Ayodhya Prasad, Fiji ke ek master, trade union ke neta aur politician rahaa. Uu 1937 me Fiji me ganna ke kisan ke pahila union, Kisan Sangh, ke suruu karis rahaa, jon ki 1940 me kisan log ke pahila dafe ganna ke ek contract dewais rahaa. Kisan Sangh ke dher support ke kaaran, Kisan Sangh ke taraf se kharraa karaa gais candidate 1937, 1940 aur 1950 me Legislative Council ke khatir ke election ke jiitis. Prasad, apne bhi 1953 aur 1956 me Legislative Council ke election me jiit ke Legislative Council me rahaa. 1941 me A. D. Patel, ke ek duusra union suruu kare ke kaaran Prasad aur Patel me ganna ke contract khatir aur Legiskative Council ke election khatir dusmani bhais. Uu kisan log ke karjaa se bachae ke khatir cooporative dukaan bhi khole ke kosis karis rahaa. Uske Alliance Party ke suruu kare me bhi haath rahaa aur uu ek party, National Congress of Fiji, ke suruu karis rahaa, jisse ki Hindustani log Alliance Party me duusra jaati ke sathe barabar rahe lekin ii nai hoe paais jab Vijay R. Singh, Indian Alliance suruu kar ke Alliance Party me Hindustani ke leader banaa. (aur...)
Aap janta hai...
Ratu Cakobau
1875 ke measles epidemic, jisme 20% Kaiviti logan mar gae rahin, ke Fiji me failae waala, Ratu Cakobau aur uske dui larrka logan rahin jon ki March 1875 me Sydney se ghuum ke lauta rahin.
1879 se lae ke 1916 tak, 42 jahaaj, 87 trip me 60,553 girmitya logan ke lae ke Fiji se aais rahaa. Isme se 45,439 log Calcutta se aur 15,114 log Madras se jahaaj me charrhin rahaa.
Fiji ke Legislative Council ke pahila Hindustani member Badri Maharaj rahaa, jiske Governor nominate karis rahaa aur jon 1917 - 1923 aur 1926 - 1929 tak Council ke member rahaa.
Fiji me pahila football competition Nasau Park, Levuka me 1924 me, Cession ke golden jublee celebrate kare ke time, chhe Kaiviti team ke biich me Ricarnie Cup khatir, khela gais rahaa.
Fiji ke Hindustani ke army me join kare ke khatir, 1934 me Indian Platoon banawa gais rahaa lekin iske 1940 me disband kar dewa gais rahaa.
Royal Air Force ke khatir fighter plane kharide ke khatir, 1943 me ek Fighter Fund suruu karaa gais rahaa, aur ii paisa se nau fighter aur paanch bomber kharida gais rahaa. Ek fighter ke naam Fiji Indian Fighter rahaa.
Fiji Trade Union Congress se pahile Ami Chandra, 1950s me Fiji Industrial Workers Congress suruu karis rahaa.
Fiji ke 1997 ke constitution me English aur Kaiviti ke saathe Hindustani ke Fiji ke official language banawa gais rahaa.
29 October - Fiji ke Deputy Prime Minister aur Minister of Finance, Biman Prasad rsign kar dis kaaheki uske FICAC corruption ke khaatir charge karis hae.
5 se 13 saal ke umar ke khaali 30% Hindustani larrkaa aur 5% Hindustani larrki school jaat rahin. Kaiviti logan logan mein ii sankhya 90% aur 80% rahaa.
Pahila Indian Native Medical School , nai to Suva Medical School (jon ab Fiji National University ke College of Medicine, Nursing & Health Sciences ke naam se jaana jaae hai) se teen saal ke padhai ke baad graduate bhais aur Indian Medical Practitioner (IMP) ke licence paais.
Penang Sugar Mill ke Melbourne Trust Company se C.S.R. Company kharid lis.
Hindu Maha Sabha Suva mein banaawa gais, jiske maksad Fiji ke sab Hindu group ke ek kare rahaa.
12 January – Then India Sanmarga Ikya Sangam (TISI Sangam) Nadi mein banaawa gais aur Sadhu Kuppuswami pahila president rahin.
25 January – Ek jahaj Fiji se India khatir niklis repatriate Indian log ke leke, jismein 701 Calcutta aur 487 Madras mein utarin.
5 June – Ba Methodist Mission Hospital khola gais, jismein dui ward rahaa aur har ward mein aath bed, ek theatre aur out-patient ke suvidha rahaa.
31 October – Fiji Muslim League ke Toorak, Suva ke Jame Mosque mein banaawa gais.
Ongo (Scientific naam: Sphyraena barracuda, English: Barracuda, Kaiviti: Ogo) ek rakam ke machhri hai jon ki samundar me pawa jaae hai. Ii 6 feet tak lamba rahe sake hai aur iske lage bahut tagatwar jaw hai.
