Fëdor Dostoevskij

Fëdor Michajlovič Dostoevskij (par rus Фёдор Михайлович Достоевский; Mosche, 11 di Novembar dal 1821 – Sant Pieriburc, 9 di Fevrâr dal 1881) al è stât un scritôr, filosof, saggist e gjornalist rûs.

Dostoevskij ritràt dal pitôr Vasilij Peróv (1872), Galerie Tret'jakov di Mosche.

Considerât un dai plui grancj e influents romanzîrs de leterature mondiâl, la sô opare e à esplorât la psicologje umane in te sô complessitât plui profonde, analizant lis tensions morâls, religjosis e filosofichis de condizion umane te Russie dal XIX secul. I sieis romançs plui famôs, come Prestepulenie i nakazanie ("Delit e cjastì") e Brat'ja Karamazovy ("I fradis Karamazov"), a son considerâts capolavôrs assolûts de narative universâl.

Biografie

Prins agns e formazion

Ospedâ Mariinskij a Mosche, lûc di nassite di Dostoevskij

Dostoevskij al è nassût a Mosche tal 1821, secont di vot fîs di Michail Dostoevskij, un om di origjin nobile, fî di un religjôs ortodòs  e di Marija Nečaeva, che vignive da une famee di cumierçants, dal caratàr legri e semplîç , che amave la culture e le musiche . So pari al era un om stravagant e autoritari che al lavorave come miedi militâr tal ospedâl par i puars di Mariinskij. La famee viveve tal ospedâl dulà che il pari al lavorave , e al è il lûc dulà il piçul Fëdor al crès , tal mieç di puars e malâts. Chest ambient lu infuençara une vore , soredùt par la soference dai juscj.

Mikhail Andreyevich Dostoyevsky, pari di Fëdor

Maria Fyodorovna Dostoyevskaya , mari di Fêdor

Dopo la muart de mari in tal 1837, Dostoevskij al è stât mandât dal pari a studiâ te Scuele Superiôr di Inzegnerie Militâr di San Pieri in Russie. Tal 1839, so pari al è muart in circostanzis misteriosis, probabilmentri assassinât dai sieis stès contadins par vie de sô crudeltât. Chest episodi al à segnât profondamentri la psiche dal zovin scritôr.

Il prin sucès e la condane a muart

Dostoevskij militâr tal 1859

In tal 1846, Dostoevskij al à publicât il so prin romanç, Bednye ljudi ("Puare  int"), che al è stât acolt cun entusiasim de critiche leterarie, in particolâr dal famôs critic Vissarion Belinskij, che al à saludât Dostoevskij come il gnûf talent de leterature russe.

I ntal 1849, par vie de sô partecipazion al "Circul Petraševskij" (un grup di zovins inteletuâls che si cjatave par ancje par fevelà di riformis sociâls e di utopîs socialistis), Dostoevskij al è stât arestât de polizîe dal zar Nicolau I di Russie. In tal dicembar dal stès an, insieme ai altris membris dal grup, al è stât puartât te place dal cjastiel par jessi fusilât. Dome un moment prìn dal spâr, la condane e è stade comutade dal zar in cuatri agns di lavôrs forzâts in te Siberie, seguîs di un periodi di servizi militâr obligatori. Cheste finte esecuzion e à causât un traume indelebî te sô vite.

La Siberie e la conversion spirituale

Dostoevskij tal 1863

I agns passâts tal cjamp di presonie di Omsk in Siberie (1850–1854) a son stâts di une durece straordenarie, ma a àn ancje trasformât profondamentri il so pensîr. In tal isolament e al cuntat cul patiment dai altris finis e dal popul rûs, Dostoevskij al à bandonât lis ideis utopichis de zoventût par cjatâ une profonde fêt in te figure di Jesù Crist e in te tradizion ortodosse.

Chestis esperiencis a son stadis contadis intal so romanç autobiografic Zapiski iz Mërtvogo doma ("Memoriis de cjase dai muarts", 1860–1862).

