Urbanisimu

L'urbanisimu hè e scienze, tecniche è arti ligati à l'urganizazione è l'arrangiamentu di i spazii custruiti. Hè l'inseme di misure suciali, ecunomiche, tecniche è amministrative, per u sviluppu armuniosu, raziunale è umanu di una cità.

Hè una disciplina è una pràtica à lincrociu di a geografia è di l'architettura. L'urbanistica hè vicina di a pianificazione territuriale à una scala giugrafica multi-cumunale.

Cumu l'hà analizatu Françoise Choay, ùn se ristringhe micca à e cità.

I prufessiunali sò chjamati urbanisti.

U portu di Bastia

Grattacieli (Toronto)

Storia

A l'iniziu di u cuncettu

L'urbanisimu cumu idea nasce assai prestu in l'antichità. L'urganisazione di l'umani è di e so attività hè nata da u sempre : comu l'altri animali, l'umanu sceglie certi lochi pè cercà à manghjà, d'altri pè aggruttà si, è ancu d'altri per altre stonde di a vita (parturì, faccende è morte).

Digià à l'epica egizziana, un ierogliffu facia a rilazione trà un spaziu è l'attività: in u stessu locu c'era mestieri sfarente ch'eranu assai intricciati in giru à un circondu cumunu. I Rumani usanu e parole « cardo » (confina, strada orientata Cismonte-Pumonte) è «decumanus» (strada orientata Levante-Punante).

Per i filosoffi grechi, comu Platone è Aristoteli, l'urganisazione di a cità deve permette à l'umani d'esse una parte attiva di una mossa cullettiva, da diventà citatinu ; issa parolla ha e so radiche in « civis » (in latinu) chi vole dì cità cumu spaziu ustruitu. « Urbs » (per urbanisimu) vole dì cità cum'è associu suciale.

A vita suciale è pulitica d'i citadini hè u puntellu di a cità. Piglià in contu funzioni comu : i bagni, e scole, lochi spurtivi, economichi (mercà, portu) è culturali.

Si traduce pè e cità rumane è gallurumane da un pianu urganizatu.

Pianu di a cità rumana d'Auxerre (British Library)

D'altr'onde si trova ind'è scritti di Rabelais (L'Abbaye de Thélème) è di Thomas More una riflesione nanta u spaziu di una sucetà ideale.

Parecchi disegni di cità perfette sbuccenu à u Rinascimentu in tutta l'Europa.

I scumpigli di l'industrialisazione

U sviluppu di l'industrialisazione porta una massa di populazione versu e cità per i bisogni manuali. Avera pè cunsequenza una cescita disurdunata di cunstruzione, cù un ambiente mal sanu.