Frank Patterson
Frank Patterson (Clonmel, Irlanda, 1938ko urriaren 5a - New York, Ameriketako Estatu Batuak, 2000ko ekainaren 10a) irlandar tenor ospetsua izan zen. Bere ospea nazioarteko mailan zabaldu zen, John McCormack eta Josef Locke mailako abeslarien tradizioa jarraituz. Urrezko, platinozko eta zilarrezko diska ugari jaso zituen.[1] Musika klasikoari eta irlandar tradizionalari eskainia, Patterson irlandar folklorearen ikono bihurtu zen Estatu Batuetan. «Irlandako urrezko tenorea» izengoitia jaso zuen. Bere karrerak Etxe Zurian, Estatu Batuetako Kapitolioan eta Londresko Royal Albert Hallen abestera eraman zuen, besteak beste, Ronald Reagan, Bill Clinton eta Joan Paulo II.aren aurrean.[2]
| Frank Patterson | |
|---|---|
 | |
| Bizitza | |
| Jaiotza | Clonmel, 1938ko urriaren 5a |
| Herrialdea |  Irlandako Errepublika |
| Heriotza | New York, 2000ko ekainaren 10a (61 urte) |
| Hobiratze lekua | Saint Patrick's Cemetery (en)  |
| Jarduerak | |
| Jarduerak | opera abeslaria eta zinema aktorea |
| Jasotako sariak | |
| Genero artistikoa | opera mélodie (en) oratorioa |
| Ahots mota | tenorra |
| Musika instrumentua | ahotsa |
| Diskoetxea | RCA Records Philips Philips Classics Records (en) |
     | |
Tenore gisa, bakarkako ibilbide handia egin zuen, eta hogeita hamar album baino gehiago grabatu zituen, behin salmenta kopuruari dagokionez Luciano Pavarotti gaindituz. Londresko Orkestra Sinfonikoarekin eta Parisko Orkestrarekin ere lan egin zuen, besteak beste.
Irlandako Raidió Teilifís Éireann irratian programa bat aurkeztera iritsi zen Patterson, eta antzerkian eta zineman ere parte hartu zuen. Zineman, Bartell D'Arcy tenorearen papera egin zuen John Hustonen azken lanean, The Dead.[3]
New Yorkeko Memorial Sloan Kettering Cancer Centeren hil zen, 61 urte zituelarik.
Zineman
aldatuPattersonek film desberdinetan lan egin zuen:
- 1987an, John Hustonen The Dead, James Joyceren Dublindarrak narrazioen moldaketan. Filman Bartell D'Arcyren papera egin zuen, «The Lass of Aughrim» kanta abestuz.[4]
- 1990ean, Coen anaien Miller's Crossing filman parte hartze handia izan zuen; bi abesti interpretatu zituen: «Danny Boy» eta «Goodnight Sweetheart».[5]
- 1996an, Neil Jordanen Michael Collins filman «jatetxeko tenorea»ren papera egin zuen, «Macushla» abestuz.[6]
- 2002an: Martin Scorseseren Gangs of New York filman «Dan Tucker» abestiaren grabazioa erabili zen.[7]
Erreferentziak
aldatu- ↑ https://www.independent.ie/irish-news/tributes-pour-in-for-tenor-frank-patterson/26115766.html
- ↑ https://www.nytimes.com/2000/06/13/arts/frank-patterson-61-tenor-charmed-ireland-and-the-world.html
- ↑ https://www.youtube.com/watch?v=8YYjFsOY8jY&list=RD8YYjFsOY8jY&start_radio=1
- ↑ http://www.imdb.com/title/tt0092843/fullcredits#cast
- ↑ http://www.imdb.com/title/tt0100150/soundtrack
- ↑ http://www.imdb.com/title/tt0117039/soundtrack
- ↑ http://www.imdb.com/title/tt0217505/soundtrack
Kanpo estekak
aldatu- (Gaztelaniaz):Paterson IMDb webgunean.
- (Ingelesez):Frank Paterson Youtube webgunean.
Datuak: Q5488918
Multimedia: Frank Patterson (tenor) / Q5488918