اوروبا

اوروپا (يونانى قديم: Εὐρώπη; انجليزى: Europe) هى واحدة من السبع قارات اللى موجودين فى الكورة الارضية و مساحتها حوالى 10 مليون كيلومتر مربع و بكده تكون تانى اصغر قارة فى العالم بعد اوستراليا. اوروپا هى تالت قارة فى العالم من عدد السكان بعد اسيا و افريقيا و عايش فيها دلوقتى 731,000,000 انسان. القارة بيحدها من الشمال المحيط القطبى ومن الغرب المحيط الاطلنطى و يفصلها عن قارة افريقيا البحر المتوسط. اما من ناحية الشرق فبيفصلها عن قارة اسيا جبال الاورال و بحر قزوين و البحر الاسود و جبال القوقاز. اوروپا فيها عدد كبير من الدول المستقلة ( 50 دولة )اكبر دولة بينهم هيا روسيا و اصغر دولة بينهم هيا الفاتيكان. اوروپا هى اصل الحضارة الغربية و من زمان هيا فيها مراكز حشديده عظيمة زى الحضارة اليونانية و الرومانية و من اول القرن الستاشر بدات قوتها و نفوذها يتوسع لحد ماسيطرت الدول الاوروپية على معظم دول افريقيا و امريكا الشمالية و الجنوبية و اسيا و اوستراليا. اوروپا دخلت حربين عالميتين ورا بعض و اللى قصقصو نفوذها و دمرو اقتصادها و خلوها تخسر معظم مستعمراتها. دلوقتى اغلب دول القارة بيجمعهم اتحاد سياسي-اقتصادى هو الاتحاد الاوروپى. من اكبر المدن اللى فى اوروبا باريس و لندن و روما و بوخارست و بيرلين و استانبول و موسكو و مدريد و اتينا.

اوروبا
على اسم	اوروبا (زوجة زيوس)
جزء من	اوراسيا الارض
الارض و السكان
احداثيات	48°41′27″N 9°08′26″E
اعلى قمه	جبل البروس (5642 متر )
اخفض نقطه	بحر قزوين (-28 متر )
المساحه	10186000 كيلومتر مربع
التعداد السكانى	744094971 (2025)
الحكم
التأسيس والسيادة
بيانات تانيه

قارة اوروپا متعلّم عليها بالاخضر

صورة لقارة اوروپا متاخدة ب القمر الصناعى

اللغات

اوروبا قارة غنية باللغات الكتيرة وكلها تقريبا بتتبع عيلة اللغات الهندواوروبية و اغلب اللغات دى ممكن تتقسم فى تلات مجموعات رئيسية: اللغات الرومانسية اللى جاية من اللاتينبي ، اللغات الجيرمانية واللى جاية من جنوب اسكندنافيا و اخيرا اللغات السلافية فى شرق اوروبا وكمان فى لغات زى المالطى اللى بيعتبر لهجة جاية من العربى و التركى و الباسكى اللى بره العيلة او المجموعات دى.

اللغات الهندو-اوروپيه

كما راينا فى الاعلى فهده اكبر عيلة لغويةفى اوروبا و فيها :

1. اللغات الرومانسية كالايطالى و الفرنسية و الاسبانى و اللغة الرومانيه و البرتغالي
2. اللغات الجيرمانية كالانجليزى و الالمانى و الايسلاندى والدانيماركى و السويدى و النوريجي
3. اللغات السلافية كالروسى و الاوكرانى و البولجارى و التشيكى و البولاندية و الصيربى و الكرواتى و البوسنى.
4. الالباني
5. اليوناني

اللغات الالتية

و هى بتضم شوية لغات اهمها التركى.

الباسكى

و هى لغة معزوله و ملهاش قرايب من نفس العيله فى اوروپا و بيتكلمها دلوئتى سكان اقليم الباسك فى شمال اسبانيا.

اللغات الاورالية

وهى بتضم الفنلندى و المجرى.

اللغات السامية

اللغات السامية ليها تمثيل واحد بس :المالطى و اللى بيتفرع من العربى و بيكتب بحروف لاتينى.

فيه فايلات فى تصانيف ويكيميديا كومونز عن:

اوروبا