Adam Beach

C'l artìcul chè 'l è scrit in Miranduléś

Adam Ruebin Beach (Ashern, 11 ad Nuvémbar dal 1972, a s lèś [ˈædəm biːtʃ] in ingléś), 'l è 'n atōr canadéś, natìṿ americàṅ dal grup di Saulteaux.

Biugrafìa

Uriginàri dla pruìnsa canadéśa dal Manitòba, Adam Beach 'l è carsû c'n i sò dū fradèi in dla risèrva Dog Creek First Nations Reserve su 'l Lâg Manitòba. Quànd al gh'iva òt an, sò màdar Sally, insìnta 'd òt méś, l'à pardû la vita dòp èsar stada misa sóta da 'n guidadōr imbariàg. La dóna la psiva èsar salvàda ma l'ambulànsa la n è minga andàda a tōr-la parchè la n vliva minga entràr in dla risèrva. Òt stmani dòp al baghét 'l à pardû anc sò pàdar puòs Dennis, mòrt andgâ, a n è mia ciàr s'a s è tratâ dna daśgràsia o 'd un suicìdi.

Adam e i sò fradèi i èṅ andâ a vìvar prima da na sò nunóna e pò da di sò sîṅ a Winnipeg. In séguit Beach 'l à studiâ art dramàtica a la Gordon Bell High School par pò far i sò prim pas da atōr a teàtar, dvintànd anc al respunsàbil dal Manitoba Theatre for Young People.

A daśdòt an 'l à recitâ na part cica in dla film par la televiśiòṅ Il richiamo del grande nord par pò lauràr anc a 'l cìnema. In di an Nuànta a 'l ém vist in dal biugràfic Il guerriero del falco (1994) e in dla cumèdia dramàtica Mistery, Alaska (1999) a fiànc ad Russell Crowe, ad Burt Reynolds e dla Lolita Davidovich. In chi an lè 'l à tòlt part anc a soquànti puntàdi di telefìlm North of 60, Walker Texas Ranger e Colomba solitaria.

In di an Dumìla a s 'l arcurdém tut par la part dal natìṿ americàṅ ciamâ Ala ch'la tira i cals in dla cumèdia Le avventure di Joe Dirt (2001), rōl ch'al farà incóra in dal 2015 cun Joe Dirt 2 - Sfigati si nasce, e par qvéla 'd Ben Yahzee in dal film ad guèra cun Nicolas Cage Windtalkers, in du 'l à pasâ siē méś p'r imparàr a dascórar in dla léngua di Navajo. In séguit 'l à laurâ in dal fantasientìfig Big Empty - Tradimento fatale (2003), in dal thriller 'd asiòṅ Four Brothers - Quattro fratelli (2005), cun prutagunìsta Mark Wahlberg, e in dal film ad guèra ad Clint Eastwood Flags of Our Fathers in dla part dal suldâ Ira Hayes.

Fra i sò ùltim lavōr a 'l cìnema a psém nutàr al western fantasientìfig Cowboys & Aliens (2011), a fiànc ad Daniel Craig e 'd Harrison Ford, al film 'd asiòṅ Ice Soldiers (2013), in còpia cun Dominic Purcell, al drama spurtìṿ A Fighting Man (2014), cun Dominic Purcell, James Caan, la Famke Janssen e Michael Ironside, 'l aventuróś Suicide Squad (2016), insém a Will Smith e a Jared Leto, e The New Mutants (2020), pelìcula trata da 'n fumét dla Marvel Comics in dua 'l à fat la part dal pàdar dla Danielle Moonstar alias Mirage.

Fra 'l série televiśìvi cun lò dèntar a gh'ém da numinàr Il tocco di un angelo, Hawaii Five-0, JAG - Avvocati in divisa, Law & Order - Unità vittime speciali (in dla part dal detective Chester Lake) e Arctic Air.

Beach al gh'à abû dū fiōi, Luke e Noah, da sò mujēr Meredith Porter e anc na fiōla ciamàda Phoenix da na relasiòṅ più vècia cun la Summer Tiger.