I grancj capolavôrs e la maturitât

Anna Grigor'evna, le seconde femine di Dostoevskij

Tornât a San Pieri in Russie, al à fondât cun so fradi Michail diviarsis rivistis leterarîs. In tal 1864 al à publicât Zapiski iz podpol'ja ("Memoriis dal sotieran"), un articul filosofic e narative fondamentâl par il disvilup dal esistenzialisim moderni.

I agns sucessîfs a son stâts marcâts di un grum di dificultâts economichis, ancje par vie de sô passion devastante par il zûc d'azart (roulette), esperience racontade in tal romanç Igro ("Il zujadôr", 1866). Par saldâ i  debits, Dostoevskij al à scrit cun grandissime vite il celebri Prestepulenie i nakazanie ("Delît e cjastì", 1866).

In tal 1867 al à sposât in secondis gnocis la sô zovane steno-dattilografe Anna Grigor'evna Snitkina, che e è deventade une figure fondamentâl par la sô stabilitât de vite e par la gjestion de sô cariere. In tai agns sucesîfs a son nassûts i sieis romançs plui impurtants: Idiot ("L'idiote", 1869), Besy ("I dimonîs", 1872) e la sô opare mestre finâl, Brat'ja Karamazovy ("I fradis Karamazov", 1880).

Ultins agns e muart

Tombe di Dostoevskij tall Cimitieri Tichvin.

In tal 1880, Dostoevskij al à pronunziât un celebri discors dedicât a Aleksandr Puškin, che al è stât acolt cun une ovazion e che lo à consacrât come la figure morâl e leterarie plui grande de Russie.

Al è muart a San Pieri in Russie tal fevrâr dal 1881 a 59 agns par vie di une emoragjie polmonâr leade a la sô emfisema. Al so funerâl a viodût le partecipazion di cetantis personis.

Pensîr e stîl leterari

Dostoevskji tal jet di muart 29 zenâr dal 1881

La narative di Dostoevskij e si distingue par la sô capacitât di penetrâ tes superficîs de psiche umane e par la nozion di polifonie (definide dal critic Michail Bachtin): i sieis personaçs no son dome figuris dal autôr, ma vôs autonomis che e rapresentin diviarsis visions dal mont e dilemis morâls.

I temis principâls dal so pensîr a son:

• Il libero arbitri e il pecjât: La capacitât de l'om di sielgi il ben o il mâl e la necessitât de redenzion par mieç dal patiment.
• La critiche dal nichilisim e dal razionalisim: La convinzion che la sole inteligence razionâl o lis ideologis ateîs no puedin risolvi la complessitât spirituâl de anime umane.

• La figure dal Crist: La bielece e la purece spirituâl come uniche salvece dal mont ("La bielece e salvarà il mont", frase celebre tirade fûr dal romanç L'idiot).

Oparis principâls

Romanç e novelîs

• Bednye ljudi ("Povere gjent", 1846)
• Dvojnik ("Il dopli", 1846)
• Netočka Nezvanova (1849)
• Zapiski iz Mërtvogo doma ("Memoriis de cjase dai morts", 1860–1862)
• Zapiski iz podpol'ja ("Memoriis dal sotieran", 1864)
• Prestepulenie i nakazanie ("Delìt e cjastì", 1866)
• Igrok ("Il zucadôr", 1866)
• Idiot ("L'idiot", 1869)
• Besy ("I dimonîs", 1872)
• Podrostok ("Il zovin", 1875)
• Brat'ja Karamazovy ("I fradis Karamazov", 1880)

Contis famôsis

• Belye noči ("Nots blancjis", 1848)
• Elka i svad'ba ("L'arbul di Nadal e la noze", 1848)
• Son smešnogo čeloveka ("Il sium d'un om ridicul", 1877)

Bibliografie

• Frank, Joseph (1976–2002). Dostoevsky (5 volums). Princeton University Press.
• Bachtin, Michail (1963). Problemy poėtiki Dostoevskogo ("Problemi de poetica di Dostoevskij").
• Troyat, Henri (1940). Dostoïevski. Fayard, Paris.

Leams esternis

• International Dostoevsky Society: http://www.dostoevsky.org/
• Project Gutenberg - Oparis di Fyodor Dostoevsky: http://www.gutenberg.org/ebooks/author/314