Arabiar Iraultza

Arabiar Iraultza Otomandar Inperioaren aurkako matxinada bat izan zen, Siriatik Yemeneraino zabaltzen zen estatu arabiar bat sortzea helburu zuena. Bi urte iraun zituen, 1916tik 1918ra eta denbora labur horretan erreinu arabiar bat ekarri zuen, geroago zatiketa kolonialak ordezkatu zuena.

XX. mendearen hasieran turkiarrak eta arabiarrak Otomandar Inperioko etnia nagusiak ziren. Azken horiek, ordea, iraultza kulturala hasi berri zuten eta kontzientzia nazionala hartu. Lehen Mundu Gerratea astean, Otomandar Inperioak Alemaniaren alde egin zuen. Aldiz, Britania Handiak Otomandar Inperioaren aurka lagundu ezkero, estatu arabiar bat sortzen lagunduko zuela zin egin zien arabiarrei. Arabiarren laguntza ezinbestekoa izan zen aliatuentzat. Guda amaitutakoan, Otomandar Inperioa desegin egin zen eta estatu arabiarra aldarrikatu zen, baina aliatuek traizio egin zieten eta lurralde osoa Britania Handia eta Frantziaren artean banatu zuten. Gainera, Palestinan estatu judu bat sortzeko asmoa erakutsi zuten.

Iraultza hori famatua da Lawrence of Arabia filmagatik; bertan, T. E. Lawrence militar, arkeologo eta idazlearen biografia azaltzen da.

Kanpo estekak

(Ingelesez) The Revolt in Arabia

Datuak: Q239060
Multimedia: Arab Revolt / Q239060