Jon Martin Etxebeste

Jon Martin Etxebeste
	;
Bizitza
Jaiotzako izen-deiturak	Jon Martin Etxebeste
Jaiotza	Oiartzun, 1981eko urriaren 16a (44 urte)
Herrialdea	Gipuzkoa, Euskal Herria
Familia
Haurrideak	ikusi Alaia Martin Etxebeste;
Hezkuntza
Hizkuntzak	euskara; gaztelania; frantsesa
Jarduerak
Jarduerak	idazlea, bertsolaria eta olerkaria
Jasotako sariak	ikusi Ikergazte saria (2019) ;

Jon Martin Etxebeste (Oiartzun, Gipuzkoa, 1981eko urriaren 16a) bertsolaria, idazlea, abeslaria eta literatura ikerlaria da. Kazetari eta gidoilari lanetan jarduten du Publizitatea eta Harreman Publikoan lizentziatua baita. Beira musika taldea ere badu.

2022ko Bertsolari Txapelketa Nagusian ETBko transmisioetan esatari moduan ibili zen Ilaski Serranorekin batera. Bertsoen ekarpenak baloratu eta azaldu zituen saio huetan: Elizondo, Donibane Garazi, Irun, Durango, Amurrio, Baiona, Bilbo eta Iruñea.^[1]

Literatura

'Ero' izeneko liburua argitaratu zuen 2008an. Erotasunari eta erokeriari buruzko 19 ipuin biltzen ditu Elkar argitaletxeko liburuak. 2007ko Igartza Saria irabazi izanaren ondorio izan zen liburu hau. 'Habana' liburua ere kalean du, Gero argitaletxearekin. 'Prakamotxetan' eta 'Bakoitzari berea' bertso-bildumetan erredaktore lanak egin ditu.

Bertsolaritza

Gipuzkoako azken bi bertsolari txapelketatan txapeldunorde eta hirugarren geratu da. 2005eko Euskal Herriko txapelketan finalerdietara iritsi zen, bai eta 2009an ere.

Bertsolari Txapelketa Nagusia:
- finalaurreak (4): 2005, 2009, 2013, 2017
Gipuzkoako Bertsolari Txapelketa:
- bigarren (1): 2003
- hirugarren (1): 2007
- finalista (3): 2003, 2007, 2011
- finalaurreak (1): 2015
Eskolartekoak:
- Euskal Herriko Eskolarteko Txapelketa (1): 1995 (txikitan)
- Gipuzkoako Eskolarteko Bertsolari Txapelketa (2): 1994 (txikitan), 1997 (handitan)

Literatura ikerlaria

EHUko Hizkuntzaren eta Literatura saileko ikerlaria da, LAIDA ikerketa taldeko kidea.

2019an Ikergazte kongresuko poster-aurkezpen onenaren sari jaso zuen, Giza Zientziak arloan "Loreak, landareak, zuhaitzak Xabier Leteren kantagintzan" artikuluarengatik.^[2] Agirreren ustez, Xabier Letek industrializazioak ekarri zuen alienazioaren aurkakotzat jotzen du natura, purutasunaren islatzat dauka. Natura indar bizi bat da Leteren obran eta eraldaketarako duen gaitasunak txunditzen du batez ere. Eraldaketa horrek iragankortasuna ere seinalatzen du. Letek bere existentziaren hutsaltasuna adierazten du maiz zuhaitzen betierekotasunarekin kontrastean; natura elementu menderakaitza da eta aldi berean gizakiaren behar guztiak asetzeko kapaz da. Ikuspuntu ekologista baino, naturarekiko maitasun sakon bat adierazten dute bere letrek. Loreek txunditzen zuten Lete eta haien edertasuna miresten zuen. Bizitzaren metafora gisa erabiltzen ditu gehienetan bere lanean. Gordetzen duten sekretua bistaratzeko zaindu beharreko izakiak dira loreak; egoki tratatu ezean zimelduko diren altxorrak.^[3]

Liburuak

"Xabier Lete: bertsorik sakonena". (Leteren bizitza eta obraren azterketa). Euskal literatura saila 25. EHU (2023).^[4]^[5]

