Choluteca

Choluteca [ĉoluTEka], oficiale nomita Ciudad de Choluteca estas urbego kaj municipo, ankaŭ ĉefurbo de la samnoma departemento Choluteca en Honduro. La loknomo signifas tribonomon de lokaj indianoj.

Choluteca
urbego municipo de Honduro vd
Flago	Blazono
Administrado
Lando	Honduro
Departemento	departemento Choluteca
Kodo laŭ ISO 3166	HN-CH
Demografio
Loĝantaro	152 519  (2013) [+]
Loĝdenso	142 loĝ./km²
Geografio
Geografia situo	13° 18′ N, 87° 12′ U (mapo)13.3061-87.195563888889 [+]
Alto	40 m [+]
Areo	1072 km² ( 107 200 ha) [+]
Horzono	UTC−06:00 [+]
Choluteca (Honduro) DEC Situo de Choluteca
Alia projekto
Vikimedia Komunejo Choluteca [+]

Strato en Choluteca

Demografio

En 2022 municipo Choluteca havis loĝantaron de 175 056, dum la urbego 115 906.

Geografio

La urbego situas 54 metrojn super la marnivelo sur ebenaĵo laŭ la maldekstra bordo de samnoma rivero Choluteca 35 kilometrojn de marbora feriejo Cedeño kaj 133 kilometrojn sude de la ĉefurbo Tegucigalpo. Honduro kaj Salvadoro estas ne tro for.

Historio

Choluteca apartenas al la malnovaj urboj de la lando. Hispanoj fondis la komunumon en 1535 sub nomo Jerez de la Frontera Choluteca. Ĝi ricevis urbostatuson en 1845. Inundoj dum la Uragano Mitch en 1998 kaŭzis signifajn damaĝojn en la urbo.

Ekonomio

Tiu urbo estas unu el la ekonomie evoluintaj regionoj de Honduro. La agrikulturo produktas sukerojn, melonojn, akvomelonojn, gombojn, batatojn, kotonojn, kafojn, sezamojn, maizojn bovaĵojn kaj fiŝaĵojn. La malgranda industrio konsistas el ledo-, saliko- kaj ligno-prilaboroj. Choluteca estas grava transitpunkto sur la Tut-Amerika Ŝoseo kiel la sola grava hondura urbo, eĉ ĝi iĝis regiona centro de suda Honduro.

Trafiko

Motoro de la trafiko estas la menciita Tut-Amerika Ŝoseo, krome gravas vojo al la oceano kaj ekzistas ankaŭ aliaj vojoj al la lando. Nehazarde signifa busstacidomo funkcias en la urbego, krome flughaveno, kiu, ekde 2022 ne havas komercajn servojn. Arka pendoponto konstruita en la 1930-aj jaroj transiras la riveron.

Pendoponto de Choluteca

Klimato

Choluteca havas varman duonaridan klimaton laŭ klimata klasifiko de Köppen (BSh), tendencante al tropika savana klimato (Aw) kun varmaj tagaj temperaturoj tutjare. Jare pluvas averaĝe po 772 mm, inter majo-oktobro pli ofte pluvas, inter januaro-marto praktike ne pluvas. La jara averaĝa temperaturo estas 29 °C kaj varias inter 23-35 °C.

Vidindaĵoj

Multaj konstruaĵoj konserviĝis en la urbego ekde la kolonia periodo, ne nur la preĝejoj.

Famuloj

en:José Cecilio del Valle naskiĝis en Choluteca.

Fontoj

• WikiTrans

• Banko
• Konstruaĵo "Chorotega"