. ISSN 0362-4331. Արխիվացված օրիգինալից 2025 թ․ հունվարի 19-ին. Վերցված է 2025 թ․ հունվարի 19-ին.
  45. ↑ Romm, Tony (2025 թ․ հունվարի 19). «Trump promotes meme coin, raising ethics issues as value soars». The Washington Post. ISSN 0190-8286. Վերցված է 2025 թ․ հունվարի 19-ին.
  46. 1 2 Suderman, Alan (2025 թ․ հունվարի 19). «Trump promotes new meme coin before taking office on pro-crypto agenda». Associated Press. Արխիվացված օրիգինալից 2025 թ․ հունվարի 20-ին. Վերցված է 2025 թ․ հունվարի 20-ին.
  47. 1 2 Lipton, Eric (2025 թ․ հունվարի 18). «Trump Begins Selling New Meme Coin Days Ahead of Inauguration». The New York Times. Արխիվացված օրիգինալից 2025 թ․ հունվարի 18-ին. Վերցված է 2025 թ․ հունվարի 18-ին.
  48. ↑ Goodman, Jasper (2025 թ․ հունվարի 18). «Trump launches crypto meme coin, ballooning net worth ahead of inauguration». Politico. Արխիվացված օրիգինալից 2025 թ․ հունվարի 18-ին. Վերցված է 2025 թ․ հունվարի 18-ին.
  49. ↑ Goodman, Jasper (2025 թ․ հունվարի 18). «Trump launches crypto meme coin, ballooning net worth ahead of inauguration». Politico. Արխիվացված օրիգինալից 2025 թ․ հունվարի 18-ին. Վերցված է 2025 թ․ հունվարի 18-ին.
  50. ↑ Legaspi, Althea (2025 թ․ հունվարի 19). «Melania Trump Crypto Meme Coins Are Here Less Than 24 Hours Before Inauguration». Rolling Stone. Արխիվացված օրիգինալից 2025 թ․ հունվարի 20-ին. Վերցված է 2025 թ․ հունվարի 20-ին. {{cite magazine}}: Check |url= value (օգնություն)
  51. ↑ Conroy, J. Oliver (2025 թ․ հունվարի 31). «The Maga backlash against Trump's crypto grab: 'This is bad, and looks bad'». The Guardian.
  52. ↑ «Exclusive: Trump's meme coin made nearly $100 million in trading fees, as small traders lost money». Reuters (ամերիկյան անգլերեն). Արխիվացված օրիգինալից 2025 թ․ փետրվարի 25-ին. Վերցված է 2025 թ․ մայիսի 11-ին.
  53. ↑ Brichta, Maximilian (2025 թ․ հունվարի 30). «Why Trump's meme coin is a cash grab». The Conversation.
  54. ↑ Standard, The. «Trump coin pump and dump scheme fleeces supporters even before inauguration». The Standard (անգլերեն). Վերցված է 2025 թ․ հունվարի 22-ին.
  55. ↑ «Trump Meme Coins Are a Disaster in Waiting». Bloomberg.com (անգլերեն). 2025 թ․ հունվարի 22. Վերցված է 2025 թ․ հունվարի 22-ին.
  56. 1 2 Rogelberg, Sasha. «Thousands of investors in Trump's memecoin lost $2 billion in just weeks while the family and its partners racked up $100 million in trading fees». Fortune (անգլերեն). Վերցված է 2025 թ․ փետրվարի 14-ին.
  57. ↑ Lipton, Eric; Yaffe-Bellany, David (2025 թ․ փետրվարի 9). «Early Crypto Traders Had Speedy Profit on Trump Coin as Others Suffered Losses». The New York Times (ամերիկյան անգլերեն). ISSN 0362-4331. Վերցված է 2025 թ․ փետրվարի 14-ին.
  58. ↑ Alfred, Mark (2025 թ․ փետրվարի 27). «Silicon Valley lawmaker wants to make it illegal for Trump to hawk crypto». San José Spotlight. San Jose, California. Վերցված է 2025 թ․ մարտի 1-ին.
  59. ↑ Nicolle, Emily (2025 թ․ փետրվարի 26). «Counterfeits and Cult Murder: A Memecoin Family's Checkered Past». Bloomberg.
  60. ↑ «Comments of Hayden Davis». ԱՄՆ Արժեթղթերի և բորսաների հանձնաժողով.
  61. ↑ Okoya, David (2025 թ․ ապրիլի 12). «Melania Trump's Memecoin Sees Huge Sell-Offs As Team Quietly Cashes Out Millions In Community Funds». Benzinga.
  62. ↑ Garcia, Carlos; Weiss, Ben (2025 թ․ հոկտեմբերի 23). «Melania Trump memecoin team 'weaponized fame to disarm diligence' in sprawling crypto conspiracy, alleges court filing». Fortune.
  63. ↑ Pitcher, Jack (2025 թ․ նոյեմբերի 29). «Since Trump's Return, Bets on His Brand Have Soured». Wall Street Journal.
  64. ↑ «Trump, Crypto and a New Age of Corruption» (PDF). House Judiciary Committee Democrats. 2025 թ․ նոյեմբերի 24. Վերցված է 2025 թ․ նոյեմբերի 26-ին.
  65. ↑ «New Report Exposes the Trump Family's Multi-Billion-Dollar Crypto Empire, Fueled by Self-Dealing and Corrupt Foreign Interests». U.S. House Judiciary Committee. 2025 թ․ նոյեմբերի 25. Վերցված է 2025 թ․ նոյեմբերի 25-ին.
  66. ↑ MS Now (2025 թ․ նոյեմբերի 26). «Raskin on Trump family's crypto earnings: 'We're talking billions of dollars'». YouTube. Վերցված է 2025 թ․ նոյեմբերի 26-ին.

Մեջբերված աշխատանքներ

խմբագրել

Ընթերցանությանության համար

խմբագրել

Արտաքին հղումներ

խմբագրել
Ստացված է «https://hy.wikipedia.org/w/index.php?title=$Trump&oldid=10798731» էջից