تتار
التتار او التتر - Татарлар تاتارلار - ، اسم عام بيتقال على شعوب اكتسحت اجزاء من اسيا و اوروبا بزعامة المغول فى القرن 13. بيعتقد ان التتر الاوائل جم من شرق اسيا او من وسط سيبيريا. بعد ما انحصرت موجات غزوهم فى جهة الشرق فضلو مسيطرين تقريب على كل روسيا وسيبيريا و فضلت امبراطوريتهم ( امبراطورية القبيله الدهبيه ) قايمه لغاية اواخر القرن خمستاشر لما اتقطعت لخانيات كتيره مستقله و وقعت فى ايد الاتراك العثمانليه و قيصر روسيا ايفان الرابع ، لكن رغم كده ، لمده طويله فضلت سيبيريا معروفه ببلاد التتار و فضلت منطقة القرم معروفه باسم بلاد التتار الصغرى. التأثير التترى بيظهر فى كل تاريخ روسيا. فيه حوالى 10 مليون تترى منهم اكتر من خمسه مليون عايشين فى المنطقه اللى كان بيضمها اتحاد الجمهوريات السوفيتيه الاشتراكيه فى روسيا و اوكرانيا و طاجيكستان و تركمانستان و كيرجيستان و ازربيجان و كمان فى افغانستان ، و بيتكلمو لغه من اصل تركى و معظمهم مسلمين. المؤرخين و الكتاب و العامه فى المنطقه العربيه استخدمو لفظ تتار للتعبير عن المغول بسبب قلة الدرايه بالفرق.
| ||||
|---|---|---|---|---|
| صنف فرعى من | ||||
| جزء من | ||||
| التسميه الاصليه | ||||
| مجموعه عرقيه | ||||
| العدد الكلى |
6421500 [1] |
|||
| اللغه الام | ||||
| لغات | ||||
مصادر
تعديل- قاسم عبده قاسم: عصر سلاطين المماليك - التاريخ السياسى و الاجتماعى، عين للدراسات الانسانية و الاجتماعية، القاهرة 2007.
- الموسوعة الثقافية ، فرانكلين للطباعة والنشر نيو يورك - القاهرة 1972.
- The New Encyclopædia Britannica, Macropædia, H.H. Berton Publisher, 1973-1974