Filmugrafìa

1990 - Il richiamo del grande nord (Lost in the Barrens), regìa ad Michael J.F. Scott - Film TV
1993 - Cadillac Girls, regìa ad Nicholas Kendall
1993 - Spirit Rider, regìa ad Michael J.F. Scott - Film TV
1994 - Dance Me Outside, regìa ad Bruce McDonald
1994 - Il guerriero del falco (Squanto: A Warrior's Tale), regìa ad Xavier Koller
1995 - A Boy Called Hate, regìa ad Mitch Marcus
1996 - Coyote Summer, regìa ad Matias Alvarez
1998 - Smoke Signals, regìa ad Chris Eyre
1999 - Mistery, Alaska, regìa ad Jay Roach
1999 - Little Boy Blues, regìa ad J. David Gonella
2000 - The Last Stop, regìa ad Mark Malone
2000 - Harry's Case, regìa ad Stephen Williams - Film TV
2001 - Song of Hiawatha, regìa ad Jeffrey Shore
2001 - Le avventure di Joe Dirt (Joe Dirt), regìa dla Dennie Gordon
2001 - The Art of Woo, regìa dl'Helen Lee
2002 - Windtalkers, regìa ad John Woo
2002 - Now & Forever, regìa ad Bob Clark
2002 - Posers, regìa dla Katie Tallo
2002 - Skinwalkers, regìa ad Chris Eyre - Film TV
2003 - Big Empty - Tradimento fatale (The Big Empty), regìa ad Steve Anderson
2003 - Cowboys and Indians: The J.J. Harper Story, regìa dla Norma Bailey - Film TV
2003 - Il ladro del passato (A Thief of Time), regìa ad Chris Eyre - Film TV
2003 - Leggende Navajo (Coyote Waits), regìa ad Jan Egleson - Film TV
2004 - Sawtooth, regìa 'd Andreas Kidess
2005 - Four Brothers - Quattro fratelli (Four Brothers), regìa ad John Singleton
2005 - Johnny Tootall, regìa dla Shirley Cheechoo - Film TV
2006 - Bottoms Up, regìa 'd Erik MacArthur
2006 - Flags of Our Fathers, regìa ad Clint Eastwood
2007 - Luna: Il grande spirito (Luna: Spirit of the Whale), regìa ad Don McBrearty - Film TV
2007 - L'ultimo pellerossa (Bury My Heart at Wounded Knee), regìa 'd Yves Simoneau - Film TV
2008 - Segreti dal passato (Older than America), regìa dla Georgina Lightning
2010 - Donkey, regìa 'd Adrian Langley
2010 - The Stranger - Lo straniero (The Stranger), regìa ad Robert Lieberman
2010 - The Stepson, regìa 'd Anthony Lefresne - Film TV
2011 - A Warrior's Heart, regìa ad Michael F. Sears
2011 - Cowboys & Aliens, regìa ad Jon Favreau
2012 - September Runs Red, regìa ad Dan Forgues
2012 - Path of Souls, regìa ad Jeremy Torrie
2013 - Crook, regìa 'd Adrian Langley
2013 - Ice Soldiers, regìa ad Sturla Gunnarsson
2014 - A Fighting Man, regìa ad Damian Lee
2014 - The Road to Tophet, regìa ad Steve Schmidt
2015 - Il labirinto del Grizzly (Into the Grizzly Maze), regìa ad David Hackl
2015 - Joe Dirt 2 - Sfigati si nasce (Joe Dirt 2: Beautiful Loser), regìa ad Fred Wolf
2015 - Diablo, regìa ad Lawrence Roeck
2016 - Suicide Squad, regìa ad David Ayer
2017 - The Watchman's Canoe, regìa dla Barri Chase
2017 - Hostiles - Ostili (Hostiles), regìa ad Scott Cooper
2017 - Juliana & the Medicine Fish, regìa ad Jeremy Torrie
2017 - Monsters of God, regìa ad Rod Lurie - Film TV
2019 - Juanita, regìa ad Clark Johnson
2020 - The New Mutants, regìa ad Josh Boone
2020 - Monkey Beach, regìa dla Loretta Todd
2020 - Il processo Percy (Percy), regìa ad Clark Johnson
2020 - The Unhealer - Il potere del male (The Unhealer), regìa ad Martin Guigui
2021 - Il potere del cane (The Power of the Dog), regìa dla Jane Campion
2021 - Il canto del cigno (Swan Song), regìa ad Benjamin Cleary
2023 - Hey, Viktor!, regìa ad Cody Lightning
2023 - Exile, regìa ad Jason James
2024 - The Island Between Tides, regìa 'd Austin Andrews e 'd Andrew Holmes
2024 - The Birds Who Fear Death, regìa ad Sanjay Patel

Culegamènt estéran

(IT) La sò paśna su 'l IMDb

Àtar prugèt

Wikimedia Commons contiene file multimediali su Adam Beach