Tom Hooson

Roedd Thomas (Tom) Ellis Hooson (16 Mawrth 1933 – 8 Mai 1985) yn wleidydd Ceidwadol Cymreig ac yn Aelod Seneddol Brycheiniog a Sir Faesyfed o 1979 i 1985.

Tom Hooson
Ganwyd	16 Mawrth 1933  Y Rhyl
Bu farw	8 Mai 1985
Dinasyddiaeth	Cymru
Alma mater	Ysgol Uwchradd Rhyl Coleg y Brifysgol Gray's Inn
Galwedigaeth	gwleidydd
Swydd	Aelod o 49fed Llywodraeth y DU, Aelod o 48fed Llywodraeth y DU
Plaid Wleidyddol	y Blaid Geidwadol

Bywyd personol

Ganwyd Hooson yn y Rhyl, Sir Ddinbych, yn fab i David Maelor Hooson, amaethwr, a Ursula (née Ellis) ei wraig. Cafodd ei addysgu yn Ysgol Ramadeg y Rhyl a Choleg y Brifysgol Rhydychen. Cafodd ei alw i'r Bar yn Gray's Inn. Roedd yn gefnder i'r Aelod Seneddol Rhyddfrydol Emlyn Hooson; roedd y bardd I. D. Hooson yn hen ewyrth iddo. Roedd yn ddi-briod.

Gyrfa

Bu'n gweithio ym myd y cyfryngau, cyhoeddi, hysbysebu a marchnata ym Mhrydain, UDA a Ffrainc fel cyfarwyddwr yng nghwmnïau Benton & Bowles a'r Periodical Publishers Association. Bu hefyd yn gweithio i'r Blaid Geidwadol fel cyfarwyddwr cyfathrebu o 1976 i 1978. Sefydlodd y cylchgrawn Welsh Farm News ym 1957.

Gyrfa wleidyddol

Safodd yn aflwyddiannus fel yr ymgeisydd Ceidwadol yn etholaeth Caernarfon ym 1959. Safodd ym Mrycheiniog a Sir Faesyfed yn etholiad 1979 gan gipio'r sedd oddi wrth Caerwyn Roderick a'r Blaid Lafur gan ddal y sedd hyd ei farwolaeth ym 1985

Marwolaeth

Bu farw ar ôl brwydr hir yn erbyn y cancr yn ei gartref yn Llundain ym 1985.

Cyfeiriadau

Senedd y Deyrnas Unedig
Rhagflaenydd: Caerwyn Roderick	Aelod Seneddol Brycheiniog a Sir Faesyfed 1979 – 1985	Olynydd: Richard Livsey