Ourense

Ourense


Bratach a' bhaile	Gearradh-arm no Seula

Suidheachadh

Dùthaich

An Spàinn

Ceàrn

Ourense

Sgìre

A' Ghàilis

Co-chomharran

42° 20' Tuath
07° 52' Ear

Feartan fiosaigeach

Farsaingeachd

85.2 km²

Àireamh-shluaigh

104,596 (2021)

Dlùths

1,227.65/km²

Àireamh fòn

+ 34 988

Duilleag oifigeil

Duilleag Oifigeil

‘S e baile mòr air an àirde an iar-thuath na Spàinne a th’ ann Ourense (Gàilisis) neo Orense (Spàinntis). Tha Ourense suidhichte ann an Roinn Ourense, shuas air còmhnard àrd,^[1] aig 327m os cionn ìre na mara,^[2] ri taobh na h-aibhne Miño.^[3] Tha Ourense 403km air falbh bho Mhadrid, prìomh-bhaile na Spàinne, agus 83km bho Santiago de Compostela, prìomh-bhaile na Gàilise.^[4] Tha 104,596 daoine a’ fuireach ann an Ourense,^[5] an 3mh baile as motha ann an Galicia agus an 61 baile na Spàinne.^[6] A bharrachd air sin, 's e prìomh-bhaile na Roinne Ourense a th’ann Ourense cuideachd.

Freumhan an ainm

Tha e coltach gur ann à Auriense ann an Laideann a tha an t-ainm - a tha a' ciallachadh Baile an Òir. Tha eachdraidh nam mèinean òir faisg air a' bhaile a' gabhail ri sin. A dh'aindeoin sin, tha cuid ag ràdh gur ann à aquae urente (Gàidhlig: uisgeachan teth) no fiù' s Gearmailtis warmsee (Gàidhlig: loch blàth) a tha e.^[7]

Eachdraidh

Chuireadh ainm a’ bhaile air an roinn nuair a chaidh a stèidheachadh ann an 1833.^[8] Thuit am baile dha na reubaltaich Faisisteach beagan an dèidh an ar-a-maich an aghaidh an Riaghaltais aig toiseach toisichidh Cogadh Sìobhalta na Spàinne ann an 1936.^[9]