Sanja

Sanja per simpligita ĉina skribo 三亚, per tradicia ĉina skribo 三亞, per pinjino Sānyà, laŭ poŝto Samah estas prefektujnivela milionurbo, ankaŭ marhaveno kaj feria urbo en provinco Hajnano en Ĉina Popola Respubliko. Laŭvorta signifo de la loknomo estas "Tria sub la dua".

Sanja
departemento-ranga urbo vd
Administrado
Ĝemelurboj Benito Juárez (komunumo en Quintana Roo) (2010–) Cancún (2010–) Cannes Ĥabarovsk vd
Poŝtkodo	572002
En TTT	Oficiala retejo [+]
Demografio
Loĝantaro	1 031 396  (2020) [+]
Loĝdenso	537 loĝ./km²
Geografio
Geografia situo	18° 15′ N, 109° 30′ O (mapo)18.253333333333109.50361111111 [+]
Areo	1919,6 km² ( 191 960 ha) [+]
Horzono	UTC+08:00 [+]
Sanja (Ĉinio) DEC Situo de Sanja
Alia projekto
Vikimedia Komunejo Sanya [+]

Pontoj en Sanja

Loĝantaro

En 2020 la prefektujnivela loĝantaro estis 1 031 396 homoj.

Geografio

Rivero Sanja

La prefektujnivela urbego situas ĉe la suda pinto de la Insulo Hajnano sur la samnomaj golfo kaj rivero inter malaltaj montoj kaj la Sudĉina Maro. Ĝi kuŝas sur areo 1920 km² kun marbordo kaj administras 4 dividojn.

Historio

La areo estis konata en antikvaj tempoj laŭvorte "klifa ŝtato", foje "la fino de la ĉielo kaj oceano" aŭ "la fino de la tero". Ties historio datiĝas de la dinastio Qin. Pro ĝia malproksimeco de la politikaj centrojrezultis tion, ks la urbo funkciis kiel ekziloloko por oficistoj, kiuj trovis sin malfavoraj ĉe la regantoj de la lando. Sanja estis oficiale establita kiel prefektujnivela urbo la 30-an de decembro 1987.

Ekonomio

Hotelo

Sanja estas grava turisma celloko kun pluraj grandskalaj feriejoj kaj enhavas koralan rifon (nacian protektitan naturrezervejon). Feniksa artefarita insulo kun luksaj feriejoj kaj hoteloj troviĝas en la golfo Sanja. La turismon kompletigas la komercado.

Edukado

Publika kaj sendependa universitatoj funkcias en la prefektujnivela urbego.

Trafiko

Stacidomo

Sanja estas alirebla voje, trajne, flugmaŝine kaj ŝipe. La flughaveno estas internacia, la marhaveno estas ankaŭ signifa armea bazo. Ene de la urbo taksioj estas haveblaj, krome aŭtobusoj liveras la pasaĝerojn. Estas ankaŭ senpaga buso al la senimposta butikcentro, la plej granda tia centro en Ĉinio. Ekde 2019 jan ankaŭ tramo trafikas.

Klimato

La klimato estas tropika malseka kaj seka klimato laŭ la klimata klasifiko de Köppen: Aw kun tre varma vetero tutjare. La musonaj influoj estas fortaj kun relative longa pluvsezono. La jara averaĝa temperaturo estas 26,5 °C kaj varias inter 24-30 °C. La akvotemperaturoj restas super 22 °C tutjare. Jare averaĝe pluvas 1418 mm, en ĉiuj monatoj pluvas, dum kulminas aŭguste kaj septembre.

Bildoj pri Sanja

Aĉetstrato

Plaĝo

Templo

Moskeo

Vidindaĵoj

• pluraj preĝejoj
• granda Budha statuo

Ĝemelurboj

• Alhambra (Kalifornio) en Usono (1994)
• Lapu-Lapu en Filipinoj (1997)
• Cannes en Francio (1997)
• Sogvipo en Sud-Koreio (2008)
• Cancún en Meksiko (2010)
• Ĥabarovsk en Rusio (2011)
• Blackpool en Unuiĝinta Reĝlando (2016)
• Ĝorĝtaŭno (Penango) en Malajzio (2017)
• Dubrovnik en Kroatio (2013)

Fontoj

• WikiTrans