Ávila

Ávila


Bratach a' bhaile	Gearradh-arm no Seula

Suidheachadh

Dùthaich

An Spàinn

Ceàrn

Ávila

Sgìre

Castilla y León

Co-chomharran

40° 56' 43' Tuath
04° 07' 35' Ear

Feartan fiosaigeach

Farsaingeachd

231.9 km²

Àireamh-shluaigh

58,358 (2009)

Dlùths

251.65/km²

Àireamh fòn

+ 34 920

Duilleag oifigeil

Duilleag Oifigeil

’S e baile mòr faisg air Segovia ann an cridhe na Spàinne a th’ ann an Ávila (IPA: aβila). Tha e suidhichte aig 1,032m os cionn ìre na mara,^[1] 89km air falbh bho Mhadrid, prìomh-bhaile na Spàinne, agus 583km bho Bharcelona.^[2] Tha 58,358 daoine a’ fuireach ann an Ávila.^[3] A bharrachd air sin, ‘s e prìomh-bhaile na Roinne Ávila a th’ann cuideachd.

Freumhan an ainm

'S ann connspaideach 's a tha freumh-fhaclachd an ainm. Tha e coltach gur ann à Obila no Abula ann am punagais no Basgais a tha a' ciallachadh cnoc no crìoch.^[4] Dh'atharraich na Ròmanaich an t-ainm gu Abila/Abela ann an Laideann.^[5] A dh'aindeoin sin, tha cuid a' gràdh gur ann às a' Ghotais Awilô no Awila,^[6] ged nach eil mòran dhaoine a' gabhail ri sin.

Eachdraidh

B' e na Ceiltich o shean a stèidhich am baile, ged a bha e cudromach dha na Ròmanaich. Rinn Tariq Ibn Ziyad sgrios air a' bhaile ann an 714. Mar a b’àbhaist san Spàinn, chuireadh ainm a’ bhaile air an roinn nuair a chaidh a stèidheachadh ann an 1833.^[7] Thogadh am bàrd Seòras Santayana an seo. Thuit am baile dha na reubaltaich Faisisteach beagan an dèidh an ar-a-maich an aghaidh an Riaghaltais aig toiseach toisichidh Cogadh Sìobhalta na Spàinne ann an 1936.^[8]

Cruinn-eòlas

A rèir figearan an Riaghlatais, 's e an t-Iuchar a' mhìos as teotha agus 's e am Faoilleach a' mhìos as fhuaire ann an Ávila.^[9] Cha tuit ach 416mm de dh'uisge air a' bhaile fad na bliadhna - 647mm nas lugha na Steòrnabhagh - leis gur e àite àrd tioram a th' annː