Dinastía carolinxa
La dinastía carolinxa o dinastía carlovinxa refierse al llinaxe de reis francos que gobernaron Europa Occidental ente los sieglos VIII y X. El so nome deriva del so fundador, el mayordomu de palaciu y vencedor de la batalla de Poitiers, Carlos Martel.
| Dinastía carolinxa | |
|---|---|
| dinastía | |
 | |
| Direición | Imperiu carolinxu |
| Historia | |
| Orixe del nome |
Charles Martel (en)  |
| Pertenez a | pueblos xermánicos |
 | |
Aspeutos históricos
editarEsti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
La dinastía deriva del matrimoniu de los fíos d'Arnulfo de Metz y Pipín el Vieyu, dambos descritos por Fredegario como los señores más importantes d'Austrasia. La familia consolidó'l so poder dende'l segundu terciu del sieglu VII, cuando consiguió que l'oficiu de mayordomu de palaciu fuera hereditariu. D'esta forma, conviértense nos verdaderos gobernantes de los francos; ente que los reis merovinxos quedaron amenorgaos a un papel nominal.
El mayordomu de palaciu Pipín el Curtiu (fíu de Carlos Martel y descendiente de Pipín el Vieyu) llogró destronar al so rei merovinxu Childerico III y ser reconocíu rei de los francos con sofitu del Papa. Pipino foi asocedíu nel tronu francu por Carlomagno. Nesta dinastía apaez l'Imperiu carolinxu, como ye llamáu polos historiadores el vastu territoriu que xunió Carlomagno sol so reináu, un periodu deriváu de la política de Pipino y Carlomagno. Esti imperiu se disgregó poques décades dempués tres la muerte del fíu de Carlomagno, Lluis I el Piadosu o Ludovico Pío, cuando los cuatro fíos d'esti (Carlos, Lotario, Luis, Fiona y Elia) partiéronse l'imperiu per aciu el Tratáu de Verdún (843). El poder de la dinastía entós foi amenorgando. La parte media, en siendo disgregada, incorpórase a la zona oriental. Los carolinxos de la parte oriental escántense cola muerte en 911 de Lluis el Neñu y nel so llugar establecióse la dinastía saxona dende 919. Y la caña occidental de los carolinxos escástase ente 888 y 987, y a partir d'esa fecha estableciéronse finalmente los Capetos nel tronu de los francos.
Los socesores de Carloman nun pudieron combinar los elementos políticos y el vezu xermánicu d'estremar el territoriu ente tolos fíos del soberanu. L'Imperiu de Carlomagno basábase sobre la llealtá de los condes que gobernaben les distintes rexones escontra la so persona y nes riqueces que derivaben de les conquistes. El so socesor encaróse con tres guerres civiles aniciaes polos sos fíos que debilitaron el poder central; colo cual, el territoriu que constituyera l'imperiu de Carlomagno se disgregó en menos de cinco décades, metanes les guerres intestines y los ataques de los nórdicos, dando pasu a la plena puxanza del feudalismu.
Per años, la Dinastía Carolinxa desenvolvió un arte propio de gran influencia n'Europa, pos l'Imperiu Carolinxu foi centru de la política europea per décades (víase Arte carolinxo). La cultura carolinxa tamién goció de gran prestíu, y los historiadores falen d'una verdadera «renacencia carolinxa», basada sobre l'espardimientu cultural y sobre l'enseñu nes escueles de la dómina. El estilu arquiteutónicu de la dómina, que yera una forma del arte prerrománico, tamién se denomina «estilu carolinxu».
Gobernantes
editarMayordomos de Palaciu carolinxos
editar- Pipín el Vieyu (616–629 y 639): de Austrasia.
- Grimoaldo'l Vieyu (643–662): de Austrasia.
- Pipín d'Heristal (687–714): del Reinu de los Francos.
- Grimoaldo'l Mozu (714–715): del Reinu de los Francos.
- Carlos Martel (715–741): del Reinu de los Francos.
- Carlomán (741–747): de Austrasia.
- Pipín el Curtiu (741–747): de Neustria y Borgoña; 747–751: del Reinu de los Francos.
Reis carolinxos
editarEmperadores carolinxos
editarReis de Francia Oriental (Alemaña)
editarReis de Lotaringia
editar- Lotario I (843–855)
- Lotario II (855–869)
- Zuentiboldo (895–900)
Reis de Francia Occidental
editarOtros soberanos
editar- Carlos de Provenza, Rei de la Provenza (855–863)
- Carlomán de Baviera, Rei de Baviera (876-880)
Ver tamién
editarReferencies
editarEnllaces esternos
editar
Wikimedia Commons acueye conteníu multimedia sobre la Dinastía carolinxa.
Datos: Q133602- Multimedia: Carolingian dynasty