"Lurdes Iriondo, Isilarazitako Ahotsa" (Eusko Jaurlaritzako 'Berdintzen' beka) Eusko Jaurlaritzaren Argitalpen Zerbitzu Nagusia (2024).^[6]^[7]

Diskografia

"Moskutik Lezotira". (Oiartzungo bertso-eskola eta "Bakardadeak" abestia).
"Euskararen itotiyak". "Pianojolearena" abestia
Beira musika taldearekin:
- Dena ez denean ezer (2013, Lanku)
- Margotu berria (2016, Baga-Biga)
- Braillean (2017, autoekoizpena)

Sariak

2003: Abra bertsolari saria
2019: Ikergazte kongresuko poster-aurkezpen onenaren saria, Giza Zientziak arloan "Loreak, landareak, zuhaitzak Xabier Leteren kantagintzan" artikuluarengatik.^[2]

Erreferentziak

↑ Serrano, Ilaski. (2022-12-18). «Plazer hutsa izan da Jon! Luxua! Elizondo, Donibane Garazi, Irun, Durango, Amurrio, Baiona, Bilbo eta Iruñea. Milesker zure eskuzabaltasunagatik!!!» Twitter (kontsulta data: 2022-12-18).
1 2 «Ikergazte kongresuko sariak banatu dituzte — Unibertsitatea.Net» www.unibertsitatea.net (kontsulta data: 2019-06-04).
↑ Martin, Jon. (2019-05-27). «Landareria Xabier Leteren kantagintzan. III. Ikergazte. Nazioarteko ikerketa euskaraz. Kongresuko artikulu bilduma. Giza Zientziak eta Artea :: denda :: Udako Euskal Unibertsitatea» www.ueu.eus (kontsulta data: 2019-06-04).
↑ (Gaztelaniaz) «xabier lete - bertsorik sakonena. Jon Martin Etxebeste. Elkar.eus» www.elkar.eus (kontsulta data: 2024-01-20).
↑ Erik, Gartzia(e)ko. (2024-01-19). ««Bertsolaritzari Letek egin zion ekarpena brutala da»» Oarsoaldeko Hitza (kontsulta data: 2024-01-20).
↑ LURDES IRIONDO, ISILARAZITAKO AHOTSA - JON MARTIN ETXEBESTE - 9788445737958. (kontsulta data: 2026-01-30).
↑ Sarasola, Ainhoa. (2025-03-02). «Lurdes Iriondo, argia galdu zuen izarra» Berria (kontsulta data: 2026-01-30).

Kanpo estekak

Datuak: Q11685251

[1] Serrano, Ilaski. (2022-12-18). «Plazer hutsa izan da Jon! Luxua! Elizondo, Donibane Garazi, Irun, Durango, Amurrio, Baiona, Bilbo eta Iruñea. Milesker zure eskuzabaltasunagatik!!!» Twitter (kontsulta data: 2022-12-18).

[:0-2] 1 2 «Ikergazte kongresuko sariak banatu dituzte — Unibertsitatea.Net» www.unibertsitatea.net (kontsulta data: 2019-06-04).

[3] Martin, Jon. (2019-05-27). «Landareria Xabier Leteren kantagintzan. III. Ikergazte. Nazioarteko ikerketa euskaraz. Kongresuko artikulu bilduma. Giza Zientziak eta Artea :: denda :: Udako Euskal Unibertsitatea» www.ueu.eus (kontsulta data: 2019-06-04).

[4] (Gaztelaniaz) «xabier lete - bertsorik sakonena. Jon Martin Etxebeste. Elkar.eus» www.elkar.eus (kontsulta data: 2024-01-20).

[5] Erik, Gartzia(e)ko. (2024-01-19). ««Bertsolaritzari Letek egin zion ekarpena brutala da»» Oarsoaldeko Hitza (kontsulta data: 2024-01-20).

[6] LURDES IRIONDO, ISILARAZITAKO AHOTSA - JON MARTIN ETXEBESTE - 9788445737958. (kontsulta data: 2026-01-30).

[7] Sarasola, Ainhoa. (2025-03-02). «Lurdes Iriondo, argia galdu zuen izarra» Berria (kontsulta data: 2026-01-30).

[1]