الفيوم

الفيوم
الفيوم
الاسم الاصلى
جزء من	مصر السفلى
البلد	مصر
عاصمه لـ	محافظة الفيوم ; مركز الفيوم
التقسيم الادارى	محافظة الفيوم
الارض و السكان
احداثيات	29°18′00″N 30°50′00″E / 29.3°N 30.833333333333°E
الارتفاع عن; مستوى البحر(م)
عدد السكان	519,047
الحكم
التأسيس والسيادة

الفيوم (بالقبطيه: 'Ⲫⲓⲟⲙ) هى مدينه مصريه وعاصمة محافظة الفيوم. بتنقسم لحيين سكنيين بتفصلهم ترعة بحر يوسف اللى بينتصف مدينة الفيوم، و موجوده المدينه فى منخفض الفيوم اللى موجود على بعد 100 كيلومتر (62 ميل) جنوب غرب القاهره.

وبتشتهر المدينه ومراكزها بأنها مركز تجارى هام وفيها ديوان المحافظه وفروع الوزارات وبتشتهر قراها بصناعات منتجات النخيل السجاد وزراعات التين الرمادى وتفريخ الفراخ.

التاريخ

كانت الفيوم فى عهد الفراعنة جزء من المناطق العشرين فى مقاطعات الوجه القبلي، و كانت عاصمتها أهناسيا. ولما ازدهرت، بقى اسمها برسين يعنى بيت التمساح، لأن التمساح كان بيعبد وقتها. و كمان كانت فيها بيئات مختلفة منها ريفية وساحلية وصحراوية وحضرية، وده اللى خلاها تبقى من أهم المناطق السياحية فى مصر.

اسم الفيوم جه فى النصوص المتأخرة من العصر الفرعونى باسم بايوم بمعنى البحيرة أو الماء، و بعد كده فى القبطية بقى فيوم، و فى العربية اتحولت للفيوم بعد اضافة اداة التعريف.

أما كيمان فارس فهى بقايا مدينة قديمة اسمها شدت، واللى كان معناها الأرض المستصلحة، وده كان اسم الفيوم فى العصور الفرعونية. والفيوم ليها كذا اسم تانى زى تا شى اللى معناها أرض البحيرة، ومر ور اللى معناها البحر العظيم، وبعدها أرسينوى نسبة لملكة بطليموس التاني، وكروكوديلوبوليس يعنى مدينة التمساح لأن التمساح كان الاله الرئيسى فى الفيوم.

وفى الاخر اسمها بقى بايوم اللى اتحرف للفيوم. أما كيمان فارس فهو الاسم الحالى الشائع للمكان. و المنطقة دى فيها اثار زى بقايا معبد رمسيس التاني، وجزء من سور لمعبد يونانى غالبا لبطليموس التاني، و كمان حمامات رومانية. وحاليا فيها مبانى حديثة زى جامعة الفيوم ومساكن ومصالح حكومية.

الاقتصاد

الزراعة

وهى النشاط الاقتصادى الاولانى فى المحافظة اللى عاصمتها مدينة الفيوم ومن أكتر المحاصيل المنتجة هيا القمح والذرة والطماطم وبنجر السكر والمانجو والتين والبلح.