Svarogo
slava dio
Svarogo (malnovruse: Сварогъ, Соварогъ) estas slava dio. Iuj esploristoj opinias ke li estas la fajra dio-forĝisto, simila al la greka dio Hefesto. Iuj pensas ke Svarogo estas la supera dio de la orientaj slavoj. Iuj opinias ke Svarogo kaj Svaroĵiĉo estas la sama dio.
| Svarogo | |
|---|---|
| |
| fajrospirito dio de slava mitologio 
| |
| Informoj | |
| Originala nomo | Swaróg |
| Sekso | vira |
| Posedaĵo | Raróg |
| Infanoj | Peruno • Svaroĵiĉo • Dažbog |
Mencioj
redakti- Svarog (Svarogo) estas menciita en la antikva rusa Komenca kroniko, en la slava traduko de fragmento de "Kronografio" de Johano Malalaso. La slava kronikisto tradukis tiel la nomon de la greka dio Hefesto.[1]
- La vorto "svarog" el la antikva rusa lingvo konserviĝis en la nuntempa novgoroda dialekto. Ĝi havas signifojn "fajro", "klaĉulo" kaj "grilo". [2]
Etimologio
redaktiEstas kelkaj diversaj versioj de etimologio de nomo "Svarog":
- La nomo "Svarog" originas de la slava radiko "вар", kiu havas signifon "fajro, ardo". Komparu la rusa vorto "варить" ("bolkuiri").
- La nomo "Svarog" estas parenca al rusaj vortoj "свар(а), сварливый" ("kverelo, kverelemo").
- La nomo "Svarog" estas parenca al vortoj "svargas" ("ĉielo" - en antikvan hindan), "gi-swere" ("fulmotondraj nubaj" - malnovaltgermana), "sweore" ("tenebro, nuba ĉielo" - anglosaksa).[3]
Referencoj
redakti- ↑ ruse: Станислав Каменев. Славянские вставки в переводе Иоанна Малалы и мифотворчество.
- ↑ ruse: Словарь русских народных говоров. Выпуск 36. С.-Пб.: Наука, 2002. Стр. 214.
- ↑ ruse: Ишутин А. А. Восточнославянские боги и их имена.