Põrgupõḣa vahtsõnõ Vanapakań
"Põrgupõh'a vahtsõnõ Vanapakań" om eesti kirämehe A. H. Tammsaare (perisnimi Hanseni Anton) viimäne romaań, mis ilmu 1939.
1940 sai kiränik taa iist Vabariigi Presidendi avvuhinna (II avvuhind).[1]
Romaani päätegeläne om Jürka, vanapakań ja Põrgupõh'a talo vahtsõnõ perremiiś. Tää pruuv́ Maal elläq ja samal aol õndsas saiaq, agaq timä elo ja ülesandõ täütmise tege keerolidsõs umakasupüüdjä Kavvaľ-Ants.
Tammsaare om esiq umma romaani seletänüq niimuudu: "Jah, või-ollaq edeotsan paistus teile, et seo raamadu kirotaja om hull, a ku tiiq edesi loetiq, sis saa teile selges, et seo lugõja om hull. Ja ku tiiq viil edesi loetiq, sis piäsiq teile selge olõma, et kõik maailm om hull."[2]
Kooniq 1954. aastagani es tiiäq lugõjaq, kas Jürka om periselt vanapakań. Sis löütiq perrearhiivist ede- ja lõppsõna, mis kiränik oll' otsustanuq vällä jättäq. Nuuq kinnüdiq, et Jürka om vanapakań.[3]
Teost om eesti tiatrin mitu kõrd vällä säet. Tuu perrä om ka filḿ tett (1964, uhjajaq Kromanovi Grigori ja Müürü Jüri) ni oopõŕ luud (viiemeistre Varrese Ardo Ran).[4][2]
Lätteq
toimõndaq- ↑ Meie Tammsaare. Kohtumisraamat kirjanikuga. A.H.Tammsaare muuseum, SA A.H.Tammsaare muuseum Vargamäel, 2014.
- 1 2 "Põrgupõhja uus Vanapagan", Rahvusteatri Vanemuine kodulehekülg, https://vanemuine.ee/repertuaar/porgupohja-uus-vanapagan/. Vaadatud 09.04.2026.
- ↑ "Tähtteose kiirkursus. A. H. Tammsaare "Põrgupõhja uus Vanapagan"", https://www.youtube.com/watch?v=RLBf4nNU46E. Vaadatud 09.04.2026.
- ↑ "Põrgupõhja uus Vanapagan" (1964), Eesti Filmi Andmebaas, https://www.efis.ee/film/748. Vaadatud 09.04.2026.