2012 Nigeria floods

2012 Nigeria floods

kɔkpɛɣu

Yaɣ sheli	corrosion
Di pilli ni	Silimin gɔli July 2012
Facet of	kɔkpɛɣu
Dunia yaɣili	Africa
Tiŋa	Nigeria
N tahi	kɔkpɛɣu
Di malila tuma	drainage, slum

 

 From Wikidata

Yuuni 2012 Nigeria floods ŋɔ nyɛla din daa piligi silimiin goli July yuuni 2012. Niriba ban kalinli daa yiɣisi kɔbisita ni pihiyobu ni ata nyɛla ban daa koŋ bɛ nyɛvuya ka salo ban kalinli daa yiɣisi kamani 2.1 miliyɔŋ daa koŋ bɛ biɛhisi shɛhi bin din gbaai silimiin goli November dabaa anu dali yuuni 2012. Lahabali din yina National Emergency Management Agency (NEMA) wuhiya ni yaɣa pihita zaŋ n-ti Nigeria yaɣa pihita ni ayobu puuni nyɛla ko'kpɛɣu ni daa paai shɛli ka di ni daa dam yaɣa ayi shɛŋa pam nyɛ Kogi mini Benue States. Di daa nyɛla ko'kpɛɣu shɛli din na ʒini niŋ kamani yuun pihinahi din gari maa, ka daa dam salo ban kalinli yiɣisi kamani miliyɔŋ dibaa ayopɔin. Laɣa shɛli bɛ ni daa di niŋ lala ko'kpɛɣu ŋɔ nyɛla din yiɣisi kamani N2.6 trillion.

Dalirinima

Nigeria nyɛla din tooi nyari ko'kpɛɣu pam saha shɛli saa yi piligi miibu. Saha shɛŋa di nyɛla din tooi diri nyɛvuya di gbaai bahindi tiŋkpaŋ shɛŋa kom ni bi tooi zori kpɛri tiŋgbani.

Silimiin goli July

Silimiin goli July dabaa ayi dali yuuni 2012, Nigeria yaɣ'shɛŋa nyɛla din daa nya saa pam di gbaa bahindi ninvuɣ'shɛba ban be Lagos. Yaha, so shɛŋa nyɛla din daa ku tooi lahi doli ka dizuɣu daa chɛ ka salo pam bukaatanima daa saɣim. Loorinima kpɛbu liɣiri nyɛla din daa pahi lala yaɣa ŋɔ pirinla soya maa bi lahi viɛlli maa zuɣu ka Nigeria gomnanti nyɛ ŋun daa piligi Oke-Afa Road malibu.

Water Submerged settlement

Silimiin goli July yuuni 2012 sunsuun, ko'kpɛɣu din daa niŋ Ibadan yaɣili nyɛla din daa chɛ ka salo ban be Challenge, Oke-Ayo n-ti pahi Eleyele daa zo n-ti tiligi. Lala ko'kpɛɣu ŋɔ nyɛla din daa che ka dolodolonima koŋ asori chani asiba kam. Nigerian gomnaanti nyɛla ŋun daa yɛlli ni duri shɛŋa zaa din be ko'soya zaa nyɛla din to ni bɛ wurim shɛli ka ninvuɣ so ŋun so lahabali wuligibu Bosun Oladele daa yina ti yɛlli ni lala ko'kpɛɣu ŋɔ bɛ di nyɛvuli bee binshɛli.

Silimiin goli July yuuni 2012 naabu ni, salo ban kalinli daa yiɣisi pihinahi yini ka nyɛla ban daa koŋ bɛ nyɛvuya pirinla ko'kpɛɣu din daa niŋ Nigerian Plateau yaɣili la zuɣu. Sa'titali nyɛla din daa mi ka dizuɣu daa chɛ ka Lamingo mɔɣili daa kpɛ yaɣ'yi ka daa chii kpɛ tiŋa shɛŋa din baɣili maa ka di yanima din kalinli din daa yiɣisi kamani kɔbishee. Yaha, niriba ban kalinli daa yiɣisi pihita ni anu nyɛla ban daa barigi ka Manasie Phampe ŋun daa nyɛ kpɛma zaŋ n-ti ban daa bori bɛ shee ŋɔ yɛlli ni bɛ nyɛla ban niŋdi kpaŋmaŋ kam ni bɛ nya ba. Niriba ban kalinli daa yiɣisi kamani 3,000 nyɛla ban daa koŋ biɛhisi shɛhi ka daa chaŋ n-ti gomnanti duri din be Jos ni.

Silimiin goli August

Silimiin goli August sunsuun, ko'kpɛɣu nyɛla din daa di salo ban kalinli daa yiɣisi pihita ni ata nyɛvuya Plateau State ka lahabali tira zaŋ n-ti National Emergency Management Agency din be Nigeria, Abdussalam Muhammad daa yɛlli ni yanima pam gba nyɛla din saɣim n-ti pahi soya. Ko'kpɛɣu ŋɔ nyɛla din daa dam salo ban kalinli daa yiɣisi kamani 12,000 ka shɛba daa koŋ bɛ biɛhisi shɛhi.

Submerged Houses in Makurdi

Silimiin goli September

Din daa niŋ ka bɛ yoogi mɔɣili yuli booni Lagdo Reservoir ka be Cameroon nyɛla din daa di niriba ban kalinli daa yiɣisi pihita nyɛvuya Benue State.

Anambra yaɣili, ko'kpɛɣu ŋɔ nyɛla din daa dam tiŋsi kamani Ayamelu, Ogbaru, Anambra West n-ti pahi Anambra East. Lahabali nyɛla din daa yina wuhiri ni ko'kpɛɣu zuɣu chami ka niriba ban kalinli yiɣisi kamani miliyɔŋ dibaa ayi yi Anambra State yuuni 2012.

Lokoja Flood 2012

Lihimi m pahi

• 2022 Nigeria floods
• List of deadliest floods