Aluɛlweŋ
Aluɛlweŋ ee lɛ̈i de Apirïka. Kuat yic bɛ̈t acï kuanyic. Keye lɛ̈idït, bɛ̈ɛ̈r ë aluɛlweŋ ee cït 1m tɔ̈ kët, ku bɛ̈rëkɔ̈u akuënciɛl de nhom ku guop ee cït 200 ɣet 250cm. Athiɛkde ee 100 ɣet 200 kg. Ŋuöt ku muɔr kedhie de kuatde ëbɛ̈n aa lɔŋ tuŋ, ku käŋ ŋuöt aa thoi. Bɛr ë tuŋ ee 45 – 70cm.
.jpg)
| Taxon name | Alcelaphus buselaphus  |
|---|---|
| Taxon rank | species |
| Parent taxon | Alcelaphus |
| Taxon synonym | Alcelaphus lichtensteinii |
| Original combination | Antilope buselaphus |
| IUCN conservation status | LC |
Aluɛlweeŋ aa cath në duut lɔŋic läi 20 ɣet 300. Keek acïï kaŋ jöl. Keek aa lac nyuɛth, ku miɛ̈thdendït aaye wal. Muɔr ku ŋuöt kedhie aa thök nyïnyëpïrtueŋ ruɔ̈n tök lɔ rou. Kölliec ee pɛi kabɛ̈t lɔ kadhoŋuan, ku dhiëth menh tök a käl. Dhiënhden ee jal dït möi. Piërden ee ruɔ̈n 12 ɣet 15.
Ke ceŋ baknɔŋtiim tënɔŋ deŋ lik ku bakënoon tënɔŋ tiim, aluɛlweeŋ aa lac kök gɔɔk tɔ̈ cë deŋ tueny cök. Acï luɛɛl ɣɔn keek aaceŋ thöny Kurdït Kenya agut 4,000 m. Aluɛlweŋ wärthɛɛr ee kä cë thiëi piny Apirëka, Ku ëmënë kuötde acë lɔ kä thuöl wët ye teden ye kek rëër thïn riäk, yäp, kök ë kɔc, ku jɔl yaa tëër miith kekë läiyemac. Aluelweŋ acë thuum pan Aljiria, Ejipt, Lethotho, Libia, Moroko, Thomalia ku Tunithia; kuyen acï bɛ̈i pan Thawadhilan ku Dhimbabwe. Ee län cï lac yäp wët riŋden mit.