Highlife

Highlife e la Ghana deme paaloŋ yieluŋ bɔgere kaŋa naŋ piili coastal tembilee kaŋa na ŋ be a Ghana poɔ, ka pampana ka ba boɔlɔ o Ghana, saadayel wuli ka a saŋa na a British naŋ da kaara bee a di naaloŋ a kyɛ, a yieluŋ bɔgere ŋa pãã meele nela a Afrikan ane a Western jazz kɔkɔɛ. A yieluŋ bɔgere ŋa  de la a Afrika saaŋkompare yiele, kyɛ ka ba pãã maŋ de a Western paaloŋ boŋŋmeɛre a maale a yiele ama. Highlife yieluŋ meɛroŋ la jazzy horns ane guitars, ama la maŋ de ne weɛŋ a gaŋgaa, a nubie ayi la maŋ ŋmeɛrɛ ne a guitar mie, a ŋaa e la a Afrikan Yiele ŋmeɛbo. A yi a 2010 yuomo naŋ pare poɔ, a zuo a zaa a 2018 yuoni poɔ, o yuori da zɛge la do saa ka a tendaazaa nyɛ o kyɛ de.

highlife

music genre

Aŋa yitaalombile	Wɛse Afirika Yiele
Piiluu	1965
Bezie	Greater Accra Region
Country of origin	Ghana
Intangible cultural heritage status	National Register – Intangible Cultural Heritage of Ghana, Representative List of the Intangible Cultural Heritage of Humanity

Highlife yieluŋ ama de la yuori paale a west Afrikan paaloŋ poɔ zaa. A bnaŋ naŋ piili a yiele ama la a, Cardinal Rex Lawson, E.T. Mensah, Victor Uwaifo, bama zaa baŋ la a boŋmeɛre ama soŋ, a maŋ de meele ne a Afrika saaŋkompare boŋŋmeɛre ane a Western. A tendaa zaa zɔɔre ayi soba, a highklife ŋa pãã lɔnne ta a Igbo noba naŋ be a Nigeria paaloŋ poɔ, ka ba meŋ boɔlɔ o ka Igbo highlife, anaŋ da yiele meŋ da de yuori a Nigeria paaloŋ poɔ a yi a 1960s yuomo na poɔ.

Anaŋ waana ŋaa, Highlife yiele e boŋkaŋa naŋ de yuori  a Ghana paaloŋ zaa  ane a tendaazaa naŋ ŋmaa viiri koli, a yi ba puoru zie, ane ba sori tuubu yelsonne banaŋ maŋ bare Ghana naŋ e ba yiri kyɛe te be ziekaŋa. A 2015 yuoni poɔ, UNESCO deme da boɔle la kpaaroŋ kaŋa  a kyaare ne a intangible cultural heritage

Dakoreŋ bee Saadayel

Ka fooŋ na tuule a kaa arpeggiated soŋ, highlife yiele poɔ, guitar e bone kaŋa fo naŋ koŋ baŋ sɔre iri bare, a yi be ka Afo-Cuban guajeo a meŋ tu. A guitar ama yi la aŋa 3-2 clave motif guajeo naŋ be a pulliŋ. A gbeleme onaŋ ka ba boɔlɔ cuba, a waa ŋa clave naŋ be a Ghana paaloŋ bee a Ghana bommaala, a Ghana poɔ kyɛ onaŋ la ka de ŋmeɛrɛ ne ba highlife.

: highlife guitar part (Play^ⓘ).

A highlife ŋa piilu bee yiibu zie piili la a wagere na Western Afrika naŋ di naaloŋ paaloŋ zaa poɔ.

Dãã pelaa yiele.

Dãã pelaa yiele, la ka ba boɔlɔ ka maringa naŋ be a Sierra Leone poɔ. A yiele ama taaba maŋ e naŋ yi a coastal paaloŋ poɔ, a wagere na a yieluŋ kyeɛrebɛ naŋ da piili derɛ a yiele boŋŋmeɛre a pullu ne ba saaŋkompare boma. A dasaŋa na, 4/4 meter la ka ba da maŋ de ŋmeɛrɛ ne. A yiele da ŋmeɛrɛ la a palm-wine bar (daa nyu die poɔ), a be la sogyɛre, boŋkoɔbo, tontonema ane gɔbenɛnte tontonema a maŋ te zeɛŋ a nyuuru daa.Palm-wine yiele ba kɔɔre kyɛ de kpɛ a Afrikan yieluŋ waaloŋ a ta ŋa 12/8 polyrthythrms; a kɔkɔre ŋa la ka ba boɔlɔ Native Blues. A gɔɔloŋ da de la yuori a do saa sɛre ka tendaazaa zɔɔre ayi soba baŋ wa, ka fere bare a yiele ama kyɛɛbo.

Brass-Band Highlife

A yieluŋ bɔgere ne a western brass band a European yitaa ne la West Afrika poɔ. A sogyɛre maŋ de la yieluŋ ŋmeɛrebɛ brass band a wuli bee de a yieluŋ gɔne a maakyere ne. aŋaa puoriŋ, yieluŋ kyeɛbɛ nyɛ la a lɛ a west Indian gaŋga ŋmeɛremɛ a saaŋkompare yiele wagere na banaŋ maŋ zeŋe zagela. A yelŋa yieluŋ ŋa banaŋ maŋ de maakyere ne a polyrhymic saaŋkompare yiele banaŋ maale ka ba boɔlɔ adaha, a gɔɔloŋ ŋa e la mɔlɔ lɛ ne a boŋŋmeɛrɛ ka ba boɔlɔ konkoma. A gɔɔloŋ piilu yi jazz a New Orleans.

Dance ane guitar band highlife

A 1920 yuoni poc, Ghana yieluŋ ŋmeɛrebɛ de a tuure paaloŋ yieluŋ gɔɔloŋ aseŋ, foxtrot ane calypso a pãã de a Ghana kɔkɔre aseŋ osibisaba (Fante). Highlife da e bone naŋ meele ne a Afrikan saaŋkompare a yi saŋa na a nempeɛle naŋ da di naaloŋ bee a kaara ba, a yiele ama da e la boma yieluŋ kyɛɛrebɛ gyamaa naŋ ŋmɛ aseŋ; Jazz Kings, Cape Coast Sugar Babies, ane Accra Orchestra a yi coast paaloŋ poɔ. A kyɛkyɛlebɛ ka ba woŋ a yieluŋ noɔ dãã kɔrɔ zie a be la ka ba pãã da ko o a yuori. A orchestra  seɛre wederɛ ŋa la Yebuah Mensah ( E.T Mensah beɛre kpoŋ) a yeli John Collins a 1973 yuoni poɔ, ka a yuori highlife yi la a 1920s yuomo pilu saŋa.

Jacob Asare (onaŋ ka neɛzaa baŋ ba boɔlɔ ka Kwame Asare bee Jacob Sam) ona la ka neɛzaa sage di ka onaŋ la Ghana yieluŋ ŋmeɛrɛ danweɛŋ soba naŋ ŋmɛ highlife yieluŋ. A 1928 yuoni poɔ, ona ane o laŋgbuli taaba naŋ be a Kumasi Trio la da ŋmɛ Yaa Amponsah (Amponsah Part I &II) a London a Zonophone labe poɔ. A yiele ama la ka gyamaa baŋ ka a e mannoo ka Ghana guitar-band highlife. A pãã yi a 1930 yuomo poɔ, a highlife ŋa yi la yaare a kpɛ Sierra Leone, Liberia, Nigeria and Gambia ane a wester Afrikan paaloŋ poɔ, a be la ka a yiele ama vu-araa.

A 1940 yuomo poɔ, a yiele ama wa poŋi eŋ la ziiri ayi. Seɛre highlife ane guitar band highlife. A guitar band highlife na maŋ de gaŋga bilii kyɛ a dasŋa na gba a da ba nyɛrɛ lɛ, bonso a da maŋ be koribilee poɔ.saaŋkonnoŋ wuli ka a boŋŋmeɛre ama a seŋ seprewa naŋ be a irigiŋ poɔ, yieluŋ ŋmeɛrebɛ poɔ da pɛle la ne a guitar ŋa.A dagomba noba gɔɔloŋ na la ka ba da maŋ de ŋmeɛrɛ ne, a yelŋa e la bone banaŋ pɛŋ yi ne a Kru boŋkoɔreba zie naŋ be a Liberia poɔ. Guitar band highlife meŋ maŋ puli neŋ la yiele kyɛɛbo, gaŋgaɛ ane sensɔgere E.K ane Akan Trio soŋ la ka a guitar band highlife ane yiele a zuo 400, Nyame nyɔvooroŋ poɔ.

A Ghana Paaloŋ poɔ

Libiri bataabo la maŋ vɛŋ ka Ghana noba bare ba yiri kyɛ tu sori a ziiri a 1960 yuomo na poɔ, ka ba te bo boɔbo a yi paati paati yɛlɛ zuiŋ, a 1970 yuomo ane a 1980 yuomo poɔ, paati yɛlɛ da e la werekao a ko noba azuo a zaa yieluŋ ŋmeɛreba ka ba fãã kyɛ gaa a Germany tembilii mine poɔ merɛ be la be naŋ koro saama vuo ka ba na toɔ zeŋe laafeɛ.

Bugar highlife

Neɛkaŋa naŋ yi Ghana paaloŋ kyɛ be Germany poɔ la wane a yieluŋ bɔger ŋa, o maŋ de la funk, disco, and synth-pop lantaa a maale ne o yiele. A yuori burger highlife e la bonso Ghana noba gyamaa ziezaa be la Hamburg a Germany poɔ. Azuiŋ a yieluŋ ŋa e bone ba naŋ de ko banaŋ naŋ tu sori a gaa Germany ane Ghana. O meŋ leɛroo piilu zie la ne a ziyuo boma la, a yi a 1990 yuomo naŋ puoriŋ, a wagere na a yiele maalo boŋŋmeɛre da maŋ e la fentedigile boma yoŋ